ایچ ٹی ٹی پی میل باکس - ایسنکرونس ریسٹفل کمیونیکیشن

[ابن سعید]

اولڈ ڈومینین یونیورسٹی، ویب سائنس اینڈ ڈیجیٹل لائبریریز ریسرچ گروپ میں ہم انفارمیشن ریٹریول، انفارمیشن ویژولائزیشن، ویب پریزرویشن/آرکائیونگ، ڈیجیٹل لائبریریز اور سوشل میڈیا وغیرہ کے حوالے سے مختلف قسم کے ریسرچ کرتے رہتے ہیں۔ کچھ عرصہ قبل ہم ایک ایسی تکنیک پر کام کر رہے تھے جس کی مدد سے ویب پر موجود مفید اور اہم مواد کی کئی نقلیں تیار ہو کر مختلف مقامات پر محفوظ ہو جائیں تاکہ اصل مواد ناقابل رسائی ہو تو اس کی دیگر نقلیں سامنے آ جائیں۔ اس مقصد کے تحت ہمیں ویب آبجیکٹس میں ایک طرح کا سوشل نیٹورک بنانا تھا۔ اس کے بعد مختلف ویب صفحات ایک دوسرے سے دوست احباب اور اہل خانہ کی طرح پیش آتے جیسے انسان ایک دوسرے سے پیش آتے ہیں۔ ویب آبجیکٹس کی یہ دوستی ایک دوسرے کو محفوظ رکھنے اور ویب پر موجودگی کو دیر پا بنائے رکھنے میں معاون ثابت ہوتی۔ کوئی بھی تعلق بغیر رابطے کے پروان نہیں چڑھتا لہٰذا اس مقصد کی بر آوری کے لیے ان ویب صفحات کو ایک دوسرے سے باہم پیغامات کا تبادلہ کرنے کی ضرورت در پیش تھی۔ ہم نے بہت سارے طریقوں پر تجربات کیے جو ویب ریسورسیز کو ایک دوسرے سے رابطے میں رہنے اور مراسلت کرنے میں معاون ثابت ہوتے۔ ہمارے کئی تجربات مختلف مسائل کے باعث ناکام رہے لہٰذا ہم نے "ایچ ٹی ٹی پی میل باکس" سسٹم کی بنیاد ڈالی۔ اس کے اسپیسفیکیشنز لکھے، تجربات پر ان کو پرکھا، مزید بہتری لائی گئی، نتائج کو جانچا گیا اور جب اعداد و شمار اطمینان بخش ملے تو اس مراسلاتی نظام کو دو مختلف مقامات (اطلاقیوں) پر استعمال کرکے دیکھا گیا۔ ہم نے اس کام کو ایک ریسرچ پیپر کی صورت شائع کر دیا ہے جو کہ استفادہ عامہ کے لیے دستیاب ہے۔

ویسے تو یہ یہ عام محفلین کے کام کی چیز نہیں لیکن ماضی میں بعض احباب نے ہماری ریسرچ کے حوالے سے مزید جاننا چاہا تھا لہٰذا جو احباب اس کے بارے میں مزید دلچسپی رکھتے ہوں وہ ہماری ریسرچ گروپ کے بلاگ پر اس تعارفی مراسلے کا مطالعہ کر سکتے ہیں۔ ہمارے ریسرس پیپر کی پی ڈی ایف کاپی آرکائیو ڈاٹ آرگ پر یہاں سے حاصل کی جا سکتی ہے۔ ابتدائی نوعیت کا ریفرینس امپلیمنٹیشن گٹ ہب پر یہاں موجود ہے جس کے سیٹ اپ کا طریقہ کار ریڈ می فائل میں درج ہے۔ بلاگ پوسٹ میں ہمارے ریسرچ گروپ کے کچھ مزید اطلاقیوں کا حوالہ موجود ہے جن میں ایچ ٹی ٹی پی میل باکس کو یا تو استعمال کیا گیا ہے یا استعمال کیا جا سکتا ہے۔ ایسے اطلاقیوں کی ایک مثال "پریزرو می! وژ" ہے جو ہم نے ایک اور پروجیکٹ کی نیٹورک وژولائزیشن کے لیے تیار کیا تھا۔

سوالات؟

 

[محمدصابر]

سعود بھائی۔ ریسٹ کے حوالے سے کوئی اچھی ریفرنس سائٹ مل سکتی ہے؟ اس کے کوئی سٹینڈرڈز سیٹ ہیں؟

 

[امجد میانداد]

سعود بھائی یہ پریزوریشن یا سینکرنائزیشن ویب پیجیز، کونٹینٹ، میڈیا یا اسکرپٹ یا ریسورسز کے لیے ہو گی؟؟ اور کیا سیکیور پہ بھی اطلاق ہو سکے گا اس کا؟ اب چونکہ یہ کونٹینٹ یا میڈیا کے آپس کے تعلق کا سوشل نیٹورک ہو گا تو کیا یہ پبلک کونٹینٹ یا میڈیا کو پریزرو کرے گا یا ای میلز اور دیگر پروٹیکٹِڈ کونٹینٹ تک بھی یا سود مند ہو گا؟؟

 

[امجد میانداد]

ایک چیز اور
کیا ہر سرور اسے اپنے تئیں استعمال کر سکے گا یا ورلڈ وائڈ ویب کے لیے یونیورسل ہو گا

 

[ابو یاسر]

سوالات؟

ٹائم نہیں ہے۔ سوری

 

[محمدصابر]

ٹائم نہیں ہے۔ سوری

ان کو ٹیگ کریں گے تو پتہ چلے گا نا۔

 

[ابن سعید]

سعود بھائی۔ ریسٹ کے حوالے سے کوئی اچھی ریفرنس سائٹ مل سکتی ہے؟ اس کے کوئی سٹینڈرڈز سیٹ ہیں؟

پیپر میں غالباً تین ریفرینسیز موجود ہیں ریسٹ کے حوالے سے۔ اور تینوں ہی "روئے فیلڈنگ" کے ہیں۔ ان ریفرینسیز میں موصوف کی تھیسس، ایک عدد پیپر اور ایک بلاگ پوسٹ شامل ہے۔ آپ چاہیں تو وکیپیڈیا کے ریپرزینٹیشنل اسٹیٹ ٹرانسفر والے صفحے سے شروعات کر سکتے ہیں پھر اس کے ریفرینسیسز بھی ملاحظہ فرما لیں۔

 

[ابن سعید]

سعود بھائی یہ پریزوریشن یا سینکرنائزیشن ویب پیجیز، کونٹینٹ، میڈیا یا اسکرپٹ یا ریسورسز کے لیے ہو گی؟؟ اور کیا سیکیور پہ بھی اطلاق ہو سکے گا اس کا؟ اب چونکہ یہ کونٹینٹ یا میڈیا کے آپس کے تعلق کا سوشل نیٹورک ہو گا تو کیا یہ پبلک کونٹینٹ یا میڈیا کو پریزرو کرے گا یا ای میلز اور دیگر پروٹیکٹِڈ کونٹینٹ تک بھی یا سود مند ہو گا؟؟

آپ کا سوال ایچ ٹی ٹی پی میل باکس کے حوالے سے نہیں ہے بلکہ پریزرویشن والے ایپلیکیشن کے حوالے سے ہے۔ خیر جواب اس کا یہ ہے کہ اولین ترجیح ان ریسورسیز کو پریزرو کرنے کی ہوگی جو ایچ ٹی ٹی پی یا ایچ ٹی ٹی پی ایس یو آر ایل کی مدد سے قابل رسائی ہوں۔ یہ ویب صفحات ایک دوسرے سے دوستیاں کریں گے۔ دوستی کی درخواست وغیرہ بھیجنے کے لیے ایچ ٹی ٹی پی میل باکس کی مدد لیں گے۔ جب دوستی ہو جائے گی تو اپنے دوستوں سے اپنی نقل محفوظ کرنے کی درخواست بھیجیں گے اس طرح ان کے فیملی ممبر دوستوں کے گھر رہائش پزیر ہو جائیں گے۔ کسی ریسورس کے کم از کم اور زیادہ سے زیادہ کتنے فیملی ممبر ہوں اس کی بنیاد پر پریزرویشن کی اسٹیبلٹی کا دار و مدار ہوگا۔ اگر تعداد اس سے زیادہ ہوتی ہے تو کچھ نقلیں حذف کر دی جائیں گی اور اگر کم ہوتی ہے تو مزید نقلیں تیار کی جائیں گی۔ جب تک مرکزی ریسورس آن لائن ہوگا تب تک ساری نقلیں اس کی طرف ری ڈائریکٹ کریں گی اور اگر وہ ضائع ہو جائے تو اس کی نقلیں مل کر کسی ایک کو پیرنٹ ریسورس منتخب کر لیں گی۔ ان تمام کاموں کے لیے جتنی بھی کمیونکیشن درکار ہے وہ سب ایچ ٹی ٹی پی میل باکس کی مدد سے ہوگی۔

ایچ ٹی ٹی پی میل باکس در اصل ایچ ٹی ٹی پی ریکوئیسٹ اور ریسپانسیز کو محفوظ کر لیتا ہے اور جب بھی طلب کیا جائے تو مہیا کرا دیتا ہے۔ اس کام کے لیے مکمل ایک ٹی ٹی ٹی پی میسج (ہیڈر اور باڈی سمیت) ایک اور ایچ ٹی ٹی پی میسج کے اندر رکھ دیا جاتا ہے۔

 

[ابن سعید]

ایک چیز اور
کیا ہر سرور اسے اپنے تئیں استعمال کر سکے گا یا ورلڈ وائڈ ویب کے لیے یونیورسل ہو گا

جس طرح بے شمار ای میل سرور ہیں اسی طرح کوئی بھی اپنا پرائیویٹ ایچ ٹی ٹی پی میل باکس سیٹ اپ کر سکتا ہے یا اپنے میل باکس سروس تک دوسروں کو بھی رسائی دے سکتا ہے۔ کس ویب پیج سے رابطے کے لیے کون سے میل باکس میں پیغامات بھیجنے ہیں اس کا تعین ویب پیج خود کرے گا اور اس معلومات کو ایڈ ورٹائز کرے گا۔ میل باکس کی ایڈورٹائزمنٹ کے لیے ہم نے ایک عدد لنک ریلیشن ایٹریبیوٹ ڈیفائن کر رکھا ہے۔ اگر کسی ویب ڈاکیومنٹ میں ایک لنک ٹیگ شامل کر کے اس کا ریلیشن ایچ ٹی ٹی ُی میل باکس سیٹ کیا جائے اور اس کا ایچ ریف میل باکس کا ایڈریس ہو تو کوئی بھی اس کو ڈسکور کر سکتا ہے۔

ایک عدد ابتدائی نوعیت کی امپلیمنٹیشن گٹ ہب پر موجود ہے۔ آپ اس کا جائزہ لے سکتے ہیں۔ احباب اس پروٹوکول کو سمجھ کر زیادہ بہتر امپلیمنٹیشن بھی کر سکتے ہیں۔

 

[ابن سعید]

ٹائم نہیں ہے۔ سوری

ان کو ٹیگ کریں گے تو پتہ چلے گا نا۔

جناب!

 

[امجد میانداد]

آپ کا سوال ایچ ٹی ٹی پی میل باکس کے حوالے سے نہیں ہے بلکہ پریزرویشن والے ایپلیکیشن کے حوالے سے ہے۔ خیر جواب اس کا یہ ہے کہ اولین ترجیح ان ریسورسیز کو پریزرو کرنے کی ہوگی جو ایچ ٹی ٹی پی یا ایچ ٹی ٹی پی ایس یو آر ایل کی مدد سے قابل رسائی ہوں۔ یہ ویب صفحات ایک دوسرے سے دوستیاں کریں گے۔ دوستی کی درخواست وغیرہ بھیجنے کے لیے ایچ ٹی ٹی پی میل باکس کی مدد لیں گے۔ جب دوستی ہو جائے گی تو اپنے دوستوں سے اپنی نقل محفوظ کرنے کی درخواست بھیجیں گے اس طرح ان کے فیملی ممبر دوستوں کے گھر رہائش پزیر ہو جائیں گے۔ کسی ریسورس کے کم از کم اور زیادہ سے زیادہ کتنے فیملی ممبر ہوں اس کی بنیاد پر پریزرویشن کی اسٹیبلٹی کا دار و مدار ہوگا۔ اگر تعداد اس سے زیادہ ہوتی ہے تو کچھ نقلیں حذف کر دی جائیں گی اور اگر کم ہوتی ہے تو مزید نقلیں تیار کی جائیں گی۔ جب تک مرکزی ریسورس آن لائن ہوگا تب تک ساری نقلیں اس کی طرف ری ڈائریکٹ کریں گی اور اگر وہ ضائع ہو جائے تو اس کی نقلیں مل کر کسی ایک کو پیرنٹ ریسورس منتخب کر لیں گی۔ ان تمام کاموں کے لیے جتنی بھی کمیونکیشن درکار ہے وہ سب ایچ ٹی ٹی پی میل باکس کی مدد سے ہوگی۔

ایچ ٹی ٹی پی میل باکس در اصل ایچ ٹی ٹی پی ریکوئیسٹ اور ریسپانسیز کو محفوظ کر لیتا ہے اور جب بھی طلب کیا جائے تو مہیا کرا دیتا ہے۔ اس کام کے لیے مکمل ایک ٹی ٹی ٹی پی میسج (ہیڈر اور باڈی سمیت) ایک اور ایچ ٹی ٹی پی میسج کے اندر رکھ دیا جاتا ہے۔

تو کیا اس میں پرائیوسی اور کاپی رائیٹس کا ایشو نہیں ہو گا؟؟ اگر میں اپنے ریسورسز اپنی سائٹ کے علاوہ پریزرو نہیں کروانا چاہتا تو اس صورت میں کیا ہوگا، اور ایک عام صارف کو رسائی کیسے ہو گی۔ اگر ایک کونٹینٹ کا ایک یو آر ایل ہے اور وہ وہاں سے حذف کر دیا گیا ہے تو اس کی کاپی تک رسائی کس یو آر ایل سے ہو گی؟
یا شاید میں سمجھ نہیں پا رہا

 

[ابن سعید]

تو کیا اس میں پرائیوسی اور کاپی رائیٹس کا ایشو نہیں ہو گا؟؟ اگر میں اپنے ریسورسز اپنی سائٹ کے علاوہ پریزرو نہیں کروانا چاہتا تو اس صورت میں کیا ہوگا، اور ایک عام صارف کو رسائی کیسے ہو گی۔ اگر ایک کونٹینٹ کا ایک یو آر ایل ہے اور وہ وہاں سے حذف کر دیا گیا ہے تو اس کی کاپی تک رسائی کس یو آر ایل سے ہو گی؟
یا شاید میں سمجھ نہیں پا رہا

در اصل آپ کو اس پورے قصے کو سمجھنے کے لیے ہمارے کولیگ کی تھیسس کا انتظار کرنا ہوگا۔ ریسورسیز کو پریزرو کرنے کے لیے ایک عدد ریسورس میپ بنایا جاتا ہے جو کہ ایٹم ایکس ایم ایل ڈاکیومنٹ ہوتا ہے۔ اس کی ایک ایکسٹنشن کی مدد سے اسے ریسورس میپ ڈاکیومنٹ بنایا جاتا ہے جس کی تفصیلات او آر ای اسپیسفکیشن میں موجود ہیں۔ پھر ویب انٹرفیس کی مدد سے ہیومن اسسٹیڈ پریزرویش کرائی جاتی ہے۔ طریقہ کار اس کا یہ ہے کہ جیسے سوشل میڈیا شئیرنگ کے آئیکن ہوتے ہیں ویسے ہی پریزرویشن کا آئکن شامل کیا جائے گا۔ اس کے لیے ضروری ہوگا کہ صفحے میں کہیں ریسورس میپ ڈسکوری لنک شامل کیا جائے اور ایک عدد جاوا اسکرپٹ فائل۔ پھر اس آئکن پر کلک کرنے سے ایک پاپ اپ نمودار ہوگا جس میں ریسورس میپ کا پورا حلیہ اور اس کے کنکشنز نظر آئیں گے۔ پھر لوگ مدد کریں گے ان کنکشنز کو مزید اسٹیبلش ہونے میں۔ خیر یہ تو ہوا اس کا طریقہ کار۔ رہا سوال اپنی سائٹ تک محدود کرنے کا تو اس قسم کے نظام کا فلسفہ یہی ہے کہ ایک سے زائد ہوسٹ پر مواد کو محفوظ کیا جائے تاکہ کسی تباہی کی صورت میں کاپیاں محفوظ رہیں۔ در اصل دوستیاں کرنے اور دوست منتخب کرنے کے لیے کچھ پالیسیز عمل میں لائی جائیں گی جن کی مدد سے یہ تعین کیا جا سکے گا کہ نقل کہاں جائے کہاں نہ جائے۔ اس بابت مزید تفصیلات متعلقہ تھیسس سامنے آنے پر ہی ملاحظہ فرمائی جا سکتی ہیں۔ ایک یو آر ایل کے نا قابل رسائی ہونے پر اس کی دیگر نقلوں کو ڈھونڈنے کے کچھ طریقے اس تھیسس میں لکھے گئے ہیں۔ یہ ایک بنیادی سوال ہے لہٰذا اس کا جواب آپ کو تھیسس کے منظر عام پر آنے کے بعد ضرور مل جائے گا۔ اس میں ایک سے زائد طریقہ کار درج ہوں گے۔ ان میں سے ایک طریقہ کار میں ایچ ٹی ٹی پی میل باکس کی مدد سے باقی نقول تک رسائی حاصل کرنا بھی شامل ہے۔

 

[امجد میانداد]

در اصل آپ کو اس پورے قصے کو سمجھنے کے لیے ہمارے کولیگ کی تھیسس کا انتظار کرنا ہوگا۔ ریسورسیز کو پریزرو کرنے کے لیے ایک عدد ریسورس میپ بنایا جاتا ہے جو کہ ایٹم ایکس ایم ایل ڈاکیومنٹ ہوتا ہے۔ اس کی ایک ایکسٹنشن کی مدد سے اسے ریسورس میپ ڈاکیومنٹ بنایا جاتا ہے جس کی تفصیلات او آر ای اسپیسفکیشن میں موجود ہیں۔ پھر ویب انٹرفیس کی مدد سے ہیومن اسسٹیڈ پریزرویش کرائی جاتی ہے۔ طریقہ کار اس کا یہ ہے کہ جیسے سوشل میڈیا شئیرنگ کے آئیکن ہوتے ہیں ویسے ہی پریزرویشن کا آئکن شامل کیا جائے گا۔ اس کے لیے ضروری ہوگا کہ صفحے میں کہیں ریسورس میپ ڈسکوری لنک شامل کیا جائے اور ایک عدد جاوا اسکرپٹ فائل۔ پھر اس آئکن پر کلک کرنے سے ایک پاپ اپ نمودار ہوگا جس میں ریسورس میپ کا پورا حلیہ اور اس کے کنکشنز نظر آئیں گے۔ پھر لوگ مدد کریں گے ان کنکشنز کو مزید اسٹیبلش ہونے میں۔ خیر یہ تو ہوا اس کا طریقہ کار۔ رہا سوال اپنی سائٹ تک محدود کرنے کا تو اس قسم کے نظام کا فلسفہ یہی ہے کہ ایک سے زائد ہوسٹ پر مواد کو محفوظ کیا جائے تاکہ کسی تباہی کی صورت میں کاپیاں محفوظ رہیں۔ در اصل دوستیاں کرنے اور دوست منتخب کرنے کے لیے کچھ پالیسیز عمل میں لائی جائیں گی جن کی مدد سے یہ تعین کیا جا سکے گا کہ نقل کہاں جائے کہاں نہ جائے۔ اس بابت مزید تفصیلات متعلقہ تھیسس سامنے آنے پر ہی ملاحظہ فرمائی جا سکتی ہیں۔ ایک یو آر ایل کے نا قابل رسائی ہونے پر اس کی دیگر نقلوں کو ڈھونڈنے کے کچھ طریقے اس تھیسس میں لکھے گئے ہیں۔ یہ ایک بنیادی سوال ہے لہٰذا اس کا جواب آپ کو تھیسس کے منظر عام پر آنے کے بعد ضرور مل جائے گا۔ اس میں ایک سے زائد طریقہ کار درج ہوں گے۔ ان میں سے ایک طریقہ کار میں ایچ ٹی ٹی پی میل باکس کی مدد سے باقی نقول تک رسائی حاصل کرنا بھی شامل ہے۔

شکریہ کے بٹن کی شدید کمی محسوس ہوتی ہے۔

 

[ابن سعید]

جو احباب اس تھیسس میں دلچسپی رکھتے ہیں ان کی اطلاع کے لیے عرض ہے کہ اب مکمل تھیسس (پی ڈی ایف) اور پریزینٹیشن سلائڈس عمومی طور پر دستیاب کرا دی گئی ہیں۔ مزید تفصیلات کے لیے ہمارے ریسرچ گروپ پر شائع بلاگ پوسٹ ملاحظہ فرمائیں۔ اپنے سوالات اور تبصرے (اگر انگریزی میں لکھے ہوں تو) بلاگ پر بھی ارسال کر سکتے ہیں وگرنہ اردو میں یہاں محفل میں دریافت کرنے میں کوئی مضائقہ نہیں۔

 

[محمدصابر]

جو احباب اس تھیسس میں دلچسپی رکھتے ہیں ان کی اطلاع کے لیے عرض ہے کہ اب مکمل تھیسس (پی ڈی ایف) اور پریزینٹیشن سلائڈس عمومی طور پر دستیاب کرا دی گئی ہیں۔ مزید تفصیلات کے لیے ہمارے ریسرچ گروپ پر شائع بلاگ پوسٹ ملاحظہ فرمائیں۔ اپنے سوالات اور تبصرے (اگر انگریزی میں لکھے ہوں تو) بلاگ پر بھی ارسال کر سکتے ہیں وگرنہ اردو میں یہاں محفل میں دریافت کرنے میں کوئی مضائقہ نہیں۔

یہ تو بڑا مشکل ہے ذرا آسان اُردو میں سمجھا دیں کیا لکھا ہے؟

 

[ابن سعید]

یہ تو بڑا مشکل ہے ذرا آسان اُردو میں سمجھا دیں کیا لکھا ہے؟

آپ نے بلاگ پوسٹ پڑھ لیا؟ اس کے ابتدائی چند پیراگراف سمجھ میں آئے ہوں تو بات آگے بڑھائی جائے۔ اس کے علاوہ آپ پریزینٹیشن سلائڈس ملاحظہ فرما لیں۔ ایک دفعہ کسی حد تک اندازہ ہو جائے کہ ایچ ٹی ٹی پی میل باکس ہے کیا پھر جو اشکال ہوں ان پر بات کی جا سکتی ہے۔

 

[محمدصابر]

آپ نے بلاگ پوسٹ پڑھ لیا؟ اس کے ابتدائی چند پیراگراف سمجھ میں آئے ہوں تو بات آگے بڑھائی جائے۔ اس کے علاوہ آپ پریزینٹیشن سلائڈس ملاحظہ فرما لیں۔ ایک دفعہ کسی حد تک اندازہ ہو جائے کہ ایچ ٹی ٹی پی میل باکس ہے کیا پھر جو اشکال ہوں ان پر بات کی جا سکتی ہے۔

مجھے جو سمجھ آئی ہے وہ یہ ہے کہ آپ بھی ریسٹ فل کی طرح ایچ ٹی ایم ایل کی GET,POST,PATCH,PUT,DELETE ریکوئسٹ کو استعمال کرتے ہیں۔ لیکن شاید آپ پہلے اپنا ڈیٹا کسی ڈیٹا بیس میں سٹور کرتے ہیں۔

 

[قیصرانی]

ابن سعید بھیا، چند جہالت سے بھرے سوالات

یہ ہم پورا ویب کانٹنٹ سیو کر رہے ہیں کہ ٹیکسٹ اونلی۔ اگر ٹیکسٹ اونلی ہے تو کیا کسی حد تک اس مقصد کے لئے کام کر رہا ہے جیسے گوگل کیشے سروس ہے، چاہے پس پردہ تکنیک اور مقاصد یکسر مختلف ہوں۔ اگر سارا کانٹنٹ بشمول ملٹی میڈیا کے سیو کر رہے ہیں تو کیا اس سے ہمارے سرور پر اتنی ٹریفک بڑھنے سے ڈینائل آف سروس کے امکانات نہیں بڑھ جائیں گے؟
ساری کاپیاں جو ہماری بنیں گی، کیا وہ اصل سورس سے بنیں گی یا کاپیوں سے کاپیاں؟
اسی طرح مفید مواد کو کیا ہم انفرادی طور پر ڈیفائن کریں گے کہ اس سائٹ پر موجود فلاں فلاں صفحات یا فلاں فلاں پیراگراف تو کاپیوں میں محفوظ ہوں لیکن دیگر نہیں، یا پھر جنرل الگورتھم ہوگا جس کے مطابق یہ متن فلٹر ہو کر سیو ہوتا رہے گا؟
یہ بھی کہ ہمارے اصل سرور یا سرورز کی بینڈ وڈتھ ہماری ضروریات کے مطابق تو کافی ہوتی ہے، لیکن اگر اس کے ڈاؤن یا پرابلم کی صورت میں کسی کاپی کو جب ریفر کیا جائے گا تو کیا وہ کاپی جس سرور پر ہوگی، وہ یکسر اتنی ٹریفک بڑھ جانے کو سنبھال سکے گا؟ اگر اس کی بینڈ وڈتھ کو ہم in case اپنی متوقع ضرورت کے مطابق رکھتے ہیں تو کیا یہ حل بہت مہنگا نہیں ہو جائے گا کیونکہ ایک سے زیادہ کاپیاں ایک سے زیادہ سرورز پر ہوں گی؟ اگر سوالات غیر متعلق یا جاہلانہ لگیں تو اپنی استادی (ماسٹرز) سے کام لیتے ہوئے صرف نظر کر دیجیئے گا

 

[ابن سعید]

مجھے جو سمجھ آئی ہے وہ یہ ہے کہ آپ بھی ریسٹ فل کی طرح ایچ ٹی ایم ایل کی GET,POST,PATCH,PUT,DELETE ریکوئسٹ کو استعمال کرتے ہیں۔ لیکن شاید آپ پہلے اپنا ڈیٹا کسی ڈیٹا بیس میں سٹور کرتے ہیں۔

ایچ ٹی ایم ایل نہیں بلکہ ایچ ٹی ٹی پی۔
آپ کو تھوڑا بہت آئیڈیا ہو گیا ہے کہ کیا ہو رہا ہے۔ ہم تھوڑی تفصیل بتاتے ہیں۔

مان لیجیے کہ آپ اپنے براؤزر سے کسی ویب سرور پر کوئی ایچ ٹی ٹی پی میتھڈ استعمال کرتے ہوئے ایک ریکوئیسٹ بھیجنا چاہتے ہیں۔ اب ممکنہ مسائل یہ ہو سکتے ہیں کہ آپ کا براؤزر کسی سبب وہ میتھڈ استعمال کرنے کی اجازت نہ دیتا ہو، جس سرور سے رابطہ کرنا چاہتے ہوں اس میں کراس ڈومین کمیونیکیشن کی سپورٹ کو سیٹ آپ نہ کیا گیا ہو، سرور ریسٹ اسٹائل کے بجائے آر پی سی اسٹائل میں کام کرتا ہو اس لیے وہ میتھڈ اس کی سمجھ سے باہر ہو اور یو آر آئی بھی۔ ایسا بھی ہو سکتا ہے کہ اس وقت سرور مصروف ہو یا ڈاؤن ہو۔ ان میں سے کوئی بھی ایک یا زائد علتیں موجود ہوں تو آپ کمیونیکیشن نہیں کر سکیں گے۔ اس کے علاوہ اگر ریکوئسٹ چلی بھی جائے اور اس کی پروسیسنگ طویل ہو تو جب تک جواب آئے تب تک براؤزر کو سرور سے جڑ کر رہنا ہوگا، اگر برائے چندے انٹرنیٹ منقطع ہو جائے تو دوبارہ کنکٹ کرنے پر بھی اس ریکوئسٹ کا جواب آپ کو نہیں ملے گا کیوں کہ ایچ ٹی ٹی پی اسٹیٹ لیس پروٹوکول ہے۔ آپ کو نئے سرے سے ریکوئیسٹ بھیجنی ہوگی۔ اگر ریکوئیسٹ "آئیڈیمپوٹینٹ" ہے تو ٹھیک ورنہ بار بار ایک ہی درخواست کرنے سے مسائل بھی ہو سکتے ہیں۔

ان مسائل کو ذہن میں رکھتے ہوئے ہم نے سوچا کہ ایچ ٹی ٹی پی میل باکس کی مدد سے ایچ ٹی ٹی پی میں ایسنکرونس یا آف لائن سپورٹ شامل کر دی جائے۔ ہم نے یہ کہا کہ آپ جو بھی میتھڈ استعمال کرکے ریکویسٹ بھیجنا چاہتے ہیں اسے پوری ایچ ٹی ٹی پی ریکوئسٹ کو ریکوئسٹ لائن، ایڈرس اور باڈی سمیت ایک اور ایچ ٹی ٹی ٹی پی ریکوئسٹ میں پیک کر دیں۔ یعنی ایک مکمل ایچ ٹی ٹی پی ریکوئسٹ دوسری ریکوئسٹ میں اینٹٹی باڈی کی طرح سما جائے۔ پھر اس بڑے پیکٹ کو ایچ ٹی ٹی پی میل باکس سرور پر POST میتھڈ کی مدد سے بھیج دیں جہاں وہ اندر والی ریکوئسٹ کو جوں کا توں محفوظ کر لے گا۔ اس کی مثال ایسے ہی ہے جیسے کسی لفافے میں خط لکھ کر اوپر پتا وغیرہ لکھ کر اس پورے لفافے کو کسی بڑے لفافے میں رکھ دیں اور اوپر کسی اور کا پتا لکھ کر بھیج دیں۔ وہ پیغام ایچ ٹی ٹی پی میل باکس میں محفوظ رہے گا اور جب بھی کوئی GET میتھڈ کی مدد سے متعلقہ یو آر آئی کے لیے پیغامات دیکھنا چاہے گا تو ایچ ٹی ٹی پی میل باکس اس محفوظ پیغام کو اپنے جواب میں بطور اینٹٹی ٹی باڈی رکھ کر فراہم کرا دے گا۔ وہ ایچ ٹی ٹی پی میسج ریکوئسٹ بھی ہو سکتا ہے اور ریسپونس بھی۔

اب بات کچھ صاف ہوئی؟

 

[ابن سعید]

ابن سعید بھیا، چند جہالت سے بھرے سوالات

عطا کیجیے! ویسے آپ نے جو کچھ عطا فرمایا ہے وہ ایچ ٹی ٹی پی میل باکس کے بجائے "پریزرو می!" کے حوالے سے سوالات ہیں۔ پھر بھی ہم جوابات دینے کی کوشش کر رہے ہیں۔

یہ ہم پورا ویب کانٹنٹ سیو کر رہے ہیں کہ ٹیکسٹ اونلی۔ اگر ٹیکسٹ اونلی ہے تو کیا کسی حد تک اس مقصد کے لئے کام کر رہا ہے جیسے گوگل کیشے سروس ہے، چاہے پس پردہ تکنیک اور مقاصد یکسر مختلف ہوں۔ اگر سارا کانٹنٹ بشمول ملٹی میڈیا کے سیو کر رہے ہیں تو کیا اس سے ہمارے سرور پر اتنی ٹریفک بڑھنے سے ڈینائل آف سروس کے امکانات نہیں بڑھ جائیں گے؟

صاحب مواد نے جن چیزوں کو اہم گردانا ہوگا ان کو ریسورس میپ فائل میں شامل کرے گا اور انھیں چیزوں کی نقل بنائی جائے گی، پھر ہو ٹیکسٹ ہوں، تصاویر ہوں، ویڈیوز ہوں، آوازیں ہوں یا کچھ اور۔ کہیں مواد محفوظ کرنے سے ڈینائل آف سرور اٹیک نہیں ہوتا بلکہ کہیں سے بہت زیادہ ریسورس ایکسس کرنے سے اس کا خطرہ ہوتا ہے۔ ہر ہوسٹ اس حوالے سے اپنی پالیسی طے کرے گا کہ وہ کتنا اضافی ڈسک اسپیس رکھتا ہے، اسی بنیاد پر ایلگورتھم اس کے پاس کاپیاں بنانے یا نہ بنانے کا تعین کرے گا۔

ساری کاپیاں جو ہماری بنیں گی، کیا وہ اصل سورس سے بنیں گی یا کاپیوں سے کاپیاں؟

زیادہ تر نقلیں پیرینٹ کاپی سے بنیں گی اور ساری کاپیاں سنکرونائز بھی اسی سے کریں گی۔ ہاں جب پیرنٹ کاپی غائب ہو جائے تو باقی نقلوں میں سے جو پیرنٹ منتخب ہوگا وہی آئندہ نقلوں کا ذمہ دار ہوگا۔

اسی طرح مفید مواد کو کیا ہم انفرادی طور پر ڈیفائن کریں گے کہ اس سائٹ پر موجود فلاں فلاں صفحات یا فلاں فلاں پیراگراف تو کاپیوں میں محفوظ ہوں لیکن دیگر نہیں، یا پھر جنرل الگورتھم ہوگا جس کے مطابق یہ متن فلٹر ہو کر سیو ہوتا رہے گا؟

اس کا تعین کسی کو پہلے سے کرنا ہوگا کہ کیا کچھ اہم ہے اور ان کو ریسورس میپ میں شامل کرنا ہوگا۔

یہ بھی کہ ہمارے اصل سرور یا سرورز کی بینڈ وڈتھ ہماری ضروریات کے مطابق تو کافی ہوتی ہے، لیکن اگر اس کے ڈاؤن یا پرابلم کی صورت میں کسی کاپی کو جب ریفر کیا جائے گا تو کیا وہ کاپی جس سرور پر ہوگی، وہ یکسر اتنی ٹریفک بڑھ جانے کو سنبھال سکے گا؟ اگر اس کی بینڈ وڈتھ کو ہم in case اپنی متوقع ضرورت کے مطابق رکھتے ہیں تو کیا یہ حل بہت مہنگا نہیں ہو جائے گا کیونکہ ایک سے زیادہ کاپیاں ایک سے زیادہ سرورز پر ہوں گی؟

سوال اہم ہے۔ اس کا جواب یہ ہے کہ رڈنڈینسی ہی اس طریقہ کار کی بنیاد ہے اس لیے کسی نہ کسی کو تو اس کی ذمہ داری لینی ہی ہوگی۔ لیکن یہ ٹریفک اتنی زیادہ بھی نہ ہو گی۔ ایک مثال سے سمجھاتے ہیں۔ مان لیجیے کہ ہمارے سرور پر ایک ہزار ریسورسیز موجود ہیں جن کو ہم نے ریسورس میپ میں شامل کر رکھا ہے۔ مان لیجیے کہ سارے محفلین اس نیٹورک کا حصہ ہیں اور سبھی کے اپنے اپنے ویب سرورز ہیں جو ایک دوسرے کی مدد کو تیار ہیں۔ اب ہمارے سارے ریسورسیز کسی ایک ہی جگہ نقل نہیں ہوں گے بلکہ بے ترتیب انداز میں بکھرے ہوں گے۔ مثلاً آپ کے سرور پر ہماری تمام فائلیں نہ ہو کر فقط پانچ ریسورسیز ہیں، تین کہیں اور، آٹھ کہیں اور، بارہ کہیں اور دو کہیں اور و علیٰ ہٰذا القیاس۔ نیز یہ کہ جو پانچ ریسورسیز آپ کے سرور پر ہیں ان کی مزیاد کاپیاں بھی کہیں نہ کہیں موجود ہوں گی لیکن ضروری نہیں کہ ٹھیک وہی پانچ ریسورسیز ایک ساتھ کہیں اور بھی موجود ہوں۔ ایسا ممکن ہے کہ ان میں سے دو کسی ایک جگہ ہیں تین کہیں اور۔ خیر، اگر ان میں سے کسی ایک ریسورس کی بات کی جائے تو پہلے یہ تعین ہو گا کہ نیا پیرنٹ کون بنے گا۔ اگر اتفاق سے آپ کے سرور پر موجود کاپی ہی نیا پیرنٹ قرار پاتا ہے تو آپ کو زیادہ سے زیادہ دو چار یا پانچ ریسورسیز کا اضافی ٹریفک جھیلنا ہوگا۔ یوں ایک مردہ سرور کی ٹریفک کا بوجھ پورے نیٹورک میں پھیل جائے گا اور کسی کو بھی محسوس نہیں ہوگا۔

اگر سوالات غیر متعلق یا جاہلانہ لگیں تو اپنی استادی (ماسٹرز) سے کام لیتے ہوئے صرف نظر کر دیجیئے گا

امید اینکہ جوابات تشفی بخش ہوں گے۔