چھٹی سالگرہ ایک کھیل چھٹی سالگرہ کے موقع پر

[ام نور العين]

جس نے خود کو پہچانا، اس نے اپنے رب کو پہچانا
(من عرف نفسہ فقد عرف ربہ)

میری معلومات کے مطابق یہ حضرت علی کا قول ہے۔ دوست تصحیح فرما سکتے ہیں۔

اس كى نسبت خليفہ راشد چہارم حضرت على رضي اللہ عنہ كى طرف درست نہیں۔ يہ كسى صوفى كا قول ہے۔ موضوع احاديث كى كتب میں اس كا حوالہ يہاں ملاحظہ فرما سكتے ہیں۔

 

[سیدہ شگفتہ]

ضرورتوں کو کم کر دینا ہی سب سے بڑی دولت مندی ہے ۔​

شیخ عبد القادر جیلانی

 

[ام نور العين]

طلب علم كى راہ پر نكلنے والے كے ليے اللہ تعالى جنت كى راہ آسان كر ديتا ہے۔
من سلك طريقا يلتمس فيه علما سهل الله له طريقا الى الجنة ۔

فرمان رسول اللہ صلى اللہ عليہ وسلم

 

[ام نور العين]

حیا نصف ایمان ہے۔ (حدیث نبوی)

طہارت نصف ايمان ہے ۔الطهور شطر الإيمان، حوالہ صحيح مسلم
حيا ايمان كا حصہ ہے ۔ الحياء من الإيمان . حوالہ : صحيح البخارى

 

[سیدہ شگفتہ]

ظ :

ظالم کو معاف کرنا ، مظلوموں پر ظلم کرنے کے برابر ہے۔

(ٹیپو سلطان)

 

[سیدہ شگفتہ]

علم تلوار سے بھی زیادہ طاقتور ہے اس لیے علم کو ملک میں بڑھائیں تو کوئی آپ کو شکست نہیں دے سکتا ۔

(قائد اعظم محمد علی جناح)

 

[سیدہ شگفتہ]

غصہ کرنے کا مطلب ہے کہ ہم دوسروں کی غلطیوں کا انتقام اپنے آپ سے لیتے ہیں ۔ یہ کتنی حیرت انگیز اور مضحکہ خیز بات ہے۔

(الیگزینڈر پوپ)

 

[حمزہ کاظمی]

فالتو کاموں میں وقت نہیں لگانا چاہیے ۔

 

[سیدہ شگفتہ]

قلم اٹھانے سے پہلے اتنا پڑھو کہ علم چھلکنے لگے ۔ اس وقت قلم اٹھاؤ گے تو تمھارے لکھے پر کوئی دوسرا قلم نہ اٹھا سکے گا ۔

سید سلمان ندوی

 

[سیدہ شگفتہ]

کوشش کرو کہ تم دنیا میں رہو ، دنیا تم میں نہ رہے کیونکہ کشتی جب تک پانی میں رہتی ہے خوب تیرتی ہے ، جب پانی کشتی میں آ جاتا ہے تو وہ ڈوب جاتی ہے ۔

(حضرت علی ابن ابیطالب)

 

[سیدہ شگفتہ]

گارنٹی دیکھ کے چیز خریدو ۔

(یہ قول ہماری بھابھی جان کا ہے )

 

[شمشاد]

لسی اور لڑائی جتنی بڑھانا چاہو بڑھ جاتی ہیں۔

 

[سیدہ شگفتہ]

مجھے اس بات کی خوشی ہے کہ میں نے قتل کرنے والا کوئی ہتھیار ایجاد نہیں کیا ۔

(ایڈیسن)

 

[سیدہ شگفتہ]

نا شکر گزار آدمی سے شکر گزار کتا بہتر ہے ۔

شیخ سعدی

 

[سیدہ شگفتہ]

وہ خدا کے بہت قریب ہے جو خوش اخلاق اور دوسروں کا بوجھ اٹھانے والا ہے ۔

(بایزید بسطامی)

 

[سیدہ شگفتہ]

ہر چیز کی زکٰوۃ ہے اور گھر کی زکٰوۃ مہمان داری ہے ۔

(حضرت داتا علی ہجویری)

 

[سیدہ شگفتہ]

یہ جاہلوں کا طریقہ ہے کہ بات کرتے وقت جب ان سے کوئی بات دلیل سے ثابت نہیں ہوتی تو جھگڑا شروع کر دیتے ہیں۔

(شیخ سعدی)

 

[شمشاد]

اللہ تعالٰی ہر جگہ موجود ہے۔

 

[سیدہ شگفتہ]

بہت سے نقصانات انسان کو اس وجہ سے پہنچتے ہیں کہ وہ کسی سے مشورہ نہیں لیتا ۔

(افلاطون)

 

[سیدہ شگفتہ]

پہلوان وہ شخص نہیں جو لوگوں کو پچھاڑ دے بلکہ پہلوان وہ شخص ہے جو غصے کے وقت اپنے نفس کو قابو میں رکھے ۔

(حدیثِ نبوی)

بعض جگہوں پر اقوال علی ابن ابی طالب میں لکھا دیکھا ہے ۔