مصنوعی ذہانت کا ایک کارِ منصبی خوب سے خوب تر کی جستجو بھی ہے کہ کہیں ایک جگہ اِس کی نظر ٹھہرے نہیں بلکہ جو نظم ، غزل یا مضمون اِس سے حاصل ہوا ہے ، اُسے سنوارنے اور خوب سے خوب تر بنانے میں اب اِس نے اپناایک اور کردار الگ سے ادا کرنا ہے۔۔۔۔۔۔۔۔۔
پہلی اسٹیج
خواب سے جاگتی ہے حقیقت مگر
زندگی کا ہے ہر لمحہ زخموں بھرا
یہ مسافر تو منزل سے محروم تھا
کچھ نصیبوں کا لکھا تھا لمحہ کڑا
خون دل کا بہا کر وہ دنیا گئی
رہ گیا یاد میں اک غموں کا دھرا
راہِ دنیا میں ہر موڑ اک راز ہے
پھر بھی انسان دھوکے میں کیوں جا رہا؟
جو ہے حاصل وہی تو مقدر میں تھا
وقت کی قید میں کون ٹھہرا یہاں؟
ہم سفر کا تو مقصد تھا رستہ فقط
منزلیں کیا ہیں، یہ کس نے سمجھا یہاں؟
دوسری اسٹیج(اِصلاح)
خواب سے جاگتی ہے حقیقت مگر
زندگی کا ہے ہر لمحہ زخموں کا گھر
یہ مسافر جو منزل سے محروم ہے
ہے نصیبوں کے لکھے کا ہی یہ اثر
خون دل کا ہوا زندگی لُٹ گئی
رہ گیا یاد ،تھا ایک غم کا نگر
زندگی کیا ہے کوئی نہ سمجھا اسے
گویا انجان رستوں کا ہے یہ سفر
جو ملا بس وہی تھا مقدر ترا
وقت کے جبر سے یاں کسے ہے مُفر
ہم سفر اِس لیے ہے کٹے راستہ
منزلوں کی کسی کو نہیں کچھ خبر
تیسری اسٹیج(ترمیم وتنسیخ)
خواب ہے زندگی یا حقیقت مگر
ہم نے دیکھا کہ ہے یہ تو غم سربسر
وہ مسافر جو منزل سے محروم ہے
تھا مقدر کہ یونہی پھرے دربدر
یوں ہوا خوں تمناؤں کا رات دن
دل مرا ٹوٹ کر رہ گیا اک کھنڈر
زندگی کیا ہے کوئی نہ سمجھا اِسے
ہم جیے جارہے ہیں یونہی بے خبر
اب جو غم ہے ملا تھا نصیبوں میں یہ
اِس پہ مت دل جلا صبر کر صبر کر
دو قدم ساتھ تیرے جو مل کر چلا
میں نے کب یہ کہا ہے وہ تھا راہبر
اور اِس کے بعد بھی یہ مطمئن نہ ہو اور خوب سے خوب تر کی جستجومیں آپ کے ہمراہ رہے جیسے۔۔۔۔۔۔۔
خواب ہے زندگی یا حقیقت مگر
موت کا اِس میں شامل ہے کیوں خوف و ڈر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کس لیے دربدر راہرو یہ پھرے
کیا نصیبوں میں اِس کے نہیں ایک گھر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دل کے ارمان سارے ملے خاک میں
1۔میری آہوں سے دنیا ہے زیروزبر
2۔مجھ کو لگتا ہے آفاق یہ فتنہ گر
3۔مجھ پہ تو اے خدا رحم کر رحم کر
غرض انسانی ذہن جس طرح کام کرتا ہے اگر انسان اپنے ہی بنائے ہوئے گولے بارود (ناعاقبت اندیشی)سے موجودہ ترقیاتی عمل تباہ نہ کرلے تو ممکن ہے اِس کی بنائی ہوئی مشینیں ذہنِ انسانی کی کچھ ذمہ داریاں سنبھال کر اِس کی مشقت باہم تقسیم کرلیں۔۔۔۔۔۔۔۔۔۔۔۔۔۔۔۔۔۔۔۔
