فراز اے میرے سارے لوگو!

[محمد بلال اعظم]

اے میرے سارے لوگو! ​

​

اب مرے دوسرے بازو پہ وہ شمشیر ہے جو
اس سے پہلے بھی مرا نصف بدن کاٹ چکی
اسی بندوق کی نالی ہے مری سمت کہ جو
اس سے پہلے مری شہ رگ کا لہو چاٹ چکی


پھر وہی آگ در آئی ہے مری گلیوں میں
پھر مرے شہر میں بارُود کی بُو پھیلی ہے
پھر سے "تُو کون ہے میں کون ہوں" آپس میں سوال
پھر وہی سوچ میانِ من و تُو پھیلی ہے


مری بستی سے پرے بھی مرے دشمن ہوں گے
پر یہاں کب کوئی اغیار کا لشکر اترا
آشنا ہاتھ ہی اکثر مری جانب لپکے
میرے سینے میں سدا اپنا ہی خنجر اترا


پھر وہی خوف کی دیوار تذبذب کی فضا
پھر ہوئیں عام وہی اہلِ ریا کی باتیں
نعرۂ حُبِّ وطن مالِ تجارت کی طرح
جنسِ ارزاں کی طرح دینِ خدا کی باتیں


اس سے پہلے بھی تو ایسی ہی گھڑی آئی تھی
صبحِ وحشت کی طرح شامِ غریباں کی طرح
اس سے پہلے بھی تو پیمانِ وفا ٹوٹے تھے
شیشۂ دل کی طرح آئینۂ جاں کی طرح


پھر کہاں احمریں ہونٹوں پہ دعاؤں کے دیے
پھر کہاں شبنمیں چہروں پہ رفاقت کی ردا
صندلیں پاؤں سے مستانہ روی روٹھ گئی
مرمریں ہاتھوں پہ جل بُجھ گیا انگارِ حنا


دل نشیں آنکھوں میں فرقت زدہ کاجل رویا
شاخِ بازو کے لئے زلف کا بادل رویا
مثلِ پیراہنِ گل پھر سے بدن چاک ہوئے
جیسے اپنوں کی کمانوں میں ہوں اغیار کے تیر
اس سے پہلے بھی ہوا چاند محبت کا دونیم
نوکِ دشنہ سے کھچی تھی مری دھرتی پہ لکیر


آج ایسا نہیں ، ایسا نہیں ہونے دینا
اے مرے سوختہ جانو مرے پیارے لوگو
اب کے گر زلزلے آئے تو قیامت ہوگی
میرے دلگیر مرے درد کے مارے لوگو
کسی غاصب کسی ظالم کسی قاتل کے لیے
خود کو تقسیم نہ کرنا مرے سارے لوگو
٭٭٭

 

[محمد بلال اعظم]

شکریہ

 

[محمد بلال اعظم]

شکریہ نیلم آپی اور حسان خان بھائی

 

[فرخ منظور]

بہت عمدہ نظم ہے۔ فراز کی نظمیں اس کی غزلوں سے کہیں بڑھ کر ہیں۔ شکریہ بلال!
یہ دو مصرعے ہو سکے تو دوبارہ دیکھ لیجیے گا۔ اس مصرع میں شاید "ہیں" زائد ہے۔
پھر کہاں ہیں احمریں ہونٹوں پہ دعاؤں کے دیے
اس مصرع میں شاید "کیسی" کی بجائے "کسی" ہونا چاہیے۔
کیسی غاصب کسی ظالم کسی قاتل کے لیے

 

[محمد بلال اعظم]

یہ دو مصرعے ہو سکے تو دوبارہ دیکھ لیجیے گا۔ اس مصرع میں شاید "ہیں" زائد ہے۔
پھر کہاں ہیں احمریں ہونٹوں پہ دعاؤں کے دیے
اس مصرع میں شاید "کیسی" کی بجائے "کسی" ہونا چاہیے۔
کیسی غاصب کسی ظالم کسی قاتل کے لیے

بہت بہت شکریہ۔
یہ دونوں ہی غلطیاں تھیں۔ اب ٹھیک کر دی ہیں۔

بہت عمدہ نظم ہے۔ فراز کی نظمیں اس کی غزلوں سے کہیں بڑھ کر ہیں۔ شکریہ بلال!

متفق ہوں اس بات سے بھی۔
شکریہ آپ کا۔

 

[نیلم]

شکریہ نیلم آپی اور حسان خان بھائی

پھر کہاں احمریں ہونٹوں پہ دعاؤں کے دیے
پھر کہاں شبنمیں چہروں پہ رفاقت کی ردا
صندلیں پاؤں سے مستانہ روی روٹھ گئی
مرمریں ہاتھوں پہ جل بُجھ گیا انگارِ حنا
،،،بہت ہی عمدہ

 

[باباجی]

واہ بہت ہی خوب شیئرنگ کیا ہی خوب نظم
اور حسب حال

پھر وہی خوف کی دیوار تذبذب کی فضا
پھر ہوئیں عام وہی اہلِ ریا کی باتیں
نعرۂ حُبِّ وطن مالِ تجارت کی طرح
جنسِ ارزاں کی طرح دینِ خدا کی باتیں

 

[محسن وقار علی]

پھر وہی آگ در آئی ہے مری گلیوں میں​

پھر مرے شہر میں بارُود کی بُو پھیلی ہے​

پھر سے "تُو کون ہے میں کون ہوں" آپس میں سوال​

پھر وہی سوچ میانِ من و تُو پھیلی ہے​

​

​

مری بستی سے پرے بھی مرے دشمن ہوں گے​

پر یہاں کب کوئی اغیار کا لشکر اترا​

آشنا ہاتھ ہی اکثر مری جانب لپکے​

میرے سینے میں سدا اپنا ہی خنجر اترا​

​

​

پاکستان کے حقائق کی عکاس نظم​

 

[فارقلیط رحمانی]

بہت خوب! بہت بہت شکریہ

 

[محمد بلال اعظم]

واہ بہت ہی خوب شیئرنگ کیا ہی خوب نظم
اور حسب حال

پھر وہی خوف کی دیوار تذبذب کی فضا
پھر ہوئیں عام وہی اہلِ ریا کی باتیں
نعرۂ حُبِّ وطن مالِ تجارت کی طرح
جنسِ ارزاں کی طرح دینِ خدا کی باتیں

بہت شکریہ باباجی

 

[سید شہزاد ناصر]

فراز کی پڑھنے والی نظموں میں سے ایک
شریکِ محفل کرنے کا شکریہ
شاد و آباد رہیں

 

[محمد بلال اعظم]

پھر کہاں احمریں ہونٹوں پہ دعاؤں کے دیے
پھر کہاں شبنمیں چہروں پہ رفاقت کی ردا
صندلیں پاؤں سے مستانہ روی روٹھ گئی
مرمریں ہاتھوں پہ جل بُجھ گیا انگارِ حنا
،،،بہت ہی عمدہ

بہت شکریہ محترمہ نیلم صاحبہ

 

[محمد بلال اعظم]

فراز کی پڑھنے والی نظموں میں سے ایک
شریکِ محفل کرنے کا شکریہ
شاد و آباد رہیں

بہت شکریہ۔
بہت ممنون ہوں

 

[عبدالحسیب]

بہت عمدہ نظم ہے ۔ عمدہ انتخاب بلال بھائی جان۔

نعرۂ حُبِّ وطن مالِ تجارت کی طرح
جنسِ ارزاں کی طرح دینِ خدا کی باتیں

خاص کر یہ تو میرے پسندیدہ ترین اشعار میں سے ہیں۔

 

[محمد بلال اعظم]

بہت عمدہ نظم ہے ۔ عمدہ انتخاب بلال بھائی جان۔

خاص کر یہ تو میرے پسندیدہ ترین اشعار میں سے ہیں۔

متفق
اور چونکہ پاکستان میں الیکشن ہونے میں 4 دن رہ گئے ہیں تو کچھ زیادہ ہی حسبِ حال ہیں یہاں کہ حساب سے تو۔

 

[عبدالحسیب]

متفق
اور چونکہ پاکستان میں الیکشن ہونے میں 4 دن رہ گئے ہیں تو کچھ زیادہ ہی حسبِ حال ہیں یہاں کہ حساب سے تو۔

آپکے یہاں چار دن رہ گئے ہیں تب تو لازمی ہے ۔ یہاں تو ابھی ایک سال باقی ہے پھر بھی تماشہ شروع ہوچکا ہے۔

 

[محمد بلال اعظم]

آپکے یہاں چار دن رہ گئے ہیں تب تو لازمی ہے ۔ یہاں تو ابھی ایک سال باقی ہے پھر بھی تماشہ شروع ہوچکا ہے۔

ایسے میں افتخار عارف کے یہ دو شعر بہت حسبِ حال ہیں

بکھر جائیں گے کیا ہم جب تماشا ختم ہو گا​

میرے معبود آخر کب تماشا ختم ہو گا​

یہ سب کٹھ پتلیاں رقصاں رہیں گی رات کی رات​

سحر سے پہلے پہلے سب تماشا ختم ہو گا​

 

[عبدالحسیب]

ایسے میں افتخار عارف کے یہ دو شعر بہت حسبِ حال ہیں

بکھر جائیں گے کیا ہم جب تماشا ختم ہو گا​

میرے معبود آخر کب تماشا ختم ہو گا​

یہ سب کٹھ پتلیاں رقصاں رہیں گی رات کی رات​

سحر سے پہلے پہلے سب تماشا ختم ہو گا​

بلکل۔

علی سردار جعفری کا یہ شعر بھی بہت اہم ہے خاص کر جب آپکو آزادی کی امیدیں دکھا کر پھر اسی غلامیوں کے دلدل میں ڈھکیل دیا جائے

کون آزاد ہوا؟
کس کے ماتھے سے غلامی کی سیاہی چھوٹی؟
میرے سینے میں اب تک درد ہے محکومی کا!

 

[محمد بلال اعظم]

بلکل۔

علی سردار جعفری کا یہ شعر بھی بہت اہم ہے خاص کر جب آپکو آزادی کی امیدیں دکھا کر پھر اسی غلامیوں کے دلدل میں ڈھکیل دیا جائے

کون آزاد ہوا؟
کس کے ماتھے سے غلامی کی سیاہی چھوٹی؟
میرے سینے میں اب تک درد ہے محکومی کا!

ایسے ہم ہم سب یہی کہتے ہیں

پیوستہ رہ، شجر سے امیدِ بہار رکھ

 

[عبدالحسیب]

ایسے ہم ہم سب یہی کہتے ہیں

پیوستہ رہ، شجر سے امیدِ بہار رکھ

میر ہاشم صاحب کا یہ شعر بھی دیکھیں۔

آؤ امروز کی زلفوں کو سنوارے ہاشم
روئے فردا تو ابھی پردہ ظلمت میں ہے