بادہ و جام و میکدہ کیف کہاں خمار میں- غزل کامران غنی صبا

[رمان غنی]

غزل​

کامران غنی صباؔ​

​

بادہ و جام و میکدہ کیف کہاں خمار میں​

چاہیے تھا کہ دیکھتے مستیٔ چشم یار میں​

لب پہ خموش ہے دعا کیسے کہے وہ کیا کہے​

جراتِ التجا نہیں تیرے گناہگار میں​

ائے کہ نگاہِ خندہ زن تیرے غرور کی قسم​

ایک عجب سرور ہے دیدئہ اشکبار میں​

میری جبین شوق پر داغِ منافقت نہیں​

گوہر دامنِ ترم گرچہ نہیں شمار میں​

شعبدہ گر تری نظر ڈھونڈ رہی ہے کیا مفر​

تجھ سے فزوں فریب ہے لہجۂ رازدار میں​

ترک تعلقات میں کیسا مقام ہے صباؔ​

میں ترے انتظار میں تو مرے انتظار میں​

 

[رمان غنی]

 

[نیلم]

بہت عمدہ

 

[رمان غنی]

بہت عمدہ

شکریہ بہن۔۔۔ ٹیک کا طریقہ کارامد ہے!!!

 

[نایاب]

واہہہہہہہہ کیا خوب کہا ہے ۔۔۔۔۔۔۔۔
شعبدہ گر تری نظر ڈھونڈ رہی ہے کیا مفر
تجھ سے فزوں فریب ہے لہجۂ رازدار میں

 

[شیزان]

بہت خوب جی
شیئرنگ کا شکریہ

 

[زبیر مرزا]

واہ جناب بہت خُوب اور مقطع تو حاصلِ غزل ہے
ترک تعلقات میں کیسا مقام ہے صباؔ
میں ترے انتظار میں تو مرے انتظار میں

 

[رمان غنی]

التباس ، نایاب اور زبیر مرزا بھائی آپ سبھوں کا پسندیدگی کے لیے شکریہ!

 

[رمان غنی]

واہ جناب بہت خُوب اور مقطع تو حاصلِ غزل ہے
ترک تعلقات میں کیسا مقام ہے صباؔ
میں ترے انتظار میں تو مرے انتظار میں

مقطع کا یہ شعر میرا بھی پسندیدہ ہے اور یہ شعر بھی قابل تحسین ہے۔۔۔

میری جبین شوق پر داغِ منافقت نہیں​

گوہر دامنِ ترم گرچہ نہیں شمار میں​

 

[محمد بلال اعظم]

ائے کہ نگاہِ خندہ زن تیرے غرور کی قسم
ایک عجب سرور ہے دیدئہ اشکبار میں
میری جبین شوق پر داغِ منافقت نہیں
گوہر دامنِ ترم گرچہ نہیں شمار میں
واہ صاحب
خوبصورت انتخاب

 

[فرخ منظور]

واہ! کیا اچھی غزل ہے۔ رمان صاحب، شاعر کا کچھ تعارف بھی ہو جائے تو اچھا ہے۔

 

[رمان غنی]

واہ! کیا اچھی غزل ہے۔ رمان صاحب، شاعر کا کچھ تعارف بھی ہو جائے تو اچھا ہے۔

شاعر کے نام کے ساتھ ان کی فیس بک پروفائل کی لنگ میں نے ملحق کردی ہے۔۔۔ ویسے یہ میرے بڑے بھائی محترم ہیں۔۔۔ آج کل دہلی کے ایک اسکول میں ٹیچر ہیں۔۔۔

 

[عسکری]

اندر سے تم بھی ملنگ ہی ہو رمان بس بدنام ہم ہیں

 

[رمان غنی]

اندر سے تم بھی ملنگ ہی ہو رمان بس بدنام ہم ہیں

بڑے قابل ہو بھئی آپ۔۔۔ بس ایک غزل سے نتیجہ نکال لیا۔۔۔۔ فہم شاعری کہاں سے سیکھی آپنے؟؟؟

 

[عسکری]

بڑے قابل ہو بھئی آپ۔۔۔ بس ایک غزل سے نتیجہ نکال لیا۔۔۔ ۔ فہم شاعری کہاں سے سیکھی آپنے؟؟؟

پچھلے جنم میں سیکھی تھی اس جنم میں ٹائم ہی نہیں ملا

 

[رمان غنی]

پچھلے جنم میں سیکھی تھی اس جنم میں ٹائم ہی نہیں ملا

عمران بھائی جان !!! اسی لیے نا آپ کو کوئی بات سمجھ نہیں آتی۔۔ کب سیکھی یہ تھوڑی نہ ہم نے پوچھا تھا۔۔ ہم نے پوچھا تھا کہاں سیکھی؟؟؟

 

[عسکری]

عمران بھائی جان !!! اسی لیے نا آپ کو کوئی بات سمجھ نہیں آتی۔۔ کب سیکھی یہ تھوڑی نہ ہم نے پوچھا تھا۔۔ ہم نے پوچھا تھا کہاں سیکھی؟؟؟

او ہاں یار کہاں سے سیکھی تھی ۔ ارے بھئی پچھلے جنم میں ہم یونانی فلسفی تھے اپنے دوست ابولونيوس الرودسى سے سیکھی تھی

 

[الف عین]

مبارک ہو، جیسے ہی یہ غزل دیکھی، میں یہاں یہی سوچ کر آیا کہ کامران غنی کا رمان غنی سے تعلق کچھ ضرور ہے۔ ان کی تخلیقات سمت میں شائع کر چکا ہوں۔ شعری مجموعے کے لئے بھی متوجہ کرو برقی کتابوں کے لئے۔

 

[فلک شیر]

زبردست رمان..........

 

[رمان غنی]

زبردست رمان..........

شکریہ!