"بادہ"

[راجہ صاحب]

گئے ہوش تیرے زاہد جو وہ چشمِ مست دیکھی
مجھے کیا الٹ نہ دیتی، جو نہ بادہ خوار ہوتا

داغ

 

[راجہ صاحب]

گئے ہوش تیرے زاہد جو وہ چشمِ مست دیکھی
مجھے کیا الٹ نہ دیتی، جو نہ بادہ خوار ہوتا

داغ

 

[شمشاد]

ادراک ابھی پورا تعاون نہیں کرتا
دے بادہ گلفام ، میں کچھ سوچ رہا ہوں
(عبد الحمید عدم)

 

[عظیم اللہ قریشی]

بادہ از مامست شد نے ماز او
قالب از ماہست شد نے ماز او

 

[شمشاد]

بابا جی اس کا ترجمہ بھی لکھ دینا تھا ناں۔
۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔


ساقیا! اہتمامِ بادہ کر
وقت کو سوگوار دیکھا ہے

جذبۂ غم کی خیر ہو ساغر
حسرتوں پر نکھار دیکھا ہے
(ساغر صدیقی)

 

[عظیم اللہ قریشی]

بابا جی اس کا ترجمہ بھی لکھ دینا تھا ناں۔
۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔
شمشاد بھائی یہ مولانا روم کا شعر ہے اور اس کا ترجمہ نہیں ہوسکتا صرف تشریح ہوسکتی ہے اور وہ اتنی لمبی ہوگی کہ آپ لوگ تنگ ہوجائیں گے اس لیئے کسی صاحبِ کمال نے مولانا روم کے اس شعر کا اردو میں (میرے خیال سے) حق ادا کردیا ہے
یہ اپنے خون کی گرمی ہے جس نے مچا رکھی ہے ہلچل
نشہ شراب میں ہوتا تو ناچتی بوتل
پشتو میں
دہ زما دہ وینے خندا دا اے ساقی
نشہ کہ پہ شراب کہ وے نو بوتل بم گڈے دہ

 

[شمشاد]

بہت شکریہ روحانی بابا
--------------------------
وہ بادہ شبانہ کی سر مستیاں کہاں
اٹھیے بس اب کہ لذّتِ خوابِ سحر گئی
(چچا)

 

[راجہ صاحب]

ہر چند ہو مشاہدۂ حق کی گفتگو
بنتی نہیں ہے بادہ و ساغر کہے بغیر

غالب

 

[شمشاد]

جو غم ملا ہے بوجھ اٹھایا ہے اس کا خود
سرزیرِبارِساغر و بادہ نہیں کیا
(پروین شاکر)

 

[راجہ صاحب]

یہ ضد ہے یادِ حریفانِ بادہ پیما کی
کہ شب کو چاند نہ نکلے، نہ دن کو ابر آئے

فیض

 

[شمشاد]

قضا نے تھا مجھے چاہا خرابِ بادۂ الفت
فقط خراب لکھا، بس نہ چل سکا قلم آگے
(غالب)

 

[راجہ صاحب]

فقر فقر آیا تو کیا باقی رہا
بادہ کش باقی نہ خود ساقی رہا

اسمٰعیل میرٹھی

 

[شمشاد]

ساقیا! اہتمامِ بادہ کر
وقت کو سوگوار دیکھا ہے
جذبۂ غم کی خیر ہو ساغر
حسرتوں پر نکھار دیکھا ہے
(ساغر صدیقی)

 

[راجہ صاحب]

تمہاری بے رخی نے لاج رکھ لی بادہ خانوں کی
تم آنکھوں سے پلا دیتے تو پیمانے کہاں جاتے

قتیل شفائی

 

[جاسمن]

عدم بادہ کشی عادت تھی پہلے
مگر اب تو طبیعت ہوگئی ہے
عدم

 

[جاسمن]

شاید میں عدم اب نہ خرابات میں آؤں
اب بادہ گساروں سے میرا ذکر نہ کرنا
عدم

 

[سید عاطف علی]

بادہ آشام نئے ، بادہ نیا ، خم بھی نئے
حرمِ کعبہ نیا ، بُت بھی نئے ، تم بھی نئے
شکوہ

 

[جاسمن]

لوگ اِس بہانے سے بادہ کش نہ ہو جائیں
آپ کی نگاہوں کا رنگ ارغوانی ہے
عدم

 

[جاسمن]

چراغِ بادہ ہے روشن ضمیرِ شیشہ میں
شبِ سیاہ کا مفہوم کون سمجھے گا
عدم

 

[جاسمن]

سنا ہے مرے ترکِ بادہ کشی سے
تری آنکھ کو بھی خبر ہورہی ہے
عدم