"بادہ"

[زیرک]

تائب تھے احتساب سے جب سارے بادہ کش
مجھ کو ہے افتخار کہ میں میکدے میں تھا
مصطفیٰ زیدی

 

[محمد تابش صدیقی]

اک اشارہ پا کے ہزاروں خم ترے مے کشوں نے لنڈھا دیے
وہ مزہ ملا انہیں ساقیا تری چشمِ بادہ نواز میں
نظرؔ لکھنوی

 

[محمد تابش صدیقی]

لذتِ مے کا بیاں بادہ کشوں سے سن کر
نیتِ شیخ بھی کچھ خام ہوئی جاتی ہے
نظرؔ لکھنوی

 

[محمد تابش صدیقی]

رندوں کی بادہ نوشیاں، پیتے ہیں اس طرح سے کچھ
جیسے کہ اب نہ لوٹ کر آئیں گے دن بہار کے
نظرؔ لکھنوی

 

[محمد تابش صدیقی]

بہ طرزِ عام نہیں میری بادہ آشامی
رہینِ بادۂ باطل مرا خمار نہیں
نظرؔ لکھنوی

 

[زیرک]

جس کا عمل ہے بے غرض اس کی جزا کچھ اور ہے
حور و خیام سے گزر بادہ و جام سے گزر
علامہ اقبال

 

[سیما علی]

چشم انا سے بادۂ غم پی رہا تھا وہ
کل رات اپنے آپ میں ڈوبا ہوا تھا وہ
معین افروز

 

[سیما علی]

صاف یا درد بادۂ گلگوں
ساقیٔ لالہ فام کچھ بھی ہے
میر محمد بیدار