بارش، برکھا، برسات، ساون پر اشعار

[سیما علی]

چھتیں ٹپکنا بھی ایک نعمت ہے مدتوں بعد
‏ہمارے گھر کے تمام برتن بھرے ہوئے ہیں
‏عمیر نجمی

 

[امیر حمزہ]

عمدہ انتخاب

 

[سیما علی]

نکلا ہے اپنا حسنِنگارش چراغ سے
ہوتی ہے روشنی بھری بارش چراغ سے

بجھنا نہیں ہے تجھ کو اندھیروں کے راج میں
کرتا ہوں صرف اتنی گزارش چراغ سے

روشن پلیز! رکھنامری رات کا خرام
وہ چاند کر رہا ہے سفارش چراغ سے

ابلیس کے لئے ہیں اندھیرے پناہ گاہ
ہے خار خاررات کو خارش چراغ سے

منصورہر جگہ یہ فروزاں ہوں مہتاب
ہوتی ہے تیرگی کی فرارش چراغ سے

منصور آفاق

 

[سیما علی]

تری زلف سیہ کی یاد میں آنسو جھمکتے ہیں
اندھیری رات ہے برسات ہے جگنو چمکتے ہیں
میر تقی میر

 

[صاد الف]

او دیس سے آنے والے بتا
برسات کے موسم اب بھی وہاں
ویسے ہی سہانے ہوتے ہیں
کیا اب بھی وہاں کے باغوں میں
جھولے اور گانے ہوتے ہیں
اور دور کہیں کچھ دیکھتے ہی
نوعمر دیوانے ہوتے ہیں

اختر شیرانی

 

[سیما علی]

اندر کی فضاؤں کے کرشمے بھی عجب ہیں
مینہ ٹوٹ کے برسے بھی تو بادل نہیں ہوتے

کچھ مشکلیں ایسی ہیں کہ آساں نہیں ہوتیں
کچھ ایسے معمے ہیں کبھی حل نہیں ہوتے
احمد فراز

 

[سیما علی]

پیاسی زمیں کے منہ میں مینہ کا چوایا پانی
اور بادلوں کو تو نے مینہ کا نشاں بنایا

 

[صاد الف]

میں چپ کراتا ہوں ہر شب امڈتی بارش کو
مگر یہ روز گئی بات چھیڑ دیتی ہے

گلزار

 

[جاسمن]

ان بارشوں نے ایسی لگائی بدن میں آگ
ہم برف بن کے بہنے لگے اپنی آنکھ سے

 

[علی وقار]

برسات تھم چکی ہے مگر ہر شجر کے پاس
اتنا تو ہے کہ آپ کا دامن بھگو سکے!

 

[جاسمن]

برسات تھم چکی ہے مگر ہر شجر کے پاس
اتنا تو ہے کہ آپ کا دامن بھگو سکے!

آپ نے تو رنگ بھی چُن کے لیے ہیں

 

[ظفری]

ہم سمجھتے تھے کہ ہمارے بام ودر دُھل جائیں گے
بارشیں آئیں تو، کائی جم گئی دیوار پر
سلیم احمد​

 

[فرخ منظور]

بارش، شرابِ عرش ہے یہ سوچ کر عدمؔ
بارش کے سب حروف کو الٹا کے پی گیا

 

[ظفری]

تمام رات نہایا تھا شہر بارش میں
وہ رنگ اتر ہی گئے جو اترنے والے تھے
جمال احسانی

 

[سیما علی]

کون ہے اس رم جھم کے پیچھے چھپا ہوا
یہ آنسو سارے کے سارے کس کے ہیں
جمال احسانی