بحر ہزج مثمن سالم میں تازہ کلام اصلاح اور تنقید کے لیے
- صاحب لڑی کاشف اسرار احمد
- تاریخ ابتداء
محمد یعقوب آسی
محفلین
یہاں اپنی ترجیحات سے کام لیجئے۔ یہ سارے بہت قریب قریب ہیں۔
کاشف اسرار احمد
محفلین
کاشف اسرار احمد
محفلین
بہت بہتر جناب۔
کاشف اسرار احمد
محفلین
جناب:
زمانہ خاک بھی کر دے اگر گلشن ، لگا لیں گے
نیا باغِ تمنّا اک ، اگر موسم بدلتا ہے
کیا اب کچھ بہتر صورت ہوئی؟
محمد یعقوب آسی
محفلین
سچی بات کہوں؟ باغِ تمنا کے ساتھ اگر وغیرہ کی بات نہیں جچتی۔ اور جیسا میں نے عرض کیا تھا، لفظ کی جگہ لفظ بٹھانے سے عروضی تقاضا تو پورا ہو جائے گا، شعر کے دیگر تقاضے شاید ویسے پورے نہ ہو سکیں۔تمنائیں تو موسم سے آزاد ہوتی ہیں!
کاشف اسرار احمد
محفلین
بجا ارشاد فرمایا استاد محترم۔
اسے بھی درست کرتا ہوں اور آئندہ بھی خیال رکھونگا۔ انشا اللہ۔
اسے بھی درست کرتا ہوں اور آئندہ بھی خیال رکھونگا۔ انشا اللہ۔
کاشف اسرار احمد
محفلین
استاد محترم ،
نئے گل مسکراتے ہیں مرے باغ تمنا میں
تصور میں بھی جو چھپ کے تو میرے ساتھ چلتا ہے
یا
تصور میں بھی جو لگ کے تو میرے ساتھ چلتا ہے
کیسا رہیگا جناب؟
مسکراتے، لہلہاتے، کھلکھلاتے ۔۔ مجھے تو مسکراتے ہی بہتر لگا یہاں۔ باقی جو آپ کی رائے ہو۔
نئے گل مسکراتے ہیں مرے باغ تمنا میں
تصور میں بھی جو چھپ کے تو میرے ساتھ چلتا ہے
یا
تصور میں بھی جو لگ کے تو میرے ساتھ چلتا ہے
کیسا رہیگا جناب؟
مسکراتے، لہلہاتے، کھلکھلاتے ۔۔ مجھے تو مسکراتے ہی بہتر لگا یہاں۔ باقی جو آپ کی رائے ہو۔
محمد یعقوب آسی
محفلین
یاد آیا، میں نے ایک نظم میں کہا ہے کہ:
۔۔۔۔
چلو، کمبل کو رہنے دو
کہ یادیں
موسموں کی قید سے آزاد ہوتی ہیں
۔۔۔۔
الف عین
لائبریرین
عزیزی کاشف اسرار احمد اب فائنل سورت ایک بار پوسٹ کر دیں تاکہ میں بھی کچھ زبردستی آسی بھائی کے ارشاد کی تعمیل کر سکوں
کاشف اسرار احمد
محفلین
استاد محترم جناب الف عین صاحب
غزل کی شکل ابھی کچھ اس طرح ہے:
جمالِ خوبرو ہے، حسن کا شعلہ مچلتا ہے
انہی جلووں کی حدت سے، چمن ہر دل کا جلتا ہے
اسے جب دیکھتا ہوں، ایسی حالت دل کی ہوتی ہے
یہ اک معصوم بچے کی طرح، گرتا، سنبھلتاہے
کھنکتی نقرئی تیری ہنسی ، گلنار چہرے پر
جھکی قوسِ قزح سے جیسے، دریا مل کے چلتا ہے
چھماچھم بارشوں میں جوں، نہاتے ،دوڑتے بچے
تری قربت کی رم جھم میں ،مرا دل یوں مچلتا ہے
تری چاہت کے سارے رنگ ، سادہ بھی ہیں دل کش بھی
کبھی بےکیف تھے لمحے ، سماں اب سر میں ڈھلتا ہے
وہ میرا اشکِ خوں، یعنی وہ تیرے پیار کا موتی
مثالِ دودِ بے آواز ہے، دل سے نکلتا ہے
نئے گل مسکراتے ہیں ، مرے باغ تمنا میں
تصور میں بھی جو چھپ کے، تو میرے ساتھ چلتا ہے
کئی انداز سے سوچا ، کئی آہنگ میں پرکھا
وہ اک امکان کاشف، دل میں رہتا ہے نہ ڈھلتا ہے
کاشف اسرار احمد
محفلین
الف عین
لائبریرین
کبھی بےکیف تھے لمحے ، سماں اب سر میں ڈھلتا ہے
۔۔سماں کا سُر میں ڈھلنا۔۔۔ کچھ عجیب سا محسوس ہوتا ہے۔
وہ میرا اشکِ خوں، یعنی وہ تیرے پیار کا موتی
÷÷یعنی‘ سے بات بگڑ رہی ہے۔ اس کے بغیر کوشش کریں۔
تصور میں بھی جو چھپ کے، تو میرے ساتھ چلتا ہے
الفاقظ کی نشست بدلیں تو شاید زیادہ چست مصرع وجود میں آئے۔
تصور میں بھی وہ چھپ کر مرے ہمراہ چلتا ہے
ایک صورت ہو سکتی ہے۔
کئی انداز سے سوچا ، کئی آہنگ میں پرکھا
وہ اک امکان کاشف، دل میں رہتا ہے نہ ڈھلتا ہے
۔۔آہنگ میں پرکھا؟؟؟
رہتا ہے نہ ڈھلتا ہے، دونوں افعال میں تضاد ہو تو بہتر ہے۔ مثلاً ابھرنا، ڈھلنا
۔۔سماں کا سُر میں ڈھلنا۔۔۔ کچھ عجیب سا محسوس ہوتا ہے۔
وہ میرا اشکِ خوں، یعنی وہ تیرے پیار کا موتی
÷÷یعنی‘ سے بات بگڑ رہی ہے۔ اس کے بغیر کوشش کریں۔
تصور میں بھی جو چھپ کے، تو میرے ساتھ چلتا ہے
الفاقظ کی نشست بدلیں تو شاید زیادہ چست مصرع وجود میں آئے۔
تصور میں بھی وہ چھپ کر مرے ہمراہ چلتا ہے
ایک صورت ہو سکتی ہے۔
کئی انداز سے سوچا ، کئی آہنگ میں پرکھا
وہ اک امکان کاشف، دل میں رہتا ہے نہ ڈھلتا ہے
۔۔آہنگ میں پرکھا؟؟؟
رہتا ہے نہ ڈھلتا ہے، دونوں افعال میں تضاد ہو تو بہتر ہے۔ مثلاً ابھرنا، ڈھلنا
کاشف اسرار احمد
محفلین
جزاک اللہ ۔
بہت بہت بہتر استاد محترم۔
میں ان شا اللہ تصحیح کے بعد حاضر ہوتا ہوں۔
بہت بہت بہتر استاد محترم۔
میں ان شا اللہ تصحیح کے بعد حاضر ہوتا ہوں۔
کاشف اسرار احمد
محفلین
استاد محترم جناب الف عین صاحب
تصحیحات کے ساتھ حاضر ہوں۔
مثالِ دودِ بے آواز ہے، دل سے نکلتا ہے
تصور میں بھی جو چھپ کر مرے ہمراہ چلتا ہے
کئی انداز سے سوچا ، سمویا کتنے آہنگ میں
مکیں جو دل میں ہے کاشف ، ابھرتا ہے نہ ڈھلتا ہے
یہ احقر آپ کی شفقت سے بھرپور آرا کا منتظر رہیگا۔
تصحیحات کے ساتھ حاضر ہوں۔
یہاں ابھی کچھ بہترسمجھ نہیں آیا۔
وہ میرا اشکِ خوں، بہتا وہ تیرے پیار کا موتی
مثالِ دودِ بے آواز ہے، دل سے نکلتا ہے
نئے گل مسکراتے ہیں مرے باغ تمنا میں
تصور میں بھی جو چھپ کر مرے ہمراہ چلتا ہے
کئی انداز سے سوچا ، سمویا کتنے آہنگ میں
مکیں جو دل میں ہے کاشف ، ابھرتا ہے نہ ڈھلتا ہے
یہ احقر آپ کی شفقت سے بھرپور آرا کا منتظر رہیگا۔
الف عین
لائبریرین
اس سے تو ‘یعنی‘ ہی بہتر ہو گا۔
آہنگ کا ’گ‘ تقطیع میں نہیں آ رہا ہے۔ اس سے تو یوں بہتر ہو گا
کسی انداز سے سوچو، کسی آہنگ میں پرکھو