! بخاری شریف اور صحیح مسلم، انپیج فارمیٹ میں !

[arifkarim]

مجھے ایک سائٹ سے بخاری شریف اور صحیح‌ مسلم کے انپیج میں لکھے ہوئے نسخے ملے ہیں۔ امید ہے آپ سب کے کام آئیں گے۔ اس متن کو با آسانی متعدد انپیج 2 یونیکوڈ کنورٹرز سے تبدیل کیا جا سکتا ہے۔
لنکس:
http://www.fileden.com/files/2008/5/23/1926615/Sahih Bukhari Urdu and Arabic approved.rar
http://www.fileden.com/files/2008/5/23/1926615/Sahih Muslim Final approved.rar

 

[باسم]

عربی متن ہے یا اردو ترجمہ بھی؟
اپ ڈیٹ:
یہ کتبِ احادیث اب یونی کوڈ فارمیٹ میں دستیاب ہیں۔
1۔ صحیح بخاری (مختصر) اردو عربی، یونیکوڈ میں ڈاؤن لوڈ کیجیے۔
2۔ صحیح مسلم (مختصر) اردو عربی، یونیکوڈ میں ڈاؤن لوڈ کیجیے۔
ضروری وضاحت: یہ کتب کنورٹر کی مدد سے صرف ان پیج سے یونیکوڈ میں تبدیل کی گئی ہیں لہذا مزید تیکنیکی تبدیلیوں اور پروف ریڈنگ کی ضرورت باقی ہے۔

 

[arifkarim]

عربی متن ہے یا اردو ترجمہ بھی؟

دونوں موجود ہیں

 

[فاروق سرور خان]

کوئی صاحب ان ترجموں کو یونی کوڈ‌میں‌کنورت (تبدیل) کردیں اور تمام حدیثوں پر سلسلہ وار نمبر لگا دیں تو عنایت ہوگی۔ مجھے ان کتب کو اوپن برہان میں شامل کرکے خوشی ہوگی۔

 

[عبداللہ حیدر]

یہ مختصر صحیح بخاری اور مختصر صحیح مسلم ہیں۔ کسی صاحب نے پاک فورمز پر یہ دونوں کتابیں اور ریاض الصالحین ان پیج میں مہیا کی تھی۔ ریاض الصالحین کو میں یونی کوڈ میں کر رہا ہوں۔ اگر کسی اور نے حامی نہ بھری تو اس کے بعد ان شاء اللہ ان دونوں کو بھی کر دوں گا۔

 

[فاروق سرور خان]

میں مکمل صحیح بخاری اور مکمل صحیح مسلم ڈھونڈھ رہا ہوں‌ یونی کوڈ‌ میں ۔۔ یہی میری شکایت ہے کہ ہر ایڈیشن مختصر صحیح مسلم و بخاری کے نام سے اپنی پسند کی روایات کا ہے۔ میرے پاس جتنے ایڈیشنز ہیں ان میں تعداد ، متن اور ترتیب کا زبردست فرق ہے اور کوئی بھی اپنی کتاب میں وجہ نہیں لکھتا کہ ایسا کیوں‌کیا؟ جب قران کریم میں‌ ایسی چھانٹی قابل قبول نہیں تو صحیح کتب روایات کے ساتھ ایسی نا انصافی قابل قبول کیوں ؟ کیا مختصر قرآن کریم کو بھی قرآن کریم کہیں گے؟

 

[arifkarim]

میں مکمل صحیح بخاری اور مکمل صحیح مسلم ڈھونڈھ رہا ہوں‌ یونی کوڈ‌ میں ۔۔ یہی میری شکایت ہے کہ ہر ایڈیشن مختصر صحیح مسلم و بخاری کے نام سے اپنی پسند کی روایات کا ہے۔ میرے پاس جتنے ایڈیشنز ہیں ان میں تعداد ، متن اور ترتیب کا زبردست فرق ہے اور کوئی بھی اپنی کتاب میں وجہ نہیں لکھتا کہ ایسا کیوں‌کیا؟ جب قران کریم میں‌ ایسی چھانٹی قابل قبول نہیں تو صحیح کتب روایات کے ساتھ ایسی نا انصافی قابل قبول کیوں ؟ کیا مختصر قرآن کریم کو بھی قرآن کریم کہیں گے؟

درست فرمایا، کیوں نہ محفل پر یہ کام کیا جائے؟

 

[عبداللہ حیدر]

میں مکمل صحیح بخاری اور مکمل صحیح مسلم ڈھونڈھ رہا ہوں‌ یونی کوڈ‌ میں ۔۔ یہی میری شکایت ہے کہ ہر ایڈیشن مختصر صحیح مسلم و بخاری کے نام سے اپنی پسند کی روایات کا ہے۔ میرے پاس جتنے ایڈیشنز ہیں ان میں تعداد ، متن اور ترتیب کا زبردست فرق ہے اور کوئی بھی اپنی کتاب میں وجہ نہیں لکھتا کہ ایسا کیوں‌کیا؟ جب قران کریم میں‌ ایسی چھانٹی قابل قبول نہیں تو صحیح کتب روایات کے ساتھ ایسی نا انصافی قابل قبول کیوں ؟ کیا مختصر قرآن کریم کو بھی قرآن کریم کہیں گے؟

یہ امام بخاری کی کتاب نہیں ہے بلکہ زین العابدین احمد بن عبداللطیف رحمہ اللہ نے اس مجموعے کو امام بخاری کی صحیح الجامع سے مرتب کیا ہے۔ امام بخاری ایک حدیث کو کئی ابواب میں بیان کرتے ہیں اور عنوان کے مطابق ایک ایک حدیث سے کئی مسائل اخذ کرتے ہیں۔ اس مجموعے میں جناب زین العابدین نے ایک حدیث ایک مرتبہ بیان کرنے کا التزام کیا ہے۔ علاوہ ازیں اگر ایک حدیث کا متن مختلف اسناد سے بیان ہوا ہے تو اسے صرف ایک ہی سند سے بیان کیا ہے۔
اس لیے 'بخاری" کے لفظ سے کسی کو یہ شبہ نہ ہو کہ یہ محمد بن اسماعیل بخاری رحمۃ اللہ علیہ کی "الجامع الصحیح" ہے جسے عموما صحیح البخاری کہا جاتا ہے بلکہ یہ کتاب زین العابدین احمد کی تالیف ہے جس میں انہوں نے صحیح البخاری سے روایات کا انتخاب کر کے اسے "مختصر صحیح بخاری" کا نام دیا ہے۔

 

[arifkarim]

پھر بھی یہ احادیث کا ان پیج میں بہت بڑا ذخیرہ ہے!

 

[فاروق سرور خان]

درست فرمایا، کیوں نہ محفل پر یہ کام کیا جائے؟

بھائی، یہ ایک بڑا پراجیکٹ ہے۔ جن پراجیکٹ میں میں آج کل لگا ہوا ہوں ان ہی سے وقت نہیں بچ رہا۔ آپ لوگ شروع کیجئے۔ میں جو بھی مدد کرسکا کروں گا۔


والسلام

 

[فاروق سرور خان]

احبابو و صاحبو! سلام علیکم۔ اعوذ باللہ رب العالمین۔ بسم اللہ الرحمن الرحیم

بھائی عارف کریم نے یہاں احادیث رسول کو کمپائیل کرنے کا مشورہ دیا، جس وجہ سے میرے ذہن میں وہ سوالات آئے جو مجھے تنگ کرتے ہیں۔

گو کہ یہ کتب روایات سے اقتباسات ہیں لیکن اس کے باوجود میری لکھنے یا حوالہ دینے کی ہمت نہیں پڑتی۔ لیکن آپ دل کڑا کرکے ان روایات کو پڑھئے اور خلوص دل سے سوچئیے کہ کیا ایسا ممکن ہے؟ کہ جو چاہے جو کچھ اپنی مرضی سے رسول اکرم سے منسوب کردے اور ہم کو کہے کہ اس من و عن مانو؟ بنا قرآن کی روشنی میں دیکھے ہوئے۔ ایسی روایات ہیں جن کے بارے میرا نکتہ نظر یہ ہے کہ ان کو قرآن کریم کی روشنی میں‌دیکھا جانا چاہئیے۔

آپ میں‌ سے جو صاحب بھی احادیث رسول اکرم کو لکھنے کے کام کا بیڑہ اٹھائیں ان کے لئے میری گذارش ہےکہ حد سے زیادہ احتیاط سے کام لیجئے۔ ایسا کیوں ؟

میری ہمت نہیں ہوتی کہ وہ روایات کہیں بھی لکھوں جو حد درجہ قران کریم کے خلاف ہیں۔ ان کی صرف چند مثالیں۔

عورت، مکان اور گھوڑے کا شیطانی ہونا؟‌ کیا اس میں والدہ بھی شامل ہیں ؟ ایسا کیسے ممکن ہے؟
http://www.usc.edu/dept/MSA/fundamentals/hadithsunnah/bukhari/052.sbt.html#004.052.111
http://www.usc.edu/dept/MSA/fundamentals/hadithsunnah/bukhari/062.sbt.html#007.062.030

اونٹ کا پیشاب پینا، جبکہ جگہ جگہ اس کو ناپاک قرار دیا گیا ہے۔ ایسا کیسے ممکن ہے؟
http://www.usc.edu/dept/MSA/fundamentals/hadithsunnah/bukhari/004.sbt.html#001.004.234

امت المومنین حضرت عائشہ رضی اللہ تعالی عنہا کا رسول اکرم صلعم کو طعنہ دینا۔ ایسا کیسے ممکن ہے؟ اللہ تو ام المومنین سے راضی ہوا!
http://www.usc.edu/dept/MSA/fundamentals/hadithsunnah/bukhari/062.sbt.html#007.062.048

عورت کو ٹیڑھا قرار دینا۔ کیا ماں بھی اس میں شامل ہوگی؟ ایسا کیسے ممکن ہے؟ خواتین کی عزت قرآن کس طور بڑھاتا ہے ، سب جانتے ہیں۔
http://www.usc.edu/dept/MSA/fundamentals/hadithsunnah/bukhari/062.sbt.html#007.062.113

اس سے پیشتر ہم لڑکیوں‌کو لکھنے سے منع کرنے والی اور سورۃ النور کی تعلیم نہ دینے والی روایت جو رضا صاحب نے فراہم کی تھی وہ دیکھ چکے ہیں۔
صاحب ایسی بعید از عقل اور خلاف قران روایات کو لوگ کس طرح درست قرار دیتے ہیں؟ میری سمجھ سے باہر ہے۔ یا تو ایسا ہے کہ انہوں‌نے پڑھا ہی نہیں ہے اور بس تکے مارتے رہتے ہیں یا پھر یہ کہ کچھ اور وجہ ہے جو واضح نہیں کرتے۔ اللہ تعالی ہم سب کو ہدایت دیں۔

میں مزید کچھ اور روایات جو اسی قسم کی ہیں‌یہاں‌لکھوں گا تاکہ ہمارے دوستوں کو آگاہی ہو اور وہ اپنے ایمان کے مطابق ان کو درست جگہ رکھ سکیں۔

 

[باسم]

اس پوسٹ کا عنوان سے کیا ربط ہے؟

 

[عبداللہ حیدر]

اونٹ کا پیشاب پینا، جبکہ جگہ جگہ اس کو ناپاک قرار دیا گیا ہے۔ ایسا کیسے ممکن ہے؟
http://www.usc.edu/dept/msa/fundamentals/hadithsunnah/bukhari/004.sbt.html#001.004.234

میں مزید کچھ اور روایات جو اسی قسم کی ہیں‌یہاں‌لکھوں گا تاکہ ہمارے دوستوں کو آگاہی ہو اور وہ اپنے ایمان کے مطابق ان کو درست جگہ رکھ سکیں۔

قرآن کریم کی کوئی ایک آیت پیش کر دیں جس میں اونٹ کے پیشاب کو ناپاک کہا گیا ہو۔

 

[عبداللہ حیدر]

اس پوسٹ کا عنوان سے کیا ربط ہے؟

یہ تو مجھے بھی سمجھ نہیں‌ آئی۔

 

[arifkarim]

فاروق صاحب:‌آپ نے جس سائٹ‌ کا حوالہ دیا ہے، وہ تو کیلیفورنیا یونیورسٹی کی ہے۔ اور اوپر سے احادیث انگریزی ترجمے میں ہیں۔ کیا گیرینٹی ہے کہ یہ تمام درست تراجم ہیں / احدایث ہیں؟

 

[فاروق سرور خان]

بھائی اس پوسٹ کا عارف کریم بھائی کے مشورے سے تعلق ہے۔ کہ یہاں‌محفل پر ہی یہ کام کیا جائے۔
عارف بھائی، یقیناً کوئی گارنٹی نہیں ہے کہ یہ درست تراجم ہیں۔ افسوس اس بات کا ہے کہ یہی روایات اردو کی بخاری میں بھی موجود ہیں، جو کراچی سے چھپی ہے۔ اور اس کتاب میں‌ بھی موجود ہیں جو بیروت سے چھپی ہے۔ اس کے باوجود میں کوئی گارنٹی نہیں دیتا کہ ان میں سے کوئی بھی درست ہے۔ اور ان کو پڑھنے کے بعد میرے بھی وہی جذبات ہیں جو آپ کے ہیں۔

میرا منشاء ان بیانات کی طرف اشارہ کرنے سے یہ ہے کہ جب بھی یہ کام کیجئے، احتیاط سے کام لیجئے۔ میں یہ سمجھتا ہوں کی آپ کا دل اور آپ کا اللہ اور رسول کا پیغام ، ہم سب کو زیادہ بہتر ہدایت دینے والے ہیں۔

بھائی عبداللہ حیدر، آپ نے پوچھا کہ میں‌قران سے یہ ثابت کروں‌کے اونٹ کاپیشاب ناپاک ہے؟
بھائی میرا مقصد یقیناً کوئی بحث شروع کرنا نہیں ہے۔ بلکہ ایک الارم بجانے والے کا ہے کہ بجائے مذہبی جذبات میں بہہ جائیں اور سب کچھ درست مان لیں۔ ہم سب کو احتیاط کرنی چاہئیے ۔ ہمارا مذہب بنی نوع انسان اور ساری دنیا کے لئے امن و آشتی کا پیغام لاتا ہے۔ پاکی ناپاکی کا تصور پیدا کرتا ہے۔ اچھے کاموں اور برے کاموں کا فرق بتاتا ہے۔ ہم ہر جگہ رسول اکرم سے یہ سیکھتے ہیں کہ پاکی اور ناپاکی کیا ہے۔ ہمارے مذہب اسلام کے مکمل فریم ورک میں‌ جب کوئی بات فٹ نہ بیٹھے تو اس کے سب سے بیتر جج ہم اور آپ ہیں بھائی۔

کہ جیسا بھائی عارف کریم نے سوال کیا تو یہی سوال میرا بھی ہے کہ اگر ایک ویب سائٹ پر یا کتاب میں کوئی مواد ہمارا رسول اکرم سے منسوب کیا گیا ہو تو ضروری نہیں کہ وہ درست ہو۔ اگر کسی دشمن اسلام نے کوئی شر پھیلایا ہے تو اس کو درست جاننے کا کرنے کا کیا طریقہ ہونا چاہئیے؟ آپ میں سے کوئی بھائی وضاحت فرمائیے ؟

 

[arifkarim]

اسکا ایک ہی حل ہے:
Go to the source!
کسی ماہر تاریخ آرکیو لو جسٹ سے رابطہ کریں کہ کہیں سے پرانی ترین صحیح بخاری کا متن مہیا کر کے دے۔ اس طرح پتا لگ جائے گا کہ یہ خلاف قرآن احا دایث کو کیوں صحیح بخاری میں شامل کیا گیا؟
کیونکہ جہاں تک میں نے پڑھا ہے ۔ احادیث کی 6 کتب پر تمام مسلمانوں کا اتفاق ہے کہ یہ درست ہیں۔ اگر صحیح بخاری جیسی مستند کتاب الحدیث میں اس قسم کی ( غیری اسلامی) احادیث موجود ہوں گی تو پھر کوئی بھی مسلمان باقی احادیث کو مستند نہیں مانے گا!

 

[فاروق سرور خان]

بھائی۔ آپ کی بات سے سے سو فی صد اتفاق ہے۔ یہ بات کہ کہ ان کتب میں سب کچھ درست اور اس کا اہتمام بھی کیا جاتا ہے، اس کی ضرور کوئی وجہ رہی ہوگی لیکن آج کی تاریخ میں ایک کتاب سے دوسری طبع شدہ کتاب کے متن کا فرق، تعداد کا فرق اور ترتیب کا فرق، پھر ایسی خلاف مذہب روایات، مجھے حیرانی نہیں ہوتی کہ دشمنان اسلام نے اپنی کارستانی دکھائی ہو۔ ایسا کب ہوا؟‌ یہ ایک سوال ہے اپنی جگہ۔

اس بات کو واضح کرنے کے لئے میں ایک دھاگہ الگ کھولنا پسند کروں گا "‌ممکنہ خلاف قرآن روایات" کے نام سے۔ اگر محفل کے احباب و اصحاب اجازت دیں۔

 

[بنتِ حوا]

فاروق بھائی السلام علیکم۔۔۔
جو اوپر آپ نے روایات لکھی ہیں اگر ہو سکے تو مجھے ان کا حوالہ یہاں اردو میں بتا دیں حدیث نمبر 'باب نمبر 'صفحہ نمبر'''شکریہ۔۔میں اس کے بارے میں دیکھتی ہوں فلحال ہماری صحیح بخاری کی کتب کسی نے پڑھنے کے لیے لی ہوئی ہیں جوں ہی وہ واپس کرتی ہیں میں دیکھتی ہوں ان روایات کو۔۔۔
جہاں تک آپ نے بات کی رضا صاحب کی تو انہوں نے اپنے فرقے کی بات کی ہو گی مسلمانوں میں کتنے ہی فرقے ایسے ہیں جو عورتوں کو تو کیا مردوں کو بھی قرآن سمجھ کر پڑھنے کی اجازت نہیں دیتے بلکہ پہلے پابندی لگاتے ہیں کہ 12 علوم سیکھو 52 علوم سیکھو تب قرآن کو ترجمعے کے ساتھ پڑھو تو آپ پلیز ایسے لوگوں کا حوالہ نہ دیا کریں جو ایسا کہتے ہیں وہ اپنے مخصوص فرقے کی بات کرتے ہیں ہاں اگر ان کی بات پر سب مسلمان اور عالمِ دین متفق ہوں تو کہہ سکتے ہیں جیسے صحیح بخاری و صحیح مسلم پر سب کا اتفاق ہے (گنتی کے کچھ لوگوں کو چھوڑ کر)

 

[فاروق سرور خان]

آپ نے درست فرمایا عزیز بہن کہ لوگ قرآن کے لئے بھی پابندیاں لگاتے ہیں جبکہ آپ یہ آیات دیکھئے [ayah]54:17 [/ayah]اور [ayah]54:22 [/ayah]اور [ayah]54:32[/ayah] اور [ayah]54:40 [/ayah] کہ اللہ تعالی فرماتے ہیں
اور بیشک ہم نے قرآن کو نصیحت کے لئے آسان کر دیا ہے تو کیا کوئی نصیحت حاصل کرنے والا ہے

قرآن اور سنت رسول ہم سب کو متحد کرنے والے ہیں۔ لیکن زیادہ تر فرقوں کی اپنی اپنی روایات ہیں، یہی روایات فرقہ بناتی ہیں۔

صحیح بخاری کی اردو کی کتاب جو میں نے کراچی سے خریدی اس کے حوالہ یہ ہیں۔ ممکن ہے آپ کے پاس یہ نمبر نہ ہوں کیوں کہ ان کتب کی ترتیب مختلف ہوتی ہے۔ آپ ان نمبروں کے آس پاس دیکھ لیجئے۔

1۔ عورت کو شیطانی یا فتنہ قرار دینا
کتاب الجہاد، ، جلد 4، کتاب 52، روایت 111
کتاب النکاح ، جلد7 ، کتاب 62، روایت 30

اونٹ کا پیشاب،
کتاب وضو جلد 1 ، کتاب 4 ، روایت 234

امت المومنین حضرت عائشہ رضی اللہ تعالی عنہا کا حضرت خولہ کے بارے میں رسول اکرم صلعم کو طعنہ دینا۔
کتاب النکاح: جلد 7، کتاب 62، روایت 48

عورت کو ٹیڑھا قرار دینا۔
کتاب النکاح: جلد 7، کتاب 62، روایت 113

اگر آپ یہ تحقیق کررہی ہیں تو اپنے پاس کتاب کے ناشر اور اس کی روایات کے نمبر فراہم فرمائیے تو بہت ہی مہربانی ہوگی۔ مجھے یقین ہے کہ اگر آپ انگریزی کا متن دیکھ لیجئے تو اردو کا متن ڈھونڈنے میں دشواری نہیں ہوگی۔