براہِ اصلاح

[آئی کے عمران]

ذکرِ اغیار مت کیا کر
اے مرے یار مت کیا کر

کھول کر زلفِ عنبریں کو
دل گرفتار مت کیا کر

بے رخی کر کے،زندگی سے
ہم کو بیزار مت کیا کر

بات کر امن و آشتی کی
ذکرِ تلوار مت کیا کر

آج عرضِ وصال سن لے
روز انکار مت کیا کر


چل قدم سے قدم ملا کے
تیز رفتار مت کیا کر

یاد کر کے اسے تو عمران
درد بیدار مت کیا کر

 

[محمد عظیم الدین]

مطلع میں غالباً ’کر‘ چھوٹ گیا ہے شاید یوں لکھنا تھا۔

ذکرِ اغیار مت کیا کر​

اشعار اچھے ہیں۔​

 

[آئی کے عمران]

جی بہت بہت شکریہ
میں نے تبدیلی کر دی یے
منت پذیر

 

[الف عین]

مبتدی نئی نئی بحروں میں طبع آزمائی نہ کیا کریں تو اچھا ہے۔
محمد ریحان قریشی ہی بحر کے بارے میں کوئی رائے دے سکتے ہیں۔

 

[آئی کے عمران]

مبتدی نئی نئی بحروں میں طبع آزمائی نہ کیا کریں تو اچھا ہے۔
محمد ریحان قریشی ہی بحر کے بارے میں کوئی رائے دے سکتے ہیں۔

فاعلاتن مفاعلن فع
میں پہلے بھی اس بحر میں غزلیں لکھ چکا ہوں میرے لیے یہ نئی نہیں تھی
شاید یہ کوئی غیر معروف بحر ہو

 

[محمد ریحان قریشی]

گو کہ یہ بحر بھی میں نے اس سے پہلے مستعمل نہیں دیکھی مگر پھر بھی رواں ہے چل جائے گی.

 

[الف عین]

جب افاعیل مقرر کر کے ہی غزل کہی گئی ے تو درست ہی ہو گی۔ میں تقطیع کرنے کی زحمت کیوں کروں۔
کسی لفظ کے تلفظ میں تو گڑبڑ نہیں ہے۔

 

[آئی کے عمران]

جب افاعیل مقرر کر کے ہی غزل کہی گئی ے تو درست ہی ہو گی۔ میں تقطیع کرنے کی زحمت کیوں کروں۔
کسی لفظ کے تلفظ میں تو گڑبڑ نہیں ہے۔

جی بحر مقرر کر کے ہی لکھی ہے غلطی تو کوئی نہیں ہے
اشعار پر اگر بات ہو جائے تو‫‫‫‫‫‫‫۔۔۔
اصل میں یہ ایک معروف بحر فاعلاتن مفاعلن فعلن کا زحاف ہے شاید آخری رکن فعلن کا لن گرا کر فع بچا ہے۔
لیکن یہ بحر اتنی مستعمل نہیں ہے۔

 

[الف عین]

غیر مستعمل بحور سے بچیں تو اچھا ہے۔
ویسے کوئی غلطی نہیں ہے، یہ کہہ چکاہوں۔ تقطیع کر کے نہیں دیکھ رہا۔