بنگلہ دیش کا دورہء نیوزی لینڈ

[یاز]

پانچویں وکٹ بھی گر گئی۔ مومن الحق آؤٹ۔
بنگلہ دیش بظاہر سیفٹی کی جانب جاتا دکھائی دے رہا تھا۔ تاہم ابھی بھی میچ ہارنا زیادہ مشکل نہیں ہے۔
اس وقت 152 کی لیڈ ہے۔ اگلے تیس پینتیس اوورز میں مزید 100 رنز کے اندر بقیہ وکٹس گر جائیں تو نیوزی لینڈ کو پچپن سے ساٹھ اوورز میں 250 کے قریب رنز کرنا ہوں گے۔ جو کہ کافی حد تک ممکن ہے۔

 

[یاز]

بنگلہ دیش کے لئے بری خبر یہ بھی ہے کہ ان کا ایک بلے باز زخمی ہونے کی وجہ سے کھیلنے کے لئے دستیاب نہیں ہے۔ گویا کہ ان کی چار ہی وکٹیں باقی ہیں۔

 

[یاز]

اب بنگلہ دیش فتح کے خواب چھوڑ کر صرف میچ بچانے میں مصروف۔

 

[عبداللہ محمد]

بنگلہ کی پوری ٹیم 160 رنز ہی بنا سکی۔
یوں کیویز کو 57 اوورز میں 217 رنز کا ہدف ملا ہے۔
کافی دلچسپ اختتام کی طرف بڑھ رہا ہے ٹیسٹ!!!

 

[عبداللہ محمد]

ٹیسٹ میچ کا ایک اور بہترین سیشن اختتام کر پہنچا۔
کیویز 91-2
آخری سیشن میں مزید 126 رنز درکارہیں جبکہ کم ازکم 38 اوورز کا کھیل باقی ہے۔
کیویز کی گرفت کافی مضبوط البتہ بنگالی کوئی جادو پھونک کر میچ بچا سکتے ہیں لیکن اس کے امکانات بہت ہی کم ہیں۔

 

[یاز]

بنگلہ دیش شکست کے دہانے پر۔
بنگلہ دیش نے پہلی اننگز میں 595 رنز بنائے تھے۔ یہ ٹیسٹ کرکٹ کی تاریخ کا سب سے بڑا سکور ہو گا، جس کے بعد کوئی ٹیم شکست سے دوچار ہوئی ہو۔

 

[عبداللہ محمد]

کیویز166-2
مزید محض 51 رنز درکار۔جبکہ کم ازکم 27 مزید اوورز باقی۔
کین سُپرپ ولیمسن اور ٹیلر کی خوبصورت بیٹنگ۔

بنگلہ کا تھالی میں رکھ کر میچ دینے کا خوب شکریہ ادا کر رہے۔۔

 

[محمد وارث]

بنگلہ دیش شکست کے دہانے پر۔
بنگلہ دیش نے پہلی اننگز میں 595 رنز بنائے تھے۔ یہ ٹیسٹ کرکٹ کی تاریخ کا سب سے بڑا سکور ہو گا، جس کے بعد کوئی ٹیم شکست سے دوچار ہوئی ہو۔

پس ثابت ہوا کہ بنگالی بھی ہمارے ہی بھائی بند ہیں

 

[ابن توقیر]

شکیب اور مشفیق کی اننگز دیکھی تھی جھلکیوں میں پھر اس میچ کا علم نہیں رہا،لیکن یہاں تو بڑی دلچسپ صورتحال رہی،پہلی اننگز میں بنگال کا مجموعی ٹوٹل دیکھ کر لگا تھا کہ کچھ سپیشل ہوگا پر انجام کچھ خاص نہ ہوا۔​

 

[یاز]

پس ثابت ہوا کہ بنگالی بھی ہمارے ہی بھائی بند ہیں

کوئی ایسے ویسے بھائی بند جی۔

 

[محمد تابش صدیقی]

بنگلہ دیش شکست کے دہانے پر۔
بنگلہ دیش نے پہلی اننگز میں 595 رنز بنائے تھے۔ یہ ٹیسٹ کرکٹ کی تاریخ کا سب سے بڑا سکور ہو گا، جس کے بعد کوئی ٹیم شکست سے دوچار ہوئی ہو۔

مختصراً یہ کہ بنگالیوں کے ساتھ اظہر والی ہو گئی.

 

[عبداللہ محمد]

شکیب اور مشفیق کی اننگز دیکھی تھی جھلکیوں میں پھر اس میچ کا علم نہیں رہا،لیکن یہاں تو بڑی دلچسپ صورتحال رہی،پہلی اننگز میں بنگال کا مجموعی ٹوٹل دیکھ کر لگا تھا کہ کچھ سپیشل ہوگا پر انجام کچھ خاص نہ ہوا۔​

میرے خیال میں کل ٹی کے بعد سے جو حالات بدلے ہیں۔ یہ خود میں سپیشل ہیں اور ایسے میں یہ نتیجہ خاص ہی ہے۔

پس ثابت ہوا کہ بنگالی بھی ہمارے ہی بھائی بند ہیں

نہیں بھیا۔ یہ کسی کارگردگی کسی اور ہی لیول پر ہے۔۔

 

[یاز]

حالیہ چند سالوں کی کرکٹ کا جائزہ لیا جائے تو یہ واضح ہوتا ہے کہ کرکٹ کے ایک نئے دور کا آغاز ہو چکا ہے۔
ون ڈے میں پہلے 250 سے اوپر ٹارگٹ اچھا سمجھا جاتا تھا اور 300 سے اوپر ناقابلِ تسخیر سمجھا جاتا تھا۔ لیکن اب 350 بھی محفوظ نہیں ہے۔

اسی طرح ٹیسٹ کرکٹ میں 400 سے اوپر کا مجموعہ اچھا سمجھا جاتا تھا اور 500 سے اوپر کے سکور کو تو ناقابلِ شکست سمجھا جاتا تھا کہ یا تو جیتیں گے یا ڈرا ہو گا۔ لیکن اب حالات بدل چکے ہیں۔ تین سال قبل ویسٹ انڈیز نے بھارت کے خلاف پہلی اننگز میں 588 رنز کئے تھے، لیکن ہارتے ہارتے بچے تھے۔

 

[یاز]

ایک اور چیز یہ دیکھی جا رہی ہے کہ ایک ہی ٹیسٹ میں ایک ٹیم کی دونوں اننگز میں واضح تر تفاوت کا رجحان بڑھ رہا ہے۔ پہلے ایسے واقعات خال خال ہوتے تھے، اب اکثر ہی دیکھنے کو ملتے ہیں کہ ایک اننگز میں 500 سے اوپر رنز اور دوسری میں 150 کے قریب ڈھیر ہو گئے۔

 

[عبداللہ محمد]

ولیمسن کی سینچری اور کیویز کی فتح مکمل۔
ٹیسٹ کرکٹ ایٹ ہز بیسٹ!!

 

[محمد وارث]

نہیں بھیا۔ یہ کسی کارگردگی کسی اور ہی لیول پر ہے۔۔

پاکستان تین بار پانچ سو سے زاید رنز کر کے ہارا ہوا ہے۔ #شکریہ کرک انفو

 

[یاز]

بنگلہ ٹیم کے ساتھ اچھا نہیں ہوا۔

 

[یاز]

دوسرا ٹیسٹ میچ تقریباً ایک گھنٹے میں شروع ہوا ہی چاہتا ہے۔

 

[یاز]

نیوزی لینڈ نے ٹاس جیت کر پہلے باؤلنگ کا فیصلہ کیا ہے۔

 

[یاز]

بنگلہ دیش کی پہلی وکٹ گرا لی گئی ہے۔ تمیم اقبال آؤٹ۔