بیت بازی سے لطف اٹھائیں (3)

[شمشاد]

ہما آپ سے درخواست ہے کہ تصویری شاعری پوسٹ نہ کریں۔ اس میں " تلاش " کا موڈ کام نہیں کرے گا۔
یونیکوڈ میں شعر لکھنے میں دیر ہی کتنی لگتی ہے، اس لیے براہ مہربانی یونیکوڈ میں لکھا کریں۔ شکریہ۔

 

[شمشاد]

ابھی ابھی تمہیں سوچا تو کچھ نہ یاد آیا
ابھی ابھی تو ہم اک دوسرے سے بچھڑے تھے
(احمد ندیم قاسمی)

 

[راجہ صاحب]

یہ کیا طِلسم ہے، دریا میں بن کے عکسِ قمر
رُکے ہوئے بھی تمھی ہو، رواں دواں بھی تمھی

 

[محمداحمد]

یہ اور بات کہ خود کو بہت تباہ کیا
مگر یہ دیکھ تیرے ساتھ تو نباہ کیا

​

 

[مغزل]

آیا ہی تھا ابھی مرے لب پر وفا کا نام
کچھ دوستوں نے ہاتھ میں پتھّر اٹھا لیے

 

[شمشاد]

یہ بھی اِک پتھروں کی دنیا ہے
شیشہ دل سنبھالتے کیسے
(نزھت عباسی)

 

[مغزل]

[font="urdu_umad_nastaliq"]

یارب۔۔۔۔۔۔۔۔ ! زمانہ مجھ کو مٹاتا ہے ک۔۔۔۔۔س لیے ؟
لوحِ جہاں پہ حرف۔۔۔۔۔ ِ مکرّر نہیں ہوں میں​

[/font]

 

[شمشاد]

نگاہِ ش۔۔وق س۔۔رِ ب۔۔زم بے حجاب ن۔۔ہ ہ۔۔۔۔۔و
وہ بے خبر ہی سہی اتنے بے خبر بھی نہیں
(فیض)

 

[راجہ صاحب]

نہ جانے کتنے گلے اس میں مضطرب ہیں ندیم
وہ ایک دل جو کسی کا گلہ گزار نہیں

 

[شمشاد]

ناوک انداز جدھر دیدہء جاناں ہوں گے
نیم بسمل کئی ہوں گے کئی بےجاں ہوں گے
(حکیم مومن خان مومن)

 

[منصور]

یوں نہ تھا میں نے فقط چاہا تھا کہ یوں ہو جاے
تو جو مل جاے تو تقدیر نگوں ہو جاے
(فیض احمد فیض)

 

[شمشاد]

یہ جو سرگشتہ سے پھرتے ہیں کتابوں والے
ان سے مت مل کہ انہیں روگ ہیں خوابوں والے
(فراز)

 

[ہما]

یہ اور بات کہ منبر پہ جا کے کچھ نہ کہیں
خموش لوگ بلا کے خطیب ہوتے ہیں ​

 

[مغزل]

یہ اور بات کہ تم سے گلہ نہیں کرتے
تمھارا طرزِ تخاطب یہ ناگوار تو ہے
اختر انجم

 

[ہما]

یہاں بھی ہو گئے اغیار انجمن آراء
میں اپنے دل کی بھری محفلوں میں تنہا ہوں ​

 

[راجہ صاحب]

نئے نئے ہیں‌عزائم نئی نئی ہے تلاش
جمال دوست سے دل مطمئن کہاں ہے ابھی

قابل اجمیری

 

[شمشاد]

یہ ضد ہے یادِ حریفانِ بادہ پیما کی
کہ شب کو چاند نہ نکلے، نہ دن کو ابر آئے
(فیض)

 

[راجہ صاحب]

یہ عالمِ وحشت ہے تو کچھ ہو کے رہے گا
منزل نہ سہی، سر کسی دیوار سے مارو



ناصر کاظمی

 

[شمشاد]

ویران تو رہی نہیں خوابوں کی بستیاں
آزادیوں کے خواب مسلسل سے بس گئیں
(نزھت عباسی)

 

[راجہ صاحب]

یہی ہے زندگی کچھ خاک ، چند امیدیں
انہی کھلونوں سے تُم بھی بہل سکو تو چلو