بیت بازی سے لطف اٹھائیں (4)

[چھوٹاغالبؔ]

نہ بندھے تشنگی ذوق کے مضموں، غالبؔ!
گرچہ دل کھول کے، دریا کو بھی ساحل باندھا


(قبلہ بڑے غالبؔ)

 

[سارہ خان]

اک تیرا دھیان سفر میں نہیں رکنے دیتا
یوں تو ہر گام پہ رستے میں شجر آتا ہے

 

[چھوٹاغالبؔ]

یہ نہ تھی ہماری قسمت کہ وصالِ یار ہوتا
اگر اور جیتے رہتے، یہی انتظار ہوتا

 

[شمشاد]

آکہ پھر آج ہم آہنگ ہوئی ہے لَب جُو​

نَے کی لَے، چاند کی تنویر، صبا کی خُوشبو​

(جوش)​

 

[سارہ خان]

وقت ک زندانوں میں ہیں کئی گوہر نایاب مقیّد
اس سے جو آزاد ہوا وہ لمحہ لا زوال ہوا

 

[شمشاد]

امیرؔ اب سخن کی بڑی قدر ہو گی
پھلے پھولیں گے نکتہ داں کیسے کیسے​

امیر مینائی

 

[چھوٹاغالبؔ]

یوں ہی گر روتا رہا غالبؔ تو اے اہلِ جہاں!
دیکھنا ان بستیوں کو تم کہ ویراں ہو گئیں

 

[شمشاد]

​

نقش پا دشت میں ہیں میرے علاوہ کس کے​

کیا کوئی شہر سے پھر چاک گریباں نکلا

(منصور آفاق)​

 

[مہ جبین]

ایک سنجیدہ سی شوخی اک تبسم زیرِ لب
غور کرتا ہوں تو میری شاعری لگتی ہو تم
امیرالاسلام ہاشمی

 

[شمشاد]

معیار اپنا ہم نے گرایا نہیں کبھی ​

جو گر گیا نظر سے وہ بھایا نہیں کبھی​

(تسنیم کوثر)​

 

[مہ جبین]

یہ چٹکی کی کرامت ہے کہ بس چٹکی بجاتے ہی
ہمک کر آنے لگتا ہے خیالِ یار چٹکی میں
امیرالاسلام ہاشمی

 

[شمشاد]

نگاہ، یار کی یوں اُٹھ رہی تھی جُھک جُھک کر
زمین رقص میں تھی، آسماں پہ زلزلہ تھا
(جوش)

 

[مہ جبین]

اک اپنے واسطے ہے، دوسرا جس سے وہ ہاریں گے
وہ لے کر گھومتے ہیں آج کل دو ہار، چٹکی میں
امیرالاسلام ہاشمی

 

[شمشاد]

نویدِ امن ہے بیدادِ دوست جاں کے لئے
رہی نہ طرزِ ستم کوئی آسماں کے لئے​

(چچا)​

 

[مہ جبین]

یہ پل ہے یہاں پھول کہاں، پچھلے برس کے
ہے دن تو وہی دوست، مگر اور ہے پانی
امجد اسلام امجد

 

[عمر سیف]

یہ مِرا ہُنر تیری خوشبوؤں سے وابستہ
میرے سارے لفظوں پر تیری حکمرانی ہے

 

[شمشاد]

​

یہ لوگ بیچارے کیا جانیں کیوں ہم نے حرف کا جوگ لیا​

اس راہ چلیں تو سمجھیں بھی اس آگ جلیں تو لکھیں بھی​

 

[عمر سیف]

یہاں کس کا چہرہ پڑھا کروں
یہاں کون اتنا قریب ہے

 

[شمشاد]

یہ اُلجھے ہیں رندوں سے کیا شیخ صاحب
بڑھاپے میں کیوں ڈاڑھی رنگوارہے ہیں
(ریاض خیر آبادی)

 

[عمر سیف]

نجانے کب مِری دُنیا میں مُسکرائے گا
وہ ایک شخص کہ خوابوں میں بھی خفا سا لگے