بیت بازی سے لطف اٹھائیں (4)

[شمشاد]

یاں سرِ پرشور بے خوابی سے تھا دیوار جو
واں وہ فرقِ ناز محوِ بالشِ کمخواب تھا
(چچا)

 

[عمر سیف]

آفاق کی منزل سے گیا کون سلامت
اسباب لٹا راہ میں یاں‌ ہر سفری کا

 

[مزمل حسین]

اب وہ الطاف نہیں، ہم پہ عنایات نہیں
بات یہ کیا ہے؟ کہ پہلی سی مدارات نہیں

 

[شمشاد]

نہ سوالِ وصل ، نہ عرضِ غم ، نہ حکایتیں نہ شکایتیں​

ترے عہد میں دلِ زار کے سبھی اختیار چلے گئے​

(فیض احمد فیض)​

 

[مزمل حسین]

یا رب اس اختلاط کا انجام ہو بخیر...!
تھا اس کو ہم سے ربط، مگر اس قدر کہاں
حالی! نشاط نغمہ و مے ڈھونڈتے ہو اب
آئے ہو وقت صبح، رہے رات بھر کہاں؟؟

 

[شمشاد]

نئی کلیاں جو اب کھلی ہیں وہاں​

ان کی خوشبو کو اک ذرا بھیجو​

(جون ایلیا)​

 

[عمر سیف]

وہ عُمر کم کر رہا تھا میری
میں عُمر اُس کی بڑھا رہا تھا

 

[شمشاد]

آج کیوں پروا نہیں اپنے اسیروں کی تجھے ؟
کل تلک تیرا بھی دل مہرووفا کا باب تھا
(چچا)

 

[عمر سیف]

آج بھی ہیر کی خاطر کسی جنگل میں
رات رانجھے کی بسر ہو تو غزل ہوتی ہے

 

[امیداورمحبت]

یہ دنیا ظالم دنیا ہے ،یہ بات بہت پھیلائے گی
تم سامنے سب کے چپ رہنا اور چپکے چپکے رو لینا

 

[فرحت کیانی]

یہ مسائلِ تصوف ، یہ تیرا بیان غالب
تجھے ہم ولی سمجھتے جو نہ بادہ خوار ہوتا

 

[امیداورمحبت]

اس کی آنکھوں میں بشارت تھی نئے خوابوں کی
میں اسے دیکھ کر چونکابھی نہیں تھا شاید

 

[عمر سیف]

دل ہے کہ جلتے سینے میں اک درد کا پھوڑا الہڑ سا
نہ گپت رہے نا پھوٹ بہے کوئی مرہم کوئی نشتر ہو

 

[فرحت کیانی]

وائے ناکامی متاعِ کارواں جاتا رہا
کارواں کے دل سے احساسِ زیاں جاتا رہا

 

[امیداورمحبت]

اے خدا آج اسے سب کا مقدر کردے
وہ محبت کہ جو انسان کو پیمبر کردے

 

[شمشاد]

یاد کر وہ دن کہ ہر یک حلقہ تیرے دام کا
انتظارِ صید میں اِک دیدۂ بیخواب تھا
(چچا)

 

[کاشف اکرم وارثی]

آئنہ غور سے دیکھا تو سمجھ آئی یہ بات
کس قدر تیز گزرتی ہے جوانی جانی

علی تاصف

 

[شمشاد]

یہ تو بجا کہ ذوقِ سفر ہے ثبوتِ زیست​

اس دشت میں سموم و صبا دیکھ کر چلو​

(احسان دانش)​

​

 

[مزمل حسین]

وہ بے وفا تھا، تو پھر اتنا مہرباں کیوں تھا...؟
بچھڑ کے اس سے میں سوچوں اسی پہیلی پر
(محسن نقوی)

 

[شمشاد]

رات نے ایسا پیچ لڑایا ٹوٹی ہاتھ سے ڈور
آنگن والے نیم میں جا کے اٹکا ہو گا چاند