بیت بازی سے لطف اٹھائیں (4)

[مزمل حسین]

آئنہ سینۂ صاحب نظراں ہے کہ جو تھا
چہرۂ شاہد مقصود عیاں ہے، کہ جو تھا
کون سے روز نئ قبریں نہیں اس میں بنتیں؟
یہ خرابہ وہی عبرت کا مکاں ہے، کہ جو تھا

 

[شمشاد]

آج جسے گلبانگِ سحر کا نام دیا ہے دنیا نے ​

سچ تو یہ ہے آواز وہی تھی جس سے فضا کی بات چلی
(حزیں صدیقی)

 

[عمر سیف]

یقیں کا ورد و وظیفہ نہ اسم اعظم عشق
تو پھر یہ کیسے کھلے گا طلسم سینۂ خواب

 

[شمشاد]

بھوک چہروں پہ لیے چاند سے پیارے بچّے​

بیچتے پھرتے ہیں گلیوں میں غبارے بچّے
(بیدل حیدری)

 

[مزمل حسین]

یاد ہے اب تک تجھ سے بچھڑنے کی وہ اندھیری شام مجھے
تو خاموش کھڑا تھا لیکن باتیں کرتا تھا کاجل

 

[شمشاد]

لال ڈورے تری آنکھوں میں جو دیکھے تو کھُلا​

مئے گُل رنگ سے لبریز ہیں پیمانے دو
(سیاح)

 

[مزمل حسین]

وہ کہیں میری ہتھیلی پر نہیں
کیا شفیق اس کا ستارا اور ہے..؟
شفیق سلیمی

 

[شمشاد]

یہ الگ اس مرتبہ بھی پشت پر خنجر لگا​

یہ الگ پھر زخم پچھلے زخم کے اندر لگا
(منصور آفاق)

 

[مزمل حسین]

شمشاد بھائی
شعر پڑھتے ہی میرا ہاتھ پشت پر جا پہنچا اور منھ سے کراہ بھی نکل گئ.
فرحت بخش شعر لیجیے.
اس موسم گل ہی سے بہکے نہیں دیوانے
ساتھ ابر بہاراں کے وہ زلف بھی لہرائی

 

[شمشاد]

مزمل بھائی جواب عرض ہے۔

​

اِک عمر چاہیے کہ گوارا ہو نیش عشق​

رکھی ہے آج ہی لذتِ زخمِ جگر کہاں​

------------------------------------------------------------------​

یاد ماضی سے بڑا کرب نہیں ہے کوئی​

میرے گزرے ہوئے لمحوں کو صدا دی جائے
(محمد یوسف صابر)

 

[سید شیرازی]

یاد آتے ہیں تو کچھ بھی نہیں کرنے دیتے
اچھے لوگوں کی یہی بات بُری لگتی ہے

 

[عرفان سرور]

یہ گلی کوچے بڑے مانوس لگتے ہیں شکیل
سنگ طفلاں بھی وہی ہے شور دیوانہ بھی وہی۔۔۔!
شکیل آزاد

 

[سید شیرازی]

یہ عجب بات ہے انکی سرکار میں
میرے حق میں کوئی فیصلہ ہی نہیں

 

[کاشف اکرم وارثی]

نہ خزاں میں ھے کوی تیرگی،نہ بہار مین ھے کوی روشنی​

یہ نظر نظر کے چراغ ہیں، کہین بجھ گیے کہیں جل گیےؑ​

 

[شمشاد]

یاد سا آتا ہے گردوں پر چراغاں دیکھ کر​

ایسی ہی روشن بلندی پر ہمارا گھر بھی تھا​

(حزیں صدیقی)​

 

[مزمل حسین]

اپنی قیمت دو جہاں تو نے کہی
نرخ اونچا کر، تو ارزاں ہے ابھی

 

[شمشاد]

یہیں تک نہیں عشق کی سیر گاہیں​

مہ و انجم و کہکشاں اور بھی ہیں​

(جگر مراد آبادی)​

 

[مزمل حسین]

نبض ایام ترے کھوج میں چلنا چاہے
وقت خود شیشۂ ساعت سے نکلنا چاہے
مجھ کو منظور ہے وہ سلسلۂ سنگ گراں
کوہ کن مجھ سے اگر وقت بدلنا چاہے

 

[مزمل حسین]

مزمل بھائی جواب عرض ہے۔

​

اِک عمر چاہیے کہ گوارا ہو نیش عشق​

رکھی ہے آج ہی لذتِ زخمِ جگر کہاں​

--------------------------------‏
ہم نہیں بار محبت کے سزاوار، تو پھر
صاحبو! طنز نہ فرماؤ، اٹھاؤ، آؤ..!
مذاق کرتا ہوں شمشاد بھائی. معلوم ہے آپ تو اٹھا ہی لیں گے​

 

[شمشاد]

یقیں کریں تو کیجیے، شہادتیں نہ مانگیے​

حقیقتیں بدل چکیں، روایتیں نہ مانگیے
(سہیل ثاقت)