بیت بازی سے لطف اٹھائیں (5)

[محمداحمد]

نہ راستے ہی میں ٹھہریں نہ اپنے گھر جائیں
یہ فیصلے کی گھڑی ہے چلو بکھر جائیں
تمھاری بات بھی سچ ہے مگر ہمیں تم سے
وہ عشق ہے کہ تمھیں سوچ کر ہی مر جائیں

 

[شمشاد]

نہ جانے کس پہ مشکل وقت آیا
کوئی خط میں ہتھیلی بھیجتا ہے
(ندیم بھابھہ)

 

[مہدی نقوی حجاز]

یاد آتے ہیں معجزے اپنے
اور اُس کے بدن کا جادو بھی

جونؔ

 

[شمشاد]

یہ اور بات کہ رہنا مرا گوارا نہیں
تمہارے شہر میں خالی مکان اب بھی ہیں
(ندیم بھابھہ)

 

[ماہی احمد]

نیلے پربت، اودی دھرتی، چاروں کوٹ میں تو ہی تو
تجھ سے اپنے جی خلوت، تجھ سے من کا میلا ہے

ابن انشاء

 

[شمشاد]

یہی پسند نہیں ہے مجھے محبت میں
یہ روز روز جو دنیا سے کام پڑتا ہے
(عباس تابش)

 

[ماہی احمد]

یہ آرزو بھی بڑی چیز ہے مگر ہمدم
وصالِ یار فقط آرزو کی بات نہیں!
فیضؔ

 

[اوشو]

ناوک انداز جدھر دیدہ جاناں ہوں گے
نیم بسمل کئی ہوں گے کئی بے جاں ہوں گے
مومن خان مومن

 

[ماہی احمد]

یہ آرزو تھی تجھے گُل کے رُوبرُو کرتے
ہم اور بلبل ِبے تاب گفتگو کرتے
آتشؔ

 

[اوشو]

یار کو ہم نے جا بہ جا دیکھا
کہیں ظاہر کہیں چھپا دیکھا
شاہ نیاز بریلوی

 

[ماہی احمد]

شکر ہے "ی" نہیں تھا
۔۔۔۔۔۔۔۔
اتنا خالی تھا اندروں میرا
کچھ دنوں تو خدا رہا مجھ میں
جون ایلیا

 

[اوشو]

نیند تو درد کے بستر پہ بھی آ سکتی ہے
ان کی آغوش میں سر ہو یہ ضروری تو نہیں

 

[ماہی احمد]

نہیں نہیں ! یہ خبر دشمنوں نے دی ہوگی
وہ آئے ! آ کے چلے گئے ! ملے بھی نہیں !

 

[اوشو]

نیت شوق بھر نہ جائے کہیں
تو بھی دل سے اتر نہ جائے کہیں

 

[ماہی احمد]

نارسائی کی دھند کے اس پار
عشق میں کیا ہے جو، ہوس میں نہیں
امجد اسلام امجد

 

[محمد بلال اعظم]

نہ ملے زہر تو اپنا ہی لہو پیتے یں
جام خالی نہیں رہتے کبھی سقراطوں کے

 

[شمشاد]

یہ اپنی چال ہے افتادگی سے ان دنوں پہروں
نظر آیا جہاں پر سایہء دیوار بیٹھے ہیں
(انشاء اللہ انشاء)

 

[ماہی احمد]

یہ دستور ے زباں بندی ہے کیسا تیری محفل میں ؟
یہاں توبات کرنےکو ترستی ہے زبان میری !!
(اگر یہ شعر غلط ہے تو بتایے پلیز)

 

[محمد بلال اعظم]

یہ دستور ے زباں بندی ہے کیسا تیری محفل میں ؟
یہاں توبات کرنےکو ترستی ہے زبان میری !!
(اگر یہ شعر غلط ہے تو بتایے پلیز)

یادداشت کے سہارے لکھ رہا ہوں۔

علامہ اقبالؒ کا شعر ہے۔ بانگِ درا میں شامل ہے۔

یہ دستورِ زباں بندی ہے کیسا تیری محفل میں ؟
یہاں توبات کرنےکو ترستی ہے زباں میری !!

 

[شمشاد]

یقیناً پسِ مرگ بھی زندگی ہے
مگر یہ نہیں اور ہی زندگی ہے
(حزیں صدیقی)