حمیرا عدنان
محفلین
لو کر لو گل خان صاحب کیتی نا پٹھاناں والی گل
تریا چتر
- صاحب لڑی حمیرا عدنان
- تاریخ ابتداء
ایچ اے خان
معطل
میں نے وہی بات کی ہے جو محترم آسی صاحب نے کی ہے
افسوس یہ ہے کہ وہ ذاتیات پر اتر گئے اور کہیں کا تعصب کہیں اتار لیا
محمد یعقوب آسی
محفلین
میں شرمندہ ہوں، دوستانہ فضا میں کی گئی ایک شگفتہ سی بات کو آپ کہاں سے کہاں لے گئے۔
میری عادت نہیں ہے ذاتیات پر اتر آنا۔ اور آپ کی دی ہوئی مثال بالکل غلط ہے۔ نبی ہر بات میں ہر کام میں اللہ کے علم سے وہ بات کرتا ہے جو اللہ نے اس کو بتا دی۔ اس کے بعد آپ کی کسی بات کا جواب نہیں دوں گا۔
محمد یعقوب آسی
محفلین
میں تو آپ کو ذاتی طور پر جانتا تک نہیں، تعصب کاہے کا۔
ایچ اے خان
معطل
پس ثابت ہوا کہ ہر رائے تجربہ نہیں ہوتی
یہ مثال غلط نہیں ہے۔ رائے مشاہدے پر مبنی ہوسکتی ہے ضروری نہیں ذاتی تجربے پر۔
ابن سعید
خادم
چاچو جانی، ہماری معلومات کے مطابق "چلتر" در اصل ہندی کے لفظ "چرتر" کی بگڑی ہوئی شکل ہے۔ اگر ایسا ہے تو چرتر کا مطلب کردار ہوتا ہے۔
محمد یعقوب آسی
محفلین
یوں بھی ہو سکتا ہے۔ تاہم میں نے اپنے بزرگوں سے چلتر مکر و فریب کے معانی میں سنا ہے۔ وہ اس کو چَلِتَّر (چَ لِت تَر) بولتے تھے۔ واللہ اعلم۔چاچو جانی، ہماری معلومات کے مطابق "چلتر" در اصل ہندی کے لفظ "چرتر" کی بگڑی ہوئی شکل ہے۔ اگر ایسا ہے تو چرتر کا مطلب کردار ہوتا ہے۔
ایک زبان میں ہزاروں لاکھوں الفاظ کے لہجے الجھا بھی دیتے ہیں۔ خوش رہئے۔
ابن سعید
خادم
ہاں اسے چَلِتَّر ہی کہا جاتا ہے۔ البتہ چَرِتر کا ت ساکن ہے، جو در اصل ہندی میں نصف حرف کی صورت لکھا جاتا ہے۔
محمد عامر شہزاد
محفلین
ویسے یہ چَلِتّرباز عمومی طور پر عورتوں کے لیے ہی کیوں بولا جاتا ہے۔ جب اِس کا معنی مکار، چالاک، مکروفریب ہی ہے۔ تو پھر یہ جنسِ واحد کے لیے ہی مخصوص کیوں ہو کر رہ گیا ہے۔ "بڑی چَلِتَّرباز عورت ہے"۔۔۔۔۔۔۔۔۔۔۔۔ چَلِتَّرباز مرد بھی تو ہوتے ہیں۔ پھر اُنہیں اِس لقب سے کیوں نہیں نوازا جاتا ؟
ایچ اے خان
معطل
دونوں ہی کے لیے بولتے ہیں
حمیرا عدنان
محفلین
مرد کے لیے زیادہ تر لفظ چاتر استعمال ہوتا ہے
چاتر..... معنی کے اعتبار سے... قابل، ہنرمند، عقلمند
چاتر تو بیری بھلا، مورکھ بھلا نہ میت..... یہ مثال عام طور پر دی جاتی ہے ہندی زبان میں اگر ہم اردو زبان میں اس مثال کو دیکھیں تو.. عقلمند دشمن نادان دوست سے بہتر ہے
محمد یعقوب آسی
محفلین
زبان کے رویے بڑے عجیب بھی ہوتے ہیں۔
لفظ بیوہ کو لے لیجئے۔ فارسی قواعد کے مطابق یہ مرد یا عورت کسی کے بولا جا سکتا ہے۔ جہاں تخصیص مقصود ہو وہاں بیوہ مرد اور بیوہ زن جیسے خیاط مرد (درزی) اور خیاط زن (درزن)۔ ہمارے ہاں بیوہ عورت کے لئے مختص ہو گیا۔
شہزادِہ (جی! دال کے نیچے زیر) یہ اصل فارسی ہے۔ اور بادشاہ کے بیٹے یا بیٹی دونوں کے لئے مستعمل ہے۔ ہم نے دال پر زبر لگا دی: شہزادَہ (مرد) اور اس کے مقابل شہزادی (عورت) لے آئے۔ اس کے مماثل تو ہزاروں اسم مل جائیں گے۔ بندِہ (بندَہ، بندی)؛ دیگچِہ (دیگچَہ، دیگچی)؛ بچِہ (بچَہ، بچی)؛ وغیرہ۔
فن کار، گلو کار، ادا کار، سیہ کار، دسیسہ کار، پیش کار، وغیرہ وغیرہ، وغیرہ؛ مذکر مؤنث دونوں کے لئے ہیں۔ یار لوگوں نے فن کار، گلو کار، ادا کار (خاتون) کے لئے عربی طریقہ کے مطابق ہ کا اضافہ کر دیا، باقی کو رہنے دیا۔ اس کو کیا کہئے کہ ہائے تانیث یا تائے تانیث کی فارسی والوں کو ضرورت ہی نہیں تھی اور نہ یہ فارسی قواعد میں آتا ہے۔ میں اگر کسی سے کہوں کہ یار اداکارہ غلط ہے تو وہ میری دماغی صحت پر شک بھی کر سکتا ہے۔
آخری تدوین:
محمد یعقوب آسی
محفلین
راضی اور ناراض؟ یہ کیا ہوا صاحب! یا تو راض اور ناراض کہیں یا پھر راضی اور ناراضی! مگر ایسا نہیں ہے (یہاں بھی ہم "نا" نافیہ فارسی کو عربی الفاظ پر نافذ کرنے کی "ناجائز" لچک دے رہے ہیں)۔ ہم نے ناراضی کو ناراض ہونا کے معانی دے دئے۔ کہ جناب ناراضگی قواعد پر پورا نہیں اترتا، بھائی ناراض بھی تو پورا نہیں اترتا۔ ایسے ہی! قاعدے کے مطابق تو درست ترکیب "غیر مانوس" ہے مگر "نامانوس" نے اسے چلتا کر دیا۔
حسن تو کرشمہ سازیاں کرے گا، کب تک دست بدست لڑئیے گا!
حسن تو کرشمہ سازیاں کرے گا، کب تک دست بدست لڑئیے گا!
محمد یعقوب آسی
محفلین
ایک بہت دل چسپ بات لفظ "وغَیرَہ" کے بارے میں۔
عربی کے قواعد کے مطابق چلیں تو اس کی بیالیس (42) صورتیں بنتی ہیں۔ ان سب کو اپنے اپنے موقع محل کے مطابق لانا ہو تو ہمیں صَرفی قواعد کا پورا علم چاہئے۔ جو ظاہر ہے اردو کے لئے چنداں ضروری نہیں ہیں۔ سو، ہم نے ایک صورت "وغیرَہٗ" کو لے لیا اور اس پر بھی ہ کو جزم دے دی۔ بس ٹھیک ہے!
شذرہ: اہلِ علم احباب کی اجازت سے یہ 42 صورتیں (برائے ریکارڈ) نقل کر رہا ہوں۔
حالتِ نصبی:
وغَیرَہٗ، وغَیرَھُما، وغَیرَھُم، وغَیرَھا، وغَیرَھُما، وغَیرَھُنَّ، وغَیرَکَ، وغَیرَکُما، وغَیرَکُم، وغَیرَکِ، وغَیرَکُما، وغَیرَکُنَّ، وغَیرِی، وغَیرَنا۔
حالتِ رفعی:
وغَیرُہٗ، وغَیرُھُما، وغَیرُھُم، وغَیرُھا، وغَیرُھُما، وغَیرُھُنَّ، وغَیرُکَ، وغَیرُکُما، وغَیرُکُم، وغَیرُکِ، وغَیرُکُما، وغَیرُکُنَّ، وغَیرِی، وغَیرُنا۔
حالتِ جری:
وغَیرِہٖ، وغَیرِھِما، وغَیرِھِم، وغَیرِھا، وغَیرِھِما، وغَیرِھِنَّ، وغَیرِکَ، وغَیرِکُما، وغَیرِکُم، وغَیرِکِ، وغَیرِکُما، وغَیرِکُنَّ، وغَیرِی، وغَیرِنا۔
عربی کے قواعد کے مطابق چلیں تو اس کی بیالیس (42) صورتیں بنتی ہیں۔ ان سب کو اپنے اپنے موقع محل کے مطابق لانا ہو تو ہمیں صَرفی قواعد کا پورا علم چاہئے۔ جو ظاہر ہے اردو کے لئے چنداں ضروری نہیں ہیں۔ سو، ہم نے ایک صورت "وغیرَہٗ" کو لے لیا اور اس پر بھی ہ کو جزم دے دی۔ بس ٹھیک ہے!
شذرہ: اہلِ علم احباب کی اجازت سے یہ 42 صورتیں (برائے ریکارڈ) نقل کر رہا ہوں۔
حالتِ نصبی:
وغَیرَہٗ، وغَیرَھُما، وغَیرَھُم، وغَیرَھا، وغَیرَھُما، وغَیرَھُنَّ، وغَیرَکَ، وغَیرَکُما، وغَیرَکُم، وغَیرَکِ، وغَیرَکُما، وغَیرَکُنَّ، وغَیرِی، وغَیرَنا۔
حالتِ رفعی:
وغَیرُہٗ، وغَیرُھُما، وغَیرُھُم، وغَیرُھا، وغَیرُھُما، وغَیرُھُنَّ، وغَیرُکَ، وغَیرُکُما، وغَیرُکُم، وغَیرُکِ، وغَیرُکُما، وغَیرُکُنَّ، وغَیرِی، وغَیرُنا۔
حالتِ جری:
وغَیرِہٖ، وغَیرِھِما، وغَیرِھِم، وغَیرِھا، وغَیرِھِما، وغَیرِھِنَّ، وغَیرِکَ، وغَیرِکُما، وغَیرِکُم، وغَیرِکِ، وغَیرِکُما، وغَیرِکُنَّ، وغَیرِی، وغَیرِنا۔
محمد یعقوب آسی
محفلین
شہتیر ۔۔۔
انسانی چہرے پر آنکھ کے گڑھے کا اوپر والا حصہ جہاں بھویں ہوتی ہیں۔
اپنے ہی چہرے کا یہ حصہ آپ آئینے کی مدد سے دیکھ سکتے ہیں۔ ویسے وہ آنکھ کی پتلی سے فوکس میں نہیں آتا۔ کسی کا ماس لٹک جائے تو اور بات ہے۔
انسانی چہرے پر آنکھ کے گڑھے کا اوپر والا حصہ جہاں بھویں ہوتی ہیں۔
اپنے ہی چہرے کا یہ حصہ آپ آئینے کی مدد سے دیکھ سکتے ہیں۔ ویسے وہ آنکھ کی پتلی سے فوکس میں نہیں آتا۔ کسی کا ماس لٹک جائے تو اور بات ہے۔
حمیرا عدنان
محفلین
استاد محترم میری معلومات کے مطابق تو شہتیر اُس لکڑی کو بولا جاتا ہے جو عموماً گھر کی تعمیر کے دوران چھت کے یاں ستونوں کے سہارے کے لیے استعمال ہوتی ہے. باقی آپ کچھ وضاحت کریں اس لفظ کے بارے میں
اور یہ تو بڑا مشہور محاورہ ہے اپنی آنکھ کاتنکا نظر نہیں آتا لیکن لوگوں کی آنکھ کے شہتیر نظر آ جاتے ہیں
مطلب
اپنے عیب تو کوئی نہیں دیکھتا اور دوسروں کی بات پر اعتراض کرتے ہیں
اور یہ تو بڑا مشہور محاورہ ہے اپنی آنکھ کاتنکا نظر نہیں آتا لیکن لوگوں کی آنکھ کے شہتیر نظر آ جاتے ہیں
مطلب
اپنے عیب تو کوئی نہیں دیکھتا اور دوسروں کی بات پر اعتراض کرتے ہیں
محمد یعقوب آسی
محفلین
جی میں نے اسی کہاوت کا پس منظر بیان کیا ہے۔
لفظ "شہتیر" کے اور بھی معانی ہو سکتے ہیں۔ ساخت کے اعتبار سے "بڑا تیر" یا "بہت بڑا تیر"۔ لکڑی یا دھات وغیرہ کی بنی ہوئی کوئی سی شے جو سیدھی اور بڑی ہو۔ بہت سارے معانی مرادی بھی ہوتے ہیں۔ کوئی اپنے محبوب کے چہرے کے تل کا تو نہیں کہتا کہ "ان تلوں میں تیل نہیں"۔ "آب" پانی ہوتا ہے؛ چاقو چھری وغیرہ کی دھار کو بھی آب کہتے ہیں اور مراد پانی کی دھار نہیں ہوتا، بلکہ یہ ہوتا ہے کہ یہ اوزار کتنا تیز ہے۔ تیز تو بچے بھی ہیں آج کل کے! جنہیں کسی کل چین نہیں پڑتا۔ ہمہ وقت اچھلتے ہیں! اب اس پر کوئی دل کیا اچھلے گا بھلا! کر بھلا ہو بھلا۔
آخری تدوین:
نکتہ ور
محفلین
اور شوہر کو دس گنا ہلکا دل کا دورہ پڑا۔جی خاتون آپ کی تیسری خواہش؟
مجھے ایک ہلکا سا دل کا دورہ یعنی ہارٹ اٹیک ہو جائے......
باقی آپ خود اندازہ لگا سکتے ہیں
حمیرا عدنان
محفلین
ہر چیز میں دس گناہ زیادہ تو دل کا دورہ بھی دس گناہ زیادہ ہوا نااور شوہر کو دس گنا ہلکا دل کا دورہ پڑا۔
محمد یعقوب آسی
محفلین
اس میں اگر شوہر سے مراد "عدنان" نہیں ہے تو جو جی میں آئے کہتی رہئے۔
