تصویر کشی (Imagery) سے مزین اشعار شامل کیجے

[شکیب]

دل تو اپنا اداس ہے ناصر
شہر کیوں سائیں سائیں کرتا ہے

 

[شکیب]

شمعِ مزار ہے نہ کوئی سوگوار ہے
تم جس پہ رو رہے ہو وہ کس کا مزار ہے

 

[عدنان عمر]

کچھ یادگارِ شہرِ ستم گر ہی لے چلیں
آئے ہیں اس گلی میں تو پتھر ہی لے چلیں

اس شہرِ بے چراغ میں جائے گی تو کہاں
آ اے شبِ فراق تجھے گھر ہی لے چلیں

ناصر کاظمی

 

[عدنان عمر]

طائرِ جاں کے گزرنے سے بڑا سانحہ ہے
شوقِ پرواز کا ٹوٹے ہوئے پر میں رہنا

پروین شاکر

 

[فرقان احمد]

قاصد ترے بیان سے دل ایسا ٹھہر گیا
گویا کہ کسی نے رکھ دیا سینے پہ آ کے ہاتھ

کوچہ سے تیرے اٹھیں تو پھر جائیں ہم کہاں
بیٹھے ہیں یاں تو دونوں جہاں سے اٹھا کے ہاتھ

دینا وہ اس کا ساغر مے یاد ہے نظام
منہ پھیر کر ادھر کو ،ادھر کو بڑھا کے ہاتھ

نظام رام پوری

 

[محمداحمد]

دراصل جب کوئی شعر یاد آ جائے تو انٹرنیٹ کی مدد سے اسے درست حالت میں حاصل کرنے کی کوشش کرتا ہوں اور جب شعر وہاں سے نقل کرتا ہوں

ویسے یہ معاملہ ہمارے ساتھ بھی رہا ہے بلکہ اب بھی ہے۔ سہولتیں مل جائیں تو اچھا بھلا آدمی ناکارہ ہو جاتا ہے۔ اس سلسلے میں ہم نے اپنا دُکھڑا یہاں رویا تھا۔ دیکھیے گا فرصت سے۔

 

[محمداحمد]

وقتِ سحر یہ کون چمن میں آ گیا
شرم سے شبنم پانی پانی ہو گئی
​

 

[فرقان احمد]

ویسے یہ معاملہ ہمارے ساتھ بھی رہا ہے بلکہ اب بھی ہے۔ سہولتیں مل جائیں تو اچھا بھلا آدمی ناکارہ ہو جاتا ہے۔ اس سلسلے میں ہم نے اپنا دُکھڑا یہاں رویا تھا۔ دیکھیے گا فرصت سے۔

جی جناب! آپ سے مکالمے کے دوران بہت کچھ سیکھا ہے۔ آپ کی روداد پڑھ کر واقعی بہت اچھا لگا۔ سلامت رہیں۔

 

[محمد تابش صدیقی]

خورشیدِ منور نجمِ فلک دونوں سے سبق یہ ملتا ہے
جو شام کو آیا صبح نہیں جو صبح کو آیا شام نہیں

نظر لکھنوی

 

[محمداحمد]

اک تھکا ماندہ مسافر، وہی صحرا، وہی دھوپ
پھر وہی آبلہ پائی، وہی رستہ، وہی دھوپ

پھر کتابوں کی جگہ بھوک، مشقت، محنت
پھر وہی ٹاٹ بچھونا، وہی بچہ، وہی دھوپ

پھر کوئی شیریں طلب، سر میں جنوں کا سودا
وہی سنگلاخ چٹانیں، وہی تیشہ، وہی دھوپ

عبید الرحمٰن عبیدؔ

 

[محمداحمد]

ایک دوشیزہ تھکن نام تھا جس کا شاید
کہتی ہی رہ گئی مجھ سے کہ سفر مت کیجے

عبید الرحمٰن عبید

 

[محمد تابش صدیقی]

جیتے جی کب دنیا پوچھے مرتے ہی اس درجہ پیار
ہاتھوں ہاتھ اٹھائے دنیا لائے اشکوں کی سوغات

نظرؔ لکھنوی

 

[اوشو]

شہر کی بے چراغ گلیوں میں
زندگی تجھ کو ڈھونڈتی ہے ابھی

 

[محمداحمد]

شہر کی بے چراغ گلیوں میں
زندگی تجھ کو ڈھونڈتی ہے ابھی

کیا خوبصورت غزل ہے یہ!

اور کیا اچھی گائی ہے غلام علی صاحب نے۔

 

[الشفاء]

ٹوٹی ہوئی منڈیر پہ چھوٹا سا اک دیا
موسم سے کہہ رہا ہے آندھی چلا کے دیکھ۔

 

[نیرنگ خیال]

اک نظر مڑ کر دیکھنے والے
کیا یہ خیرات پھر نہیں ہوگی

 

[نیرنگ خیال]

تو اگر سن نہیں پایا تو مجھے غور سے دیکھ
بات ایسی ہے کہ دہرائی نہیں جائے گی

 

[نیرنگ خیال]

مجھے بھی شوق نہ تھا داستا ں سنانے کا
فراز اس نے بھی پوچھتا تھا حال ویسے ہی

فراز

 

[محمد تابش صدیقی]

کچھ اور ابر چاند کے ماتھے پہ جھک گئے
کچھ اور تیرگی کا مقدر چمک گیا

محسن نقوی

 

[انیس خان]

تیری تصویر میں ایک چیز تجھ سے بھی نرالی ہیں
کہ جتنےمرضی بوسےلوں نہ جھڑکی ہےنہ گالی ہیں