تو پھر چلیں میرے گاؤں

[امجد میانداد]

یہاں بھی رات بارش ہوئی ہے لگتا ہے،
لیکن بابو بڑے آرام سے، نیچے 60 فٹ سے بھی زیادہ گہرائی ہے اور سیدھے جانا ناک کی سیدھ میں۔

 

[امجد میانداد]

میرا فیورٹ نظارہ،
وہ جو چوٹی پہ درخت نظر آ رہا ہے نا!!!
میں وہاں چڑ کر گھنٹوں بیٹھا رہتا تھا

میرے تایا ابو کا گھر

ایک دور کا منظر جہاں سے ہو کر آئے تھے

 

[امجد میانداد]

ہم گاؤں والے سب آپس میں رشتہ دار ہیں، سب گجر ہیں کوئی ایک سنگل بندہ بھی باہر کا نہیں

تایا ابو کے گھر کا ایک اور منظر، دیکھنے کو بالکل سامنے ہے بات بھی کر سکتے ہیں یہاں سے ان کے ساتھ لیکن اگر جانا ہو تو دور ہو جاتا ہے کیوں کہ پہلے تو آپ کو 60، 70 فٹ گہری چشمے کی کہائی میں اتر کر پھر اوپر چڑھ کر وہاں جانا ہے تو مزہ آ جاتا ہے

 

[امجد میانداد]

وہ دیکھیں اوپر محمود چچا کا گھر، ابو کے کزن ہیں

وہ رہی سامنے کنڈل کی جامع مسجد

 

[امجد میانداد]

کوئی جگہ ڈھونڈیں بغیر سبزے کے؟؟؟

گھر قریب آ رہا ہے

یہ کس چیز کا بُوٹا ہے بھئی؟؟؟

ابو کے سیکنڈ کزنز کے گھر

 

[امجد میانداد]

اور یہ رہا میرا گھر، میرا پیارا گھر
جہاں میں نے آنکھ کھولی نا میں رہا سوائے ایک دو ماہ کے۔
اداس اداس سا، پرانی روایتوں کا امین: اس میں سامنے دیکھیں دیوار کے اندر ہی چنے گئ پتھروں کی بڑی سلیٹیں جنہیں بطورِ بینچ کے بنایا گیا ہی تاکہ راستے میں آنے جانے والے مسافر یہاں آرام کر سکیں دو گھڑی بیٹھ سکیں، ساتھ گھر والوں سے پانی منگوا کر پی سکیں، کیوں کہ ہمارا گھر راستے میں ہی بنا ہے۔ اس کے علاوہ مسجد کا ہمسایہ ہونے کی وجہ سے نماز کے بعد اکثر لوگ راستے کے دونوں طرف لگے پتھروں کے بینچوں پہ آ کر بیٹھ جاتے تھے اور یہ دو پتھر دیکھ رہے ہیں گول گول سے؟؟؟ یہ زور آزمائی کے لیے رکھے گئے ہیں، انہیں اٹھا کر لوگ اپنی طاقت کا مظاہرہ کرتے ہیں، دونوں پتھر مختلف سائز کے ہیں۔

 

[امجد میانداد]

چلیں جی ذرا آگے جاتے ہیں

نیچے اتریں گے

راستوں کی سائڈوں پہ کٹی پہاڑیوں سے جو دیواریں بن گئی ہیں انہیں دیکھیں اور ان کی خوبصورتی دیکھیں

 

[امجد میانداد]

لیں جی پھوپھو کے گھر کے باہر سے تربیلا جھیل کا نظارہ بھی کر لیں

دور سامنے نیچے، الٹے ہاتھ پہ جو آخر گھر سفیدی والاہے وہ ہمارے نانا کا گھر ہے جناب

یہاں جھیل جانے کا اتفاق نہیں ہو سکا آج تک

 

[امجد میانداد]

ہماری ایریا یعنی جائداد کا ایک حصہ آپ بھی دیکھ لیں، ہمارے بغیر کیسا ہے

 

[امجد میانداد]

اور اب نیچے اتر کر واپس جانا ہے، اور نیچے اترنے کا یا اوپر چڑھنے کا رستہ تو مجھے بہت پسند ہے اور آپ لوگوں کو؟؟؟

کانٹوں سے کپڑے خود بچانے ہوتے ہیں ڈی

 

[امجد میانداد]

 

[امجد میانداد]

دوسری پھوپھو کے گھر سے میرے پسندیدہ مقام کا نظارہ

 

[شمشاد]

خوبصورت تصاویر ہیں امجد بھائی۔

 

[امجد میانداد]

چلیں جی ذرا وضو کر لیتے ہیں تازہ اور ٹھنڈے پانی سے، یہ چشمہ عین میرے گھر کے آگے نیچے بہتا ہے

یہ اتنا ٹھنڈا کیسے ہو گیا حالانکہ اتنی گہرائی بھی نہیں

میرے مبارک پاؤں ڈی

 

[امجد میانداد]

چلیں جی واپس اوپر چڑھیں اور پھر اسلام آباد پُھر کر کے

یہ لڑکیاں چڑھ گئیں نا ان راستوں سے تو گئیں ہِیلز ان کی اور ساتھ ٹخنے شخنے بھی

 

[امجد میانداد]

گاؤں کی مسجد کی کچھ اور تصاویر، مسجد کے آگے کھائی دیکھیں جس میں چشمہ بہہ رہا ہے اور مسجد کے ساتھ ہی بالکل میرا گھر ہے جڑواں۔

کوئی اس تصویر میں مٹکے لے کر جاتی خاتون دکھا دے ذرا ڈھونڈ کر

نیرنگ خیال کیا خیال ہے وہاں اوپر گھر ہونا چاہیے تھا نا؟؟ بھلکڑ کو آنے میں آسانی رہتی

اور یہ واپسی کا سفر شروع

ذرا یہاں سے موڑ مڑتے ہوئے ایک فٹ آگے جائیے گا

 

[امجد میانداد]

گاؤں سے نکل کر پیچھے مڑ کر دیکھا تو کئی گھروں کے تندوروں سے دھواں اٹھتا دکھائی دیا، (آپ کو نظر آ رہا ہے)، مطلب کھانے کا وقت قریب ہوا چاہتا ہے، کتنا اچھا لگتا ہے جب ہر گھر سے ایک ہی وقت میں دھواں اٹھتا ہے۔

 

[امجد میانداد]

نانی کے گاؤں کی یہ گول پہاڑی بھی مجھے بہت پسند ہے، ایک بار پہلی بار میں نے دیکھا کہ بادل اس پہاڑی کی آدھی اونچائی سے گزر رہے ہیں، میں بارش میں ہی بھاگم بھاگ پہنچا اور چوٹی سے نیچے بادلوں کو دیکھا بہت دلفریب منظر تھا، میں بادلوں سے گزرا تو شدید نمی سے مجھے زکام یا نزلہ ہو گیا تھا۔

اور سامنے پہاڑی کے اوپر گورنمنٹ بوائز ہائی اسکول بانڈی میاں پیرداد (میرا ننھیال)

بس جی تمت بالخیر، بہت شکریہ برداشت کرنے کا

 

[ملائکہ]

واؤ کتناااااااااااااااااااااااااااااااا پیارا گاؤں ہے اسے کہتے ہیں گاؤں ۔۔۔۔ میرا تو کوئی گاؤں ہی نہیں بہت پیارا گاؤں ہے اور سبزہ تو بہت ہے ماشااللہء

 

[نیرنگ خیال]

ہاہاہاہاہا۔۔۔ مٹکے والی عورت میں نے ڈھونڈ لی ہے۔۔۔
اور بھلکڑ غائب کہاں ہے۔۔۔ کئی دن سے غائب ہے۔۔۔۔۔
اور بہت عمدہ تصاویر اور سیر۔۔۔ شکریہ امجد بھائی۔۔ آپ کا گاؤں بہت خوبصورت ہے۔۔۔ لگتا ہے کسی دن آپ کا مہمان بننا پڑے گا