تھپڑ تھا کس نے مارا، دکھائی نہیں دیا

[امجد علی راجا]

تھپڑ تھا کس نے مارا، دکھائی نہیں دیا​

پر اس کے بعد کچھ بھی سنائی نہیں دیا​

​

اندھا کیا یوں حسرتِ دیدارِ یار نے​

بھائی بھی ساتھ اس کا دکھائی نہیں دیا​

​

بجلی گئی تو وصل کا موقع ملا ہمیں​

بتی جلی تو کچھ بھی سجھائی نہیں دیا​

​

کس کو خبر تھی کتا بھی ہوتا ہے اس کے گھر​

پھر اس کے بعد رستہ دکھائی نہیں دیا​

​

شادی جو اس نے کی بھی تو میرے پڑوس میں​

اس با وفا نے دردِ جدائی نہیں دیا​

​

بیگم زباں دراز ہے لیکن یہ کم ہے کیا؟​

اب تک پڑوسیوں کو سنائی نہیں دیا​

​

ناراض اک پٹھان ہوا ڈاکٹر سے یوں​

"ٹیکہ لگا دی ام کو، دوائی نہیں دیا"​

استادِ محترم محمد یعقوب آسی کا شکر گزار ہوں جنہوں نے اس غزل کی اصلاح کر کے قابلِ اشاعت بنایا۔

افلاطون الشفاء الف عین الف نظامی امر شہزاد باباجی ذوالقرنین سید اِجلاؔل حسین سید زبیر شمشاد شوکت پرویز شہزاد احمد شیزان عمراعظم عینی شاہ مقدس مہ جبین نیرنگ خیال نیلم کاشف عمران یوسف-2

محسن وقار علی​

​

@امجدمیاںداد@محمد اسامہ سَرسَری @محمد بلال اعظم @محمد حفیظ الرحمٰن @محمدوارث @محمد یعقوب آسی @محمداحمد​

 

[محمد یعقوب آسی]

آداب عرض ہے۔
ہم کیا صاحب اور ہماری کی ہوئی اصلاح کیا! جوہر تو امجد علی راجا کا اپنا ہے۔

 

[شوکت پرویز]

اندھا کیا یوں حسرتِ دیدارِ یار نے

بھائی بھی ساتھ اس کا دکھائی نہیں دیا ​

​

واہ امجد بھائی واہ! دل خوش کر دِتّا میرا۔۔۔

تھپڑ تھا کس نے مارا، دکھائی نہیں دیا

پر اس کے بعد کچھ بھی سنائی نہیں دیا ​

​

اسے ذرا دیکھئے کہ شاید دوسرے مصرعہ میں "پر" کی بجائے "اور" کیسا رہے گا۔ لفظ "پر" سے لگتا ہے کہ پچھلے جملے (مصرعہ) میں کچھ مثبت بات ہوئی ہے جب کہ ایسا نہیں ہے۔ ہو سکتا ہے یہ میرے دماغ کا خلل ہو، آپ اسے بلا تامّل نظر انداز کر سکتے ہیں۔۔۔​

​

بیگم زباں دراز ہے لیکن یہ کم ہے کیا؟

اب تک پڑوسیوں کو سنائی نہیں دیا

یہ میں ٹھیک طرح سے سمجھ نہیں سکا؟ کیا اس کا مطلب یہ ہے کہ بیگم زباں دراز "تو" ہے لیکن "اتنا دھیما" بولتی ہیں کہ پڑوسیوں کو سنائی نہیں دیا؟؟
ممنون ہوں آپ کا۔۔۔ شکریہ!

 

[الف عین]

بہت خوب
میرا خیال ہے کہ یوں بہتر ہو گا÷
تھپڑ تھا کس نے مارا، دکھائی نہیں دیا
پھر اس کے بعد کچھ بھی سنائی نہیں دیا

 

[یوسف-2]

تھپڑ تھا کس نے مارا، دکھائی نہیں دیا​

پر اس کے بعد کچھ بھی سنائی نہیں دیا​

​

کیوں بھائی؟ سوئے ہوئے تھے کہیں؟ یا کھوئے ہوئے تھے کہیں؟​

اندھا کیا یوں حسرتِ دیدارِ یار نے​

بھائی بھی ساتھ اس کا دکھائی نہیں دیا​

حسینوں کے سیاہ فام بھائی راتوں کو نظر نہیں آیا کرتے بھائی، قصور آپ کا نہیں ہے ​

​

بجلی گئی تو وصل کا موقع ملا ہمیں​

بتی جلی تو کچھ بھی سجھائی نہیں دیا​

کچھ بھی بولے تو ؟ کیا وہ بھی ؟ ​

​

کس کو خبر تھی کتا بھی ہوتا ہے اس کے گھر​

پھر اس کے بعد رستہ دکھائی نہیں دیا​

پھول کے ساتھ کانٹا اور ”اُن“ کے گھر کتا تو ہوتا ہی ہے ​

​

شادی جو اس نے کی بھی تو میرے پڑوس میں​

اس با وفا نے دردِ جدائی نہیں دیا​

دردِ جدائی نہ سہی،جگ ہنسائی تو خوب دیا نا ​

​

بیگم زباں دراز ہے لیکن یہ کم ہے کیا؟​

اب تک پڑوسیوں کو سنائی نہیں دیا​

پڑوسی بہرے ہوں گے نا ​

​

ناراض اک پٹھان ہوا ڈاکٹر سے یوں​

"ٹیکہ لگا دی ام کو، دوائی نہیں دیا"​

اور اگر دوائی دیتا تو پھر نسوار نہ دینے کا شکوہ ہوتا ​

ہور چوپو گنڈیریاں راجا جی! کیا سمجھے

 

[عینی شاہ]

بہت آئی سمجھ ہمیں کچھ نہیں بھی آئی
کیا کہا پھر سے کہنا کچھ سنائی نہیں دیا
ہی ہی

 

[امجد علی راجا]

آداب عرض ہے۔
ہم کیا صاحب اور ہماری کی ہوئی اصلاح کیا! جوہر تو امجد علی راجا کا اپنا ہے۔

ہیرا بہت قیمتی ہی سہی لیکن زیور میں نہیں جڑتا، جب تک کہ اسے کوئی ماہر کاریگر تراش کرنگینہ نہ بنا دے۔

 

[امجد علی راجا]

​

واہ امجد بھائی واہ! دل خوش کر دِتّا میرا۔۔۔

​

اسے ذرا دیکھئے کہ شاید دوسرے مصرعہ میں "پر" کی بجائے "اور" کیسا رہے گا۔ لفظ "پر" سے لگتا ہے کہ پچھلے جملے (مصرعہ) میں کچھ مثبت بات ہوئی ہے جب کہ ایسا نہیں ہے۔ ہو سکتا ہے یہ میرے دماغ کا خلل ہو، آپ اسے بلا تامّل نظر انداز کر سکتے ہیں۔۔۔ ​

​

یہ میں ٹھیک طرح سے سمجھ نہیں سکا؟ کیا اس کا مطلب یہ ہے کہ بیگم زباں دراز "تو" ہے لیکن "اتنا دھیما" بولتی ہیں کہ پڑوسیوں کو سنائی نہیں دیا؟؟
ممنون ہوں آپ کا۔۔۔ شکریہ!

شکریہ شوکت بھیا!
پر کی بجائے اور بھی درست ہے، بلکہ زیادہ بہتر ہے۔ لیکن استادِ محترم الف عین نے دوسرے مصرعے کی اصلاح فرما دی ہے، اس لئے اب کوئی گنجائش نہیں (آرام سے بیٹھو)
دل خوش ہوا کہ آپ کی طرف سے کوئی اعتراض بھی اٹھایا گیا ویسے اس شعر پر دوبارہ غور کرتا ہوں، تب تک آپ یہ سوچ کر دل کو تسلی دیں کے راجا بھائی اس وقت ٹیلیویژن اونچا کر دیتے ہوں گے

 

[سید شہزاد ناصر]

واہ لطف آ گیا
تھوڑا انتطار کریں
تفصیلی تبصرہ کرتا ہوں

 

[امجد علی راجا]

ہور چوپو گنڈیریاں راجا جی! کیا سمجھے

یوسف بھیا! پھر آگئے میری غزل کا بیڑہ غرق کرنے۔۔۔۔ بھاگو یہاں سے، ہنس ہنس کے میرا برا حال ہو گیا ہے

 

[سید شہزاد ناصر]

سانوں ٹیگ نئیں کیتا

 

[امجد علی راجا]

بہت آئی سمجھ ہمیں کچھ نہیں بھی آئی
کیا کہا پھر سے کہنا کچھ سنائی نہیں دیا
ہی ہی

تھپڑ ہے کس نے کان پہ عینی کے دھر دیا؟
کچھ بھی مری بہن کو سنائی نہیں دیا

 

[امجد علی راجا]

واہ لطف آ گیا
تھوڑا انتطار کریں
تفصیلی تبصرہ کرتا ہوں

شکریہ شہزاد بھیا!
تفصیلی تبصرہ؟ اللہ خیر ہی کرے، کہیں یوسف بھیا کا اثر تو نہیں ہو گیا؟

 

[امجد علی راجا]

سانوں ٹیگ نئیں کیتا

تواڈے تفصیلی تبصرے تو بچنڑ واسطے ٹیگ نئیں سی کیتا۔

 

[عینی شاہ]

تھپڑ ہے کس نے کان پہ عینی کے دھر دیا؟
کچھ بھی مری بہن کو سنائی نہیں دیا

رکھا نہیں کسی نے تھپڑ یہ کان پر
شک ہے کوئی آپکو عینی کے مان پر
پڑھتی ہوں ایسی جب کبھی شاعری
جوں رینگتی نہیں ہے برابر یہ کان پر

 

[محمد اسامہ سَرسَری]

تھپڑ تھا کس نے مارا، دکھائی نہیں دیا​

پھر اس کے بعد کچھ بھی سنائی نہیں دیا​

​

​

اندھا کیا یوں حسرتِ دیدارِ یار نے​

بھائی بھی ساتھ اس کا دکھائی نہیں دیا​

​

​

بجلی گئی تو وصل کا موقع ملا ہمیں​

بتی جلی تو کچھ بھی سجھائی نہیں دیا​

​

​

کس کو خبر تھی کتا بھی ہوتا ہے اس کے گھر​

پھر اس کے بعد رستہ دکھائی نہیں دیا​

​

​

شادی جو اس نے کی بھی تو میرے پڑوس میں​

اس با وفا نے دردِ جدائی نہیں دیا​

​

​

 

[محمد بلال اعظم]

ہاہاہا
زبردست
ایک دو شعر تو اپنی ہی کہانی لگتے ہیں

 

[محسن وقار علی]

خوب ہنسایا آپ نے راجا بھائی یونہی مسکراہٹیں بکھیرتے رہیں

 

[محسن وقار علی]

یہاں یوسف ثانی انکل کے تبصروں اور اسامہ بھائی کے"تصویری تبصروں" کی داد نہ دینا زیادتی ہوگی
بہت لطف آیا آپ کے تبصرے پڑھ اور "دیکھ" کر۔سدا خوش رہیں

 

[محسن وقار علی]

رکھا نہیں کسی نے تھپڑ یہ کان پر
شک ہے کوئی آپکو عینی کے مان پر
پڑھتی ہوں ایسی جب کبھی شاعری
جوں رینگتی نہیں ہے برابر یہ کان پر

کیسے رینگیں جوئیں
ان کے لیے تمہارے لمبے بالوں کو عبور کرکے کان تک آنا مشکل ہے نا

اب پھر پڑنا ہے مجھے کراس