جدا

[پاکستانی]

میں یہ سوچ کر اس کے در سے اٹھا تھا
کہ روک لےگی، منا لے گی مجھ کو
قدم ایسے انداز میں اٹھ رہے تھے
کہ آواز دے کر بلا لے گی مجھ کو
ہواؤں میں لہراتا آتا تھا دامن
کہ دامن پکڑ کر بٹھا لے گی مجھ کو

مگر اس نے روکا، نہ ہی منایا
نہ آواز دی، نہ واپس بلایا
نہ دامن ہی پکڑا، پکڑ کر بٹھایا
میں آہستہ اہستہ بڑھتا ہی آیا

یہاں تک کہ اس سے جدا ہو گیا میں


ساحر لدھیانوی​

 

[عبدالجبار]

اب کے تو عجب ہی ہم اُس سے جُدا ہوئے
رسمی مکالمے بھی نہ ہم سے ادا ہوئے​

 

[پاکستانی]

محبت میں اُف کیا سے کیا ہو گئے ہم
خود اپنے سے جیسے جدا ہو گئے ہم

 

[پاکستانی]

کبھی دیکھی ہے پھولوںسے جدا ہوتے ھوئے خوشبو
محبت جس کے دل میں ہو وہ ہرجائی نھیں ہوتا۔

 

[پاکستانی]

جس دن سے جدا وہ ہم سے ہوئے
اس دل نے دھڑکنا چھوڑ دیا
ہے چاند کا منہ اترا اترا
تاروں نے چمکنا چھوڑ دیا

وہ پاس ہمارے رہتے تھے
بے رت بھی بہار آ جاتی تھی
اب پھول کھلیں زخموں کے کیا
آنکھوں نے برسنا چھوڑ دیا

ہم نے یہ دعا جب بھی مانگی
تقدیر بدل دے اے مالک
آواز یہ آئی کے اب ہم نے
تقدیر بدلنا چھوڑ دیا

 

[شمشاد]

کس کس کو بتائیں جدائی کا سبب ہم
تو مجھ سے خفا ہے تو زمانے کےلیے آ
(احمد فراز)

 

[عمر سیف]

جدائی کا فیصلہ پھر بھی ہمارا ہوتا
یہ مان بھی لیں اگر کوئی درمیاں میں تھا

 

[شمشاد]

ہے جنوں اہلِ جنوں کے لیے آغوشِ وداع
چاک ہوتا ہے گریباں سے جدا میرے بعد
(غالب)

 

[پاکستانی]

ہم ساتھ ہو لئے تو کہا اُس نے غیر سے
آتا ہے کون اس سے کہو یہ جدا چلے

 

[شمشاد]

جدائی ہو کہ ملن ہر ادا ہماری ہے
تمہارا شہر ہے لیکن فضا ہماری ہے
(منظر بھوپالی)

 

[عمر سیف]

روز ملتا تھا میں تم سے روز ہوتا تھا جُدا
اس طرح کے حادثوں نے زخم گہرا کر دیا

 

[شمشاد]

پاؤں میں جب وہ حنا باندھتے ہیں
میرے ہاتھوں کو جدا باندھتے ہیں
(غالب)

 

[عمر سیف]

دو گھڑی اس سے رہو دور تو یہ لگتا ہے
جس طرح سایہِ دیوار سے دیوار جدا

 

[شمشاد]

جدا رہ کر بھی جی لینا بہت بیکار لگتا تھا
بہم رہنا تو ہم کو اور بھی دشوار لگتا تھا
(فاخرہ بتول)

 

[عمر سیف]

ہر گھڑی میری حضوری کی تمنا تھی تجھے
ہر نفس میری جدائی کا تھا دھڑکا تجھ کو

 

[شمشاد]

دعوت
محبت راستہ ہے وہ
کہ جس کی پہلی منز ل ہی جدائی ہے
چلو اس راستے پر چل نکلتے ہیں
(فاخرہ بتول)​

 

[سارہ خان]

بچھڑنے اور جدائی میں ذرا سا فرق ہوتا ہے

جدا ہو کر کسی سے پھر کبھی کوئی نہیں ملتا

بچھڑ جائیں تو ملنے کا کوئی امکان رہتا ہے

جدا ہو کر کسی کی یاد دل میں رہ نہیں سکتی

بچھڑ جائیں تو دل میں اک دیا جلتا ہی رہتا ہے

جدا ہو کرکسی کا پیار دل میں رہ نہیں سکتا

بچھڑ جائیں تو دل میں بس اُسی کا پیار رہتا ہے

تو پھر اے ہم سخن میرے! تو میرا فیصلہ سُن لے

مجھے تم سے بچھڑنا ہے‘ جدا تم سے نہیں ہونا ہے

 

[عمر سیف]

سارہ خوب۔

ابھی ابھی تو جدائی کی شام آئی تھی
ہمیں عجیب لگا زندگی کا ڈھل جانا

 

[شمشاد]

بچھڑنے اور جدائی میں ذرا سا فرق ہوتا ہے

جدا ہو کر کسی سے پھر کبھی کوئی نہیں ملتا

بچھڑ جائیں تو ملنے کا کوئی امکان رہتا ہے

جدا ہو کر کسی کی یاد دل میں رہ نہیں سکتی

بچھڑ جائیں تو دل میں اک دیا جلتا ہی رہتا ہے

جدا ہو کرکسی کا پیار دل میں رہ نہیں سکتا

بچھڑ جائیں تو دل میں بس اُسی کا پیار رہتا ہے

تو پھر اے ہم سخن میرے! تو میرا فیصلہ سُن لے

مجھے تم سے بچھڑنا ہے‘ جدا تم سے نہیں ہونا ہے

سارہ اگر صاحب کلام کا نام مل جائے تو کیا ہی بات ہے۔

 

[شمشاد]

میں بارشوں میں جُدا ہوگئی ہوں اُس سے مگر
یہ میرادل، مِری سانسیں امانتیں اُس کی
(نوشی گیلانی)