جشن تیرہ شبی منانا ہے ۔ فاتح الدین فاتح

[سید فصیح احمد]

۔

 

[ظہیراحمدظہیر]

یہ ان پرانی غزلوں میں سے ہے جو محفل پر ارسال ہونے سے رہ گئی ہیں ورنہ قلم کی روشنائی اگر نہیں بھی سوکھی تو اس دور سے ضرور گزر رہا ہوں جسے شعرا قلمی بانجھ پن کہتے ہیں اور یہ دور کتنا طویل یا مختصر ہو گا کسی کو نہیں معلوم۔

بالکل ٹھیک کہا فاتح بھائی ۔ یہ ’’ رائٹرز بلاک‘‘ ہر لکھنے والے پر ضرورآتا ہے ، بلکہ گاہے بگاہے آتا رہتا ہے ۔ ہزار کوشش کے باوجود ایک سطر یا مصرع نہیں لکھا جاتا ۔
میرا خیال ہے کہ اس کا کچھ تعلق عدم تحریک سے بھی ہے ۔ انشاءاللہ یہ بانجھ پن زیادہ عرصہ نہیں رہے گا ۔

 

[اوشو]

زخم بھی، آہ بھی، شکایت بھی
حشر کیا کیا مجھے دبانا ہے

خوب کہا فاتح
زخم دبانے کی ترکیب کچھ نئی لگی لیکن شعر بہت پسند آیا

 

[فاتح]

بلا شبہ قلمی سفر میں اکثر دوست اس خلا کا شکار ہو جاتے ہیں، اور بہت مشکل دور ہوتا ہے یہ۔

بجا کہتے ہیں۔

بالکل ٹھیک کہا فاتح بھائی ۔ یہ ’’ رائٹرز بلاک‘‘ ہر لکھنے والے پر ضرورآتا ہے ، بلکہ گاہے بگاہے آتا رہتا ہے ۔ ہزار کوشش کے باوجود ایک سطر یا مصرع نہیں لکھا جاتا ۔
میرا خیال ہے کہ اس کا کچھ تعلق عدم تحریک سے بھی ہے ۔ انشاءاللہ یہ بانجھ پن زیادہ عرصہ نہیں رہے گا ۔

درست کہا۔ امید تو ہے کہ ختم ہو جائے گا۔

 

[فاتح]

خوب کہا فاتح
زخم دبانے کی ترکیب کچھ نئی لگی لیکن شعر بہت پسند آیا

شکریہ جناب۔
دبانا کئی معانی میں مستعمل ہے۔

 

[محمد امین]

ایک غزل آپ احباب کی بصارتوں کی نذر

جشن تیرہ شبی منانا ہے
خون کو خاک میں ملانا ہے

کھا گیا جاں کو آس کا آسیب
وحشتوں کا دیا بجھانا ہے

اپنی نظروں سے گر گیا ہوں میں
اور کتنا مجھے گرانا ہے

میں نے تقویم ڈال دی پسِ پشت
تیرے آگے ابھی زمانہ ہے

زخم بھی، آہ بھی، شکایت بھی
حشر کیا کیا مجھے دبانا ہے

یاوہ گوئی ہے ہجر کا قصہ
ہاں کہانی سہی، کہا نا ہے

قیس کو بالکا سمجھتا ہے
چار حرف اس پہ بھی، دوانہ ہے

زندگی نے ہمیں گزار لیا
خاک ہم نے اسے بِتانا ہے

چاہیے اختیار موجوں پر
پار سوہنی کو بس لگانا ہے

ہم بھی قارون سے کہاں کم ہیں
فاقہ مستی بڑا خزانہ ہے

کھو گئی آرزوئے خواہش تک
کیا بچا ہے کہ اب گنوانا ہے

(فاتح الدین فاتحؔ)​

حضور غالباََ آپ کی زبانی یہی غزل سنی تھی، حجاز کی معیت میں۔ خوبصورت ہے۔ سبحان اللہ۔ deja vu کے لیے شکریہ۔۔۔

 

[فاتح]

حضور غالباََ آپ کی زبانی یہی غزل سنی تھی، حجاز کی معیت میں۔ خوبصورت ہے۔ سبحان اللہ۔ deja vu کے لیے شکریہ۔۔۔

شکریہ۔ جی بالکل وہی ہے۔
اور ڈیجاوو تو تب ہوتا اگر در حقیقت ہماری ملاقات کے دوران یہ غزل سنی نہ ہوتی اور صرف شائبہ محسوس ہوتا کہ ایسا واقعہ آپ کے سامنے ہو چکا ہے ۔

 

[bilal260]

ماشاء اللہ بہت بڑی بڑی باتیں آپ نے چھوٹے چھوٹے اشعار میں بند کر دی بہت خوب جنابِ والا۔

 

[فاتح]

ماشاء اللہ بہت بڑی بڑی باتیں آپ نے چھوٹے چھوٹے اشعار میں بند کر دی بہت خوب جنابِ والا۔

بہت شکریہ۔ محبت ہے آپ کی۔

 

[محمد امین صدیق]

بھی

" بھائی "

 

[عمر سیف]

" بھائی "

بھی ہی لکھا تھا ۔۔

 

[محمد امین صدیق]

بھی ہی لکھا تھا ۔۔

اس صورت میں مابدولت برادرم عمر سیف سے معذرت کے خواستگار ہیں ۔

 

[حمیرا عدنان]

واہ فاتح بھائی بہت عمدہ لاجواب غزل ہے

 

[حسن ترمذی]

واہ واہ بہت ہی خوب سر

ہم بھی قارون سے کہاں کم ہیں
فاقہ مستی بڑا خزانہ ہے

 

[فاتح]

واہ فاتح بھائی بہت عمدہ لاجواب غزل ہے

بہت شکریہ حمیرا بہن۔

 

[فاتح]

واہ واہ بہت ہی خوب سر

بہت شکریہ

 

[عمر سیف]

اس صورت میں مابدولت برادرم عمر سیف سے معذرت کے خواستگار ہیں ۔

آپ دولت مجھے دیں اور پھر معذرت کریں ۔۔

 

[نایاب]

زندگی نے ہمیں گزار لیا
خاک ہم نے اسے بِتانا ہے

چاہیے اختیار موجوں پر
پار سوہنی کو بس لگانا ہے

ظالم نے تاک کر وہ مارا تیر کہ ہائے ہائے ۔۔۔۔۔۔۔۔۔۔۔۔۔۔
بہت تیکھی بہت خوبصورت غزل ۔۔۔۔۔
بہت دعائیں

 

[مدیحہ گیلانی]

اپنی نظروں سے گر گیا ہوں میں
اور کتنا مجھے گرانا ہے
کیا بات ہے ..خوبصورت غزل ہے .
اپنی شعر گوئی کی تحریک میں پڑنے والے وقفوں میں ذرا کمی لایئے دورانیہ ذرا مختصر رکھا کیجئے .

 

[محمداحمد]

میں نے تقویم ڈال دی پسِ پشت
تیرے آگے ابھی زمانہ ہے

زندگی نے ہمیں گزار لیا
خاک ہم نے اسے بِتانا ہے

ہم بھی قارون سے کہاں کم ہیں
فاقہ مستی بڑا خزانہ ہے

کھو گئی آرزوئے خواہش تک
کیا بچا ہے کہ اب گنوانا ہے

سبحان اللہ! فاتح بھائی!

بہت خوب غزل ہے۔ ماشاءاللہ۔

بہت سی داد قبول کیجے۔