جو دل میں شعر آئے وہ لکھ دیجیے -- نیا سلسلہ

[مغزل]

خوشبو کا نام پوچھ رہے ہو صبا سے کہا
مجھ سے غزل سنو ، تمھیں اس دلربا سے کیا

لیاقت علی عاصم

 

[غ۔ن۔غ]

وہ رگ جاں میں اتر آیا لہو کی صورت
دامن دل یہ بتا تجھ کو بچاؤں کیسے

 

[مغزل]

متاعِ عمرمیں بس دو ہی خواب باقی ہیں
کسی کی یاد میں رہنا کسی کو یاد آنا
م۔م۔مغل (تازہ شعر)

 

[غ۔ن۔غ]

بہت عجیب ہے یہ قربتوں کی دُوری بھی
وہ میرے ساتھ رہا اور مجھے کبھی نہ ملا

 

[مغزل]

روتے ہو اک جزیرہِ جاں کو فراز تم
دیکھو تو کتنے شہر سمندر کے ہوگئے
احمد فراز

 

[غ۔ن۔غ]

وہ روز آتے ہیں، ملتے ہیں،حال پوچھتے ہیں
یہ اور بات کہ دل کو قرار یوں بھی نہیں

 

[فاروق درویش]

جائے گا کہاں بھاگ کے اس قید ِقفس سے
صحرا کے مسافر ترا خیمہ بھی زنداں

 

[فاروق درویش]

آتش ہے جو ہر عشق زدہ قلب و جگر میں
روشن اسی شعلے سے ہے درویش کا عرفاں

 

[مغزل]

تو سپنے جوڑ سکتی ہے رضی کو مت بتا دینا
وہ آنکھیں موند کر پورے یقیں سے ٹوٹ جائیگا
رضی الدین رضی

 

[غ۔ن۔غ]

نہ دیکھو مجھ کو لوگوں کے رویوں کے تناظر میں
میں اپنی سوچ اور اپنی الگ پہچان رکھتا ہوں

 

[مغزل]

کُچھ حاشیے دوات و قلم اور تمھاری یاد
کرتے ہیں اہتمامِ غزل سادگی سے ہم
م۔م۔مغل
(ایک غزل سے شعر)

 

[غ۔ن۔غ]

میںتیرگی میں محبت کی اک کہانی ہوں
کوئ چراغ سا عنواں میری تلاش میں ہے

 

[فاروق درویش]

لیلیٰ ترے صحراوں میں محشر ہیں ابھی تک
اور بخت میں ہر قیس کے پتھر ہیں ابھی تک

 

[فاروق درویش]

نیزوں پہ حسین آج بھی کرتے ہیں تلاوت
اور دست ِ یزیدی میں بھی خنجر ہیں ابھی تک

 

[فاروق درویش]

گل رنگ ہوئی دار کہ یاران ِسحر خیز
درویش سے منصور و قلندر ہیں ابھی تک

 

[محمود احمد غزنوی]

کہتے ہیں لوگ تجھ کو مسیحا مگر یہاں۔۔۔​

اک شخص مر گیا ہے تجھے دیکھنے کے بعد​

 

[مغزل]

یمِ فرات رواں ہے میانِ دیدہ و دل
نہ دامنوں کو خبر ہے نہ آستینوں کو
نصیر ترابی

 

[فاروق درویش]

جامِ قلندر کے نشے میں ناچتی ہیں پتلیاں ، دم دم دما دم مست
جوں بلبلوں کے گیت پر رقصاں چمن میں تتلیاں، دم دم دما دم مست

 

[غ۔ن۔غ]

تو مطمئن نہیں تو مجھے کب ہے اعتراض
مٹی کو پھر سے گوندھ میری، پھر بنا مجھے

 

[مغزل]

میری دنیا کے غزالوں کا لہو پیتا ہے
وقت آفات کے جنگل کا جوں چیتا ہے
(شاعر کا نام ذہن سے محو ہے)