خاصانِ خدا کے اشعار

[محمد تابش صدیقی]

يخَاطِبني السَّفيهُ بِكُلِّ قُبْحٍ
فأكرهُ أن أكونَ له مجيبا
بے وقوف مجھے اپنی تمام تر قبیحات کے ساتھ پکارتا ہے
اور میں ناپسند کرتا ہوں کہ اسے جواب دوں
يزيدُ سفاهة ً فأزيدُ حلماً
كعودٍ زادهُ الإحراقُ طيبا
وہ اپنی بے وقوفی میں بڑھتا جاتا ہے اور میں اپنے حلم میں
اس عود کی مانند جو جلنے سے مزید خوشبو دار ہو جاتی ہے۔

امام شافعیؒ

 

[سیما علی]

اک میں ہی نہیں اس پر قربان زمانہ ہے
جو ربِِ دوعالم کا محبوب یگانہ ہے

کل جس نے ہمیں پُل سے خود پار لگانا ہے
زہرہ کا وہ بابا ہے ، سبطین کا نانا ہے

اس ہاشمی دولہا پر کونین کو میں واروں
جو حُسن و شمائل میں یکتائے زمانہ ہے

عزت سے نہ مر جائیں کیوں نامِ محمد ﷺ پر
یوں بھی کسی دن ہم نے دنیا سے تو جانا ہے

آؤ در ِ زہرہ پر پھیلائے ہوئے دامن
ہے نسل کریموں کی لجپال گھرانہ ہے

ہوں شاہِ مدینہ کی میں پشت پناہی میں
کیا اس کی مجھے پروا دشمن جو زمانہ ہے

یہ کہہ کے درِ حق سے لی موت میں کچھ مہلت
میلاد کی آمد ہے محفل کو سجانا ہے

قربان اس آقا پر کل حشر کے دن جس نے
اس امت ِ عاصی کو کملی میں چھپانا ہے

سو بار اگر توبہ ٹوٹی بھی تو حیرت کیا
بخشش کی روایت میں توبہ تو بہانہ ہے

ہر وقت وہ ہیں میری دنیائے تصور میں
اے شوق کہیں اب تو آنا ہے نہ جانا ہے

پرُنور سی راہیں ہیں گنبد پہ نگاہیں ہیں
جلوے بھی انوکھے ہیں منظر بھی سہانا ہے

ہم کیوں نہ کہیں ان سے روداد ِ الم اپنی
جب ان کا کہا خود بھی اللہ نے مانا ہے

محرومِ کرم اِس کو رکھیے نہ سرِ محشر
جیسا ہے نصیر آخر سائل تو پُرانا ہے

پیر نصیر الدین نصیر

 

[یاسر شاہ]

یہ اشعار مفتی شفیع عثمانی نے اپنے شیخ مولانا اشرف علی تھانوی اور ان کی خانقاہ (تھانہ بھَوَن) کی یاد میں لکھے -

مشکِ خُتن میں تھی نہ گُلِ نسترن میں تھی
خوشبو جو تیری زلفِ شکن در شکن میں تھی
اس سے نکل کے پھر نہ ہوئی ایک دن نصیب
آسودگئ روح جو تھانہ بھَوَن میں تھی

 

[یاسر شاہ]

ظالم ابھی ہے فرصتِ توبہ نہ دیر کر
وہ بھی گرا نہیں جو گرا پھر سنبھل گیا

مفتی شفیع عثمانی

 

[یاسر شاہ]

چند اوراقِ کتب چند بزرگوں کے خطوط
بعد مرنے کے مرے گھر سے یہ ساماں نکلا
مفتی شفیع عثمانی

 

[محمد عبدالرؤوف]

اک میں ہی نہیں اس پر قربان زمانہ ہے
جو ربِِ دوعالم کا محبوب یگانہ ہے

کل جس نے ہمیں پُل سے خود پار لگانا ہے
زہرہ کا وہ بابا ہے ، سبطین کا نانا ہے

اس ہاشمی دولہا پر کونین کو میں واروں
جو حُسن و شمائل میں یکتائے زمانہ ہے

عزت سے نہ مر جائیں کیوں نامِ محمد ﷺ پر
یوں بھی کسی دن ہم نے دنیا سے تو جانا ہے

آؤ در ِ زہرہ پر پھیلائے ہوئے دامن
ہے نسل کریموں کی لجپال گھرانہ ہے

ہوں شاہِ مدینہ کی میں پشت پناہی میں
کیا اس کی مجھے پروا دشمن جو زمانہ ہے

یہ کہہ کے درِ حق سے لی موت میں کچھ مہلت
میلاد کی آمد ہے محفل کو سجانا ہے

قربان اس آقا پر کل حشر کے دن جس نے
اس امت ِ عاصی کو کملی میں چھپانا ہے

سو بار اگر توبہ ٹوٹی بھی تو حیرت کیا
بخشش کی روایت میں توبہ تو بہانہ ہے

ہر وقت وہ ہیں میری دنیائے تصور میں
اے شوق کہیں اب تو آنا ہے نہ جانا ہے

پرُنور سی راہیں ہیں گنبد پہ نگاہیں ہیں
جلوے بھی انوکھے ہیں منظر بھی سہانا ہے

ہم کیوں نہ کہیں ان سے روداد ِ الم اپنی
جب ان کا کہا خود بھی اللہ نے مانا ہے

محرومِ کرم اس کو رکھئے نہ سرِ محشر
آخر سائل تو پرانا ہے نصیر جیسا ہے

پیر نصیر الدین نصیر

بہت خوب
مقطع کا مصرعہِ ثانی کچھ آگے پیچھے ہو گیا

 

[محمد عبدالرؤوف]

قدم ہے راہِ الفت میں تو منزل کی ہوس کیسی
یہاں تو عین منزل ہے تھکن سے چور ہو جانا

نظر سے دور رہ کر بھی تقؔی وہ پاس ہیں میرے
کہ میری عاشقی کو عیب ہے مہجور ہو جانا

مفتی محمد تقی عثمانی

 

[سیما علی]

بہت خوب
مقطع کا مصرعہِ ثانی کچھ آگے پیچھے ہو گیا

بہت شکریہ بھیا درست کر دیا ہے

 

[یاسر شاہ]

الا! ڏاهِي مَ ٿيان، ڏاهيون ڏک ڏسن،
مون سين مون پريَنِ، ڀورائيءَ ۾ ڀال ڪيا!
(شاہ عبد اللطیف بھٹائی )

مفہوم :الله سیانی نہ بنوں ،سیانیاں تو دکھ دیکھتی ہیں -مجھ پہ تو پریتم کی مہر بانیاں میرے بھولپن کے سبب ہیں -

 

[زوجہ اظہر]

عشق کی اک جست نے کردیا قصہ تمام
اس زمین و آسماں کو بے کراں سمجھا تھا میں
اقبال

 

[محمد تابش صدیقی]

فتنہ سامانیوں کی خو نہ کرے
مختصر یہ کہ، آرزو نہ کرے

پہلے ہستی کی ہے تلاش ضرور!
پھر جو گم ہو، تو جستجو نہ کرے

ماورائے سخن بھی ہے کچھ بات
بات یہ ہے، کہ گفتگو نہ کرے
٭
اصغر گونڈوی

 

[یاسر شاہ]

عشق کی اک جست نے کردیا قصہ تمام

عشق کی اِک جَست نے طے کر دیا قصّہ تمام

 

[یاسر شاہ]

نہ جانے بلا لے پیا کس گھڑی
تو رہ جائے تکتی کھڑی کی کھڑی

شاہ فضل رحمٰن گنج مراد آبادی

 

[یاسر شاہ]

نہ جانے کس رخِ تزئین پر وہ غور کریں
یہ سوچ کر مری مہلت سنگھار میں گزری

خالد اقبال تائب

 

[زوجہ اظہر]

سرسری تم جہان سے گزرے
ورنہ ہر جا جہان دیگر تھا
میر
جگ میں آکر ادھر ادھر دیکھا
تو ہی آیا نظر جدھر دیکھا

 

[یاسر شاہ]

مستند رستے وہی مانے گئے
جن سے ہوکر تیرے دیوانے گئے

لوٹ آئے جتنے فرزانے گئے
تا بہ منزل صرف دیوانے گئے

آہ کو نسبت ہے کچھ عشّاق سے
آہ نکلی اور پہچانے گئے

نثار فتحی صاحب

 

[یاسر شاہ]

تر دامنی پہ شیخ ہماری نہ جائیو
دامن نچوڑ دیں تو فرشتے وضو کریں
درد

 

[یاسر شاہ]

روتی ہے خلق میری خرابی کو دیکھ کر
روتا ہوں میں کہ ہائے مری چشم تر نہیں

حاجی امداد الله مہاجر مکّی

 

[یاسر شاہ]

جنتیں مل گئی ہیں آہوں کی
ایسی تیسی مرے گناہوں کی
بابا نجم احسن

 

[یاسر شاہ]

ان حسینوں سے دل بچانے میں
ہم نے غم بھی بڑے اٹھائے ہیں

مولانا حکیم اختر رح