خدا

[محمد وارث]

یہاں پر برائے مہربانی وہ اشعار تحریر فرمائیں جن میں لفظ "خدا" آتا ہے۔

ابتدا، غالب کے ایک مشہور شعر سے


زندگی اپنی جب اس شکل سے گزری غالب
ہم بھی کیا یاد کریں گے کہ خدا رکھتے تھے

 

[محمد وارث]

سراپا آرزو ہونے نے بندہ کر دیا ہم کو
وگرنہ ہم خدا تھے گر دلِ بے مدعا ہوتے

(میر)

 

[فاتح]

نہ تھا کچھ تو خدا تھا، کچھ نہ ہوتا تو خدا ہوتا
ڈبویا مجھ کو ہونے نے، نہ ہوتا میں تو کیا ہوتا​

(غالب)

 

[محمد وارث]

جو مری ریاضتِ نیم شب کو سلیم صبح نہ مل سکی
تو پھر اس کے معنی تو یہ ہوئے کہ یہاں خدا کوئی اور ہے

(سلیم کوثر)

 

[شمشاد]

قفس اداس ہے یارو صبا سے کچھ تو کہو
کہیں تو بہرِ خدا آج ذکرِ یار چلے
(فیض)

 

[سارا]

خودی کو کر بلند اتنا کہ ہر تقدیر سے پہلے
خدا بندے سے خود پوچھے بتا تیری رضا کیا ہے۔۔

 

[شمشاد]

عشق ان کو ہے جو یار کو اپنے دمِ رفتن
کرتے نہیں غیرت سے خدا کے بھی حوالے
(میر)

 

[محمد وارث]

بندگی ہم نے چھوڑ دی فراز
کيا کريں جب لوگ خدا ہوجائيں

 

[شمشاد]

سراپا آرزو ہونے نے بندہ کر دیا ہم کو
وگرنہ ہم خدا تھے گر دلِ بے مدعا ہوتے
(میر)

 

[اجمل]

میری کشتی خدا کے آسرے پہ چھوڑ کے ہٹ جا
میری کشتی اگر اے ناخدا تکلیف دیتی ہے
------------------------------------------------------------------
تن بہ تقدیر ہے آج ان کے عمل کا انداز
تھی نہاں جن کے ارادوں میں خدا کی تقدیر
----------------------------------------------------------------
عجب نہیں کہ خدا تک تیری رسائی ہو
تری نگاہ سے پوشیدہ ہے آدمی کا مقام
تری نماز میں باقی جلال ہے نہ جمال
تری اذان میں نہیں ہے مری سحر کا پیغام

 

[شمشاد]

مژگاں بھی پھر گئیں تری بیمار چشم دیکھ
دکھ درد میں سوائے خدا یار کون ہے
(میر)

 

[زینب]

خدا ان کو نصیب کرے دائمی خوشیاں ادم

جو لوگ ہم کو اداس رکھتے ہیں

 

[شمشاد]

دل و دیں کیسے کہ اُس رہزنِ دل ہا سے اب
یہ پڑی ہے کہ خدا خیر کرے جانوں کی
(میر)

 

[زینب]

میں ایسے شخص کی معصومیت پے کیا لکھوں

اپنی خطاؤں میں بھی مجھے جو بھلا ہی لگے

خواب دینے پے جو قادر تھا میری نظروں میں

عذاب دیتے ہوے بھی مجھے خدا ہی لگے

 

[شمشاد]

ہاں خدا مغفرت کرے اُس کو
صبرِ مرحوم تھا عجب کوئی
(میر)

 

[محمد وارث]

تو خدا ہے نہ ميرا عشق فرشتوں جيسا
دونوں انساں ہيں تو کيوں اتنے حجابوں ميں مليں

(احمد فراز)

 

[شمشاد]

بے عیب ذات ہے گی خدا ہی کی اے بُتاں
تم لوگ خوبرو جو کیے بے وفا کیے
(میر)

 

[فاتح]

خدا ہم کو ایسی خدائی نہ دے
کہ اپنے سوا کچھ دکھائی نہ دے

خدا ایسے احساس کا نام ہے
رہے سامنے اور دکھائی نہ دے​

(بشیر بدر)

 

[شمشاد]

گر احترام رسمِ وفا ہے تو اے خدا
یہ احترامِ رسمِ کہن مجھ سے چھین لے
(ناصر کاظمی)

 

[زینب]

بندگی ہم نے چھوڑ دی ہے فراز

کیا کریں لوگ جب خدا ہو جائیں