خواب

[شمشاد]

کسی خواب میں ہے حقیقت کوئی
اس اک خواب کو دیکھ آئیں ذرا
(منیر نیازی)

 

[راجہ صاحب]

مجھے اشعار کی صورت کئی الہام ہونے ہیں
کبھی خوابوں میں آؤ تم محبت سانس لیتی ہے

 

[شمشاد]

ہم نغمہ سرا کچھ غزلوں کے ہم صُورت گر کچھ چہروں کے
بے جذبۂ شوق سنائیں کیا کوئی خواب نہ ہو تو بتائیں کیا
(اطہر نفیس)

 

[راجہ صاحب]

افلاک کا سایا ہے جو کُچھ بھی زمیں پر ہے
ہے خواب کہیں میرا تعبیر کہیں پر ہے

 

[شمشاد]

کہانیاں ہی سہی ، سب مبالغے ہی سہی
اگر وہ خواب ہے تعبیر کرکے دیکھتے ہیں
(احمد فراز)

 

[راجہ صاحب]

خیال یکتا میں خواب اتنے
سوال تنہا جواب اتنے
منیر آئے کہاں سے دل میں
نئے نئے اضطراب اتنے

منیر نیازی

 

[شمشاد]

کیسے جاتی میرے بدن سے بیتے لمحوں کی خوشبو
خوابوں کی اس بستی میں کچھ پھول میرے ہمسائے تھے
(قتیل شفائی)

 

[راجہ صاحب]

تھا خواب میں خیال کو تجھ سے معاملہ
جب آنکھ کھل گئی نہ زیاں تھا نہ سود تھا

غالب

 

[عروہ خان]

بہت عمدہ

 

[جاسمن]

دل میں اک باغ ہے پر باغ سے باہر وہ حسیں
سیر کرنے کو بہت دور نکل جا تا ہے
نیند اک دوسری دنیا میں جگاتی ہے مجھے
ہر الارَم پہ میرا خواب بدل جاتا ہے
فیضان ہاشمی

 

[جاسمن]

میں جب زمین سے زہرہ پہ جایا کرتا تھا
تو کائنات کی زنجیر کھینچی جاتی تھی
میں اس کو خواب میں کچھ ایسے دیکھا کرتا تھا
تمام رات وہ سوتے میں مسکراتی تھی
فیضان ہاشمی

 

[محمد تابش صدیقی]

عقل پریشاں، فکر پریشاں اور ہمارے خواب پریشاں
تیرے پریشاں بسکہ ہیں گیسو، ہم ہیں پریشاں تم سے زیادہ

نظرؔ لکھنوی

 

[محمد تابش صدیقی]

وہ خواب کے عالم میں گاہے جب مجھ کو دکھائی دیتے ہیں
تسکینِ دل و جاں ہو کہ نہ ہو تسکینِ نظرؔ ہو جاتی ہے

نظرؔ لکھنوی

 

[جاسمن]

ترا خیال مرے دل کے ساتھ کیا ڈوبا
پھر اُس کے بعد کسی سطح پر نہیں آیا
یہ ٹی سی ایس ہی کیا ہے کسی نے میرے لیئے
یہ پھول خواب سے بہہ کر ادھر نہیں آیا
فیضان ہاشمی

 

[زیرک]

آ کے اک روز بچا لے گا مسیحا کوئی
دیکھ بیٹھے تھے سبھی خواب سہانا کیسا
ابنِ منیب

 

[زیرک]

ایک اک کر کے مِرے خواب مارے جاتے ہیں
تمہارے بعد تو بس قتلِ عام جاری ہے
زین شکیل

 

[جاسمن]

نہ کوئی خواب نہ یادوں کا بیکراں سا ہجوم
اداس رات کے خیمے میں دل کشی کم ہے
پی پی سری واستو رند

 

[جاسمن]

خواب تعبیر کے اسیر نہ تھے
رہ گزر تھے یہ راہگیر نہ تھے
پیغام آفاقی

 

[جاسمن]

اپنے خواب مری آنکھ سے نہ دیکھا کر
برتنے کے لیے بہتر ہے اپنا برتن ہو
پارس مزاری

 

[جاسمن]

کیسے بناؤں ہاتھ پر تصویر خواب کی
مجھ کو ملی نہ آج تک تعبیر خواب کی

آنکھوں سے نیند روٹھ کے جانے کدھر گئی
کٹتی نہیں ہے رات بھر زنجیر خواب کی

جس شہر میں ہو خواب چرانے کی واردات
کیسے کروں وہاں پہ میں تشہیر خواب کی

خوابوں نے ہر قدم پہ مجھے حوصلہ دیا
دیکھی نہیں ہے تم نے کیا تاثیر خواب کی

کب تک رہے گی تیرگی تیرے خیال میں
روشن کرے گی اس کو بھی تنویر خواب کی

اس دن تو میرے خوابوں کو پہچان جاؤ گے
جس دن لکھے گا کوئی بھی تفسیر خواب کی

خوابوں کو ہی ارمؔ نے اثاثہ بنا لیا
رہنے دو میرے پاس یہ جاگیر خواب کی

ارم زہرا