خواب

[عیشل]

نہ پوچھو عہدِ الفت کی،بس اک خواب پریشاں تھا
نہ دل کو راہ پہ لائے،نہ دل کا مدّعا سمجھے

 

[شمشاد]

خواب میں بھی مرے خواب کل رات کو
ڈر رہے تھے تری سمت جاتے ہوئے
(ناہید ورک)

 

[عمر سیف]

کتنے خواب آنکھوں میں زخم بننے لگتے ہیں
جب ہوا کے ہونٹوں پہ تیرا نام آتا ہے

 

[شمشاد]

ہیں دھانی جذبوں کی تانے چادر
بسی ہیں مجھ میں جو خواب آنکھیں
(ناہید ورک)

 

[عمر سیف]

کیا میرے خواب بھی نہیں میرے
کیا میری نیند بھی اسی کی ہے ؟؟

 

[شمشاد]

مَیں ایک خواب کا منظر ہوں خواب تم جاناں!
ہوں ایک پھول کی پتی گلاب تم جاناں!
(فاخرہ بتول)

 

[عمر سیف]

تم حقیقت نہیں حسرت ہو
جو ملے خواب میں وہ دولت ہو

میں تمھارے دم سے ہی زندہ ہوں
مر ہی جاؤں جو تم سے فرصت ہو

داستاں ختم ہونے والی ہے
تم میری آخری محبت ہو !!​

 

[شمشاد]

تعبیرکچھ تو ہو کبھی میرے بھی خواب کی
بیٹھی ہوں منتظر میں تو کب سے جواب کی
(ناہید ورک)

 

[عمر سیف]

کچھ نہیں تو کم سے کم خوابِ سحر دیکھا تو ہے
جس طرھ دیکھا نہ تھا اب تک ادھر دیکھا تو ہے

 

[شمشاد]

تیرہ شبوں کے زہر میں لپٹے ہوئے سے خواب
جھولی میری میں ڈال کے منظر بدل گئے
(فاخرہ بتول)

 

[محمد وارث]

میں کس کا بخت تھا، مری تقدیر کون تھا
تو خواب تھا تو خواب کی تعبیر کون تھا

میزاں بدست کون لرزتا رہا فراز
منصف تھا کون، صاحبِ تقصیر کون تھا

 

[شمشاد]

وہ خوابِ شوق تھا اور یہ ہے خواب کی تعبیر
خوشا کہ محفلِ اردو کی کھل گئی تقدیر
(سرور)

 

[عمر سیف]

تم نے تو صرف خواب دیکھے ہیں
ہم نے ان کے عذاب دیکھے ہیں

 

[شمشاد]

دیکھ تو دردِ عشق سے میرے دل کو کیا آرام ہوا
رنجشِ دنیا وہم بنی اور خواب غمِ ایام ہوا
(سرور)

 

[عمر سیف]

ہم اگر خواب نہ دیکھیں تو
ہماری آنکھ میں نیندیں بہت

 

[شمشاد]

شبِ امید سے لے کر شبِ جدائی تک
خیال و خواب و تصور کا تانا بانا تھا
(سرور)

 

[عیشل]

کیسے جاتی میرے بدن سے بیتے لمحوں کی خوشبو
خوابوں کی اس بستی میں کچھ پھول میرے ہمسائے تھے

 

[شمشاد]

اُس کے حصارِ خواب کو مت کربِ ذات کر
اُس خوشبوئے خیال کو تُو کائنات کر
(ناہید ورک)

 

[عمر سیف]

جیسے نیلے امبر سے
سُرخ ستارے گرتے ہیں
جیسے کسی دریا کے
خشک کنارے گرتے ہیں
ایسے ہی کبھی آنکھوں سے
خواب ہمارے گرتے ہیں

 

[شمشاد]

دیکھ تو دردِ عشق سے میرے دل کو کیا آرام ہوا
رنجشِ دنیا وہم بنی اور خواب غمِ ایام ہوا
(سرور)