خواب

[عمر سیف]

آسمان کے چاند اور تارے
تیرے میرے خواب نہ ہوں
یہ جو فرشِ خاک پہ بکھرا ریزہ ریزہ آئینہ ہے
اِس میں جتنے عکس ہیں سارے
تیرے میرے خواب نہ ہوں

 

[شمشاد]

دیکھ تو دردِ عشق سے میرے دل کو کیا آرام ہوا
رنجشِ دنیا وہم بنی اور خواب غمِ ایام ہوا
(سرور)

 

[عمر سیف]

آنکھوں سے کہو اور کوئی خواب نہ دیکھیں
پلکوں پہ اتنا بوجھ اٹھایا نہیں کرتے

 

[شمشاد]

شبِ امید سے لے کر شبِ جدائی تک
خیال و خواب و تصور کا تانا بانا تھا
(سرور)

 

[عمر سیف]

یہ جو اک خواب سا پلکوں سے بندھا رکھا ہے
آنکھ جھپکو گے تو دامن میں بکھر جائے گا

 

[شمشاد]

شب کہ باندھا خواب میں آنے کا غافل نے جناح
وہ فس۔۔ونِ وع۔۔دہ می۔رے واس۔۔طے افس۔۔ان۔۔۔۔ہ تھا
(چچا)

 

[عمر سیف]

میں نے برسات میں جلتا ہوا گھر دیکھا ہے
ہے کوئی خواب کی تعبیر بتانے والا‌؟؟

 

[ہمسفر]

ہو ا لے اڑی ریت میرے خوابوں کی
ابھی تو میں گھر بنانے والی تھی

 

[شمشاد]

سرور جوانی اپنی کچھ ایسی گزر گئی
جھونکا ہوا کا جیسے چلے، وہ بھی خواب میں!
(سرور)

 

[عمر سیف]

خواب بکھرے تو ہم نے یہ جانا
لوگ روتے ہیں کس لیے اتنا

 

[شمشاد]

زندگی اک خواب ہے اور خواب بھی بھولاہوا
اور میں اس خواب کی بگڑی ہوئی تعبیر ہوں
(سرور)

 

[عیشل]

اندھے عدم وجودکے گرداب سے نکل
یہ زندگی بھی خواب ہے تو خواب سے نکل
تُو مٹی ،پانی،آگ،ہوامیں ہے قید کیوں
ہونے کا دے جواب،تب و تاب سے نکل

 

[فرخ منظور]

خواب ہی خواب کب تلک دیکھوں
کاش تجھ کو بھی اک جھلک دیکھوں

 

[فرخ منظور]

ہے غیبِ غیب جس کو سمجھتے ہیں ہم شہود
ہیں خواب میں ہنوز، جو جاگے ہیں خواب میں
(غالب)

 

[عمر سیف]

میں نے جس وقت تجھے پہلے پہل دیکھا تھا
تو جوانی کا کوئی خواب نظرآئی تھی

 

[شمشاد]

جو خیال و خواب میں اک حسیں، رگِ جاں کو چھوگیا آفریں
تو بتادے اے مرے ہم نشیں کہ میں ایسے خواب کو کیا کروں
(سرور)

 

[نوید صادق]

اک معمہ ہے سمجھنے کا نہ سمجھانے کا
زندگی کاہے کو ہے، خواب ہے دیوانے کا

شاعر: فانی

 

[شمشاد]

غنچہ تا شگفتن ہا برگِ عافیت معلوم
باوجودِ دل جمعی خوابِ گل پریشاں ہے
(چچا)

 

[ہما]

آؤ کچھ خواب بُنیں کل کے لیئے
ورنہ یہ رات آج کے سنگین دور کی
ڈس لے گی جان و دل کو کچھ ایسے کہ جان و دل
تا عمر پھر نہ کوئی حسیں‌خواب بُن سکیں

 

[شمشاد]

تو نے دیکھا! مجھ پہ کیسی بن گئی، اے رازدار!
خواب و بیداری پہ کب ہے آدمی کو اختیار
(چچا)