"خودی" اور "میں" کا فرق ۔۔۔

[مہ جبین]

مہ جبین آپی۔ ذرہ نوازی کے لئے نہائت ممنون ہوں۔۔۔
بہت بہت شکریہ آپ کی دعاؤں کا۔ ہمیشہ دعاؤں میں یاد رکھنے کی استدعا ہے۔۔۔
خوش رہیں۔۔

ان شاءاللہ
آمین

 

[الشفاء]

بہت خوب لکھا ہے الشفاء آپ نے
جزاک اللہ

بہت بہت شکریہ یوسف-2 بھائی۔۔۔
اللہ عزوجل آپ کو خوش رکھے۔۔۔

 

[الشفاء]

بہت خوب روشن تحریر پر بہت خوب گفتگو ۔۔۔ ۔۔۔ ۔۔
جس نے " میں " مار لی وہ خودی کو پا گیا ۔ اس کی صدا کائنات میں گونج گئی ۔۔
جس نے " میں " کو خود پر سوار کر لیا وہ " میں میں میں " کرتے سدا " ممیاتا " ہی رہا ۔۔۔ ۔۔

ذرہ نوازی کے لئے ممنون ہوں محترم نایاب بھائی۔۔۔
امید ہے کرم نوازی فرماتے رہیں گے۔۔۔
مولا خوش رکھے۔۔۔

 

[الشفاء]

بہت اچھے موضوع پہ لکھا ھے ،،،، اقبال کا تصور خودی بہت طویل موضؤع ھے ، خود شناسی کے مدارج کو بہت خوبصورتی سے بیان کیا ھے ، میرا خیال ھے ہر طالب علم کو اسے سمجھنا ضرور چاہیئے !!!

حوصلہ افزائی کے لئے ممنون ہوں ۔۔۔
اور دعاؤں کے لئے عرض گزار ہوں۔۔۔
خوش رہیں۔۔۔

 

[الشفاء]

عمدہ تحریر جناب۔

بہت شکریہ انیس بھائی۔۔۔
ویسے آج کل آپ ٹھیلے سمیت غائب رہتے ہیں۔ حالانکہ "مارکیٹ" میں دھڑا دھڑ "آم" آ رہے ہیں۔۔۔

 

[عائشہ عزیز]

جزاک اللہ!
آپ نے بہت اچھا سمجھایا بھیا

 

[سید زبیر]

​

الشفا ! ایک اہم موضوع پر نہایت خوبصورت ، مدلل تحریر ۔ بہت ہی عمدہ ​

اللہ کے زور قلم اور زیادہ ​

بلا شبہ میں ، گھمنڈ ، تکبر کا اظہار ہے ۔ فیض احمد یض ہمیشہ ہم کا لفظ استعمال کرتے تھے ان سے کسی نے وجہ پوچھی تو انہوں نے جواباً کہا کہ میں سے تکبر کی بو آتی ہے ۔ خودی میں کی نفی کرتی ہے ۔ خودی انسان کو غیر اللہ کے سامنے دست سوال کرنے ، سے منع کرتی ہے اور راہ حق پر ڈٹ جاتی ہے ۔جب کہ میں خودی سے محروم ہوتی ہے وہ خود بھی جبر کے سامنے سرنگوں ہوجاتی ہے اور اپنے سے کمتر کو سر نگوں کر کے راحت بھی محسوس کرتی ہے ۔ صاحب علم جو کائنات میں اپنی حیثیت اور خالق کائنات کی کبریائی سے واقف ہوتا ہے وہ خودی کا اسیر تو ہوتا ہے مگر میں یا گھمنڈ و تکبر سے کوسوں دور ہوتا ہے ۔

 

[الشفاء]

جزاک اللہ!
آپ نے بہت اچھا سمجھایا بھیا

ہم نے تو کچھ بھی نہیں سمجھایا چھوٹی بہنا۔ آپ نے تو سب کچھ خود سے ہی سمجھ لیا۔۔۔
خوش رہیں اور پھلتی "پھولتی" رہیں۔۔۔

 

[الشفاء]

​

الشفا ! ایک اہم موضوع پر نہایت خوبصورت ، مدلل تحریر ۔ بہت ہی عمدہ ​

اللہ کے زور قلم اور زیادہ ​

بلا شبہ میں ، گھمنڈ ، تکبر کا اظہار ہے ۔ فیض احمد یض ہمیشہ ہم کا لفظ استعمال کرتے تھے ان سے کسی نے وجہ پوچھی تو انہوں نے جواباً کہا کہ میں سے تکبر کی بو آتی ہے ۔ خودی میں کی نفی کرتی ہے ۔ خودی انسان کو غیر اللہ کے سامنے دست سوال کرنے ، سے منع کرتی ہے اور راہ حق پر ڈٹ جاتی ہے ۔جب کہ میں خودی سے محروم ہوتی ہے وہ خود بھی جبر کے سامنے سرنگوں ہوجاتی ہے اور اپنے سے کمتر کو سر نگوں کر کے راحت بھی محسوس کرتی ہے ۔ صاحب علم جو کائنات میں اپنی حیثیت اور خالق کائنات کی کبریائی سے واقف ہوتا ہے وہ خودی کا اسیر تو ہوتا ہے مگر میں یا گھمنڈ و تکبر سے کوسوں دور ہوتا ہے ۔

سبحان اللہ۔ بہت خوبصورت بات کہی سید صاحب آپ نے۔۔۔
کرم نوازی کے لئے نہائت ممنون ہوں۔۔۔
دعاؤں میں یاد رکھنے کی گزارش ہے۔۔۔

 

[عمر سیف]

جزاک اللہ

 

[نوشاب]

خودی کو کر بلند اتنا کہ ہر تقدیر سے پہلے
خدا بندے سے خود پوچھے بتا تیری رضا کیا ہے

اللہ تعالیٰ کی ذات تو بہت اعلیٰ مرتبت ہے اور اللہ تعالیٰ کی ذات کسی انسان کے فیصلوں کی محتاج نہیں ہے اس لیے یہ میرے خیال میں اس مصرعے
خدا بندے سے خود پوچھے بتا تیری رضا کیا ہے
کو نہیں کہنا چاہیے کیونکہ اللہ تعالیٰ کے فیصلے مکمل اور انسان کی سمجھ سے بالاتر ہوتے ہیں کیونکہ ہم تو اللہ تعالیٰ کی نہایت ناسمجھ مخلوق ہیں ہم چاہے کچھ بھی کر لیں اللہ تعالیٰ اپنے فیصلوں میں کسی کی شراکت کی صفت نہیں رکھتا کیونکہ وہ وحدہ لاشریک ہے ۔
اس لیے میرے ذاتی خیال میں اس شعر اور اس مصرعے پر بھرپور نظر ثانی ہونی چاہیے ۔اور اسے کہنا پڑھنا نہیں چاہیے ۔

 

[سید زبیر]

اللہ تعالیٰ کی ذات تو بہت اعلیٰ مرتبت ہے اور اللہ تعالیٰ کی ذات کسی انسان کے فیصلوں کی محتاج نہیں ہے اس لیے یہ میرے خیال میں اس مصرعے
خدا بندے سے خود پوچھے بتا تیری رضا کیا ہے
کو نہیں کہنا چاہیے کیونکہ اللہ تعالیٰ کے فیصلے مکمل اور انسان کی سمجھ سے بالاتر ہوتے ہیں کیونکہ ہم تو اللہ تعالیٰ کی نہایت ناسمجھ مخلوق ہیں ہم چاہے کچھ بھی کر لیں اللہ تعالیٰ اپنے فیصلوں میں کسی کی شراکت کی صفت نہیں رکھتا کیونکہ وہ وحدہ لاشریک ہے ۔
اس لیے میرے ذاتی خیال میں اس شعر اور اس مصرعے پر بھرپور نظر ثانی ہونی چاہیے ۔اور اسے کہنا پڑھنا نہیں چاہیے ۔

عزیزم نوشاب ! آپ کی بات اپنی جگہ بہت اہم ہے لیکن خودی کی ارفع ترین مثال حضرت ابراہیم علیہ السلام کا نار نمرود میں کود جانا تھا ۔ جب فرشتے حاضر ہوئے کہ آپ کیا چاہتے ہیں ہمارے لیے حکم ۔ تو خلیل اللہ کا کتنا خوبصورت جواب تھا کہ جو اللہ کی رضا ۔ یہ فرشتے اللہ ہی کے حکم سے آپ کی رضا پوچھ رہے تھے ۔ اسی طرح رحمت اللعالمین صلی اللہ علیہ وسلم پر جب طا ئف میں پتھر برسائے گئے تو
فرشتے نے آکر اس بستی پر عذاب نازل کرنے کی اجازت طلب کی تو میرے آقا جو دنیا میں رحمت اللعالمین بنا کر بھیجے گئے تھے فرمایا کہ یہ لوگ نہیں جانتے ۔ نعوذ باللہ ، کیا اللہ کو نار نمرود کو ٹھنڈا کرنے اور طائف پر عذاب نازل کرنے کے لیے کسی اجازت کی ضرورت تھی ، قطعانہیں ۔۔ مگر اللہ نے اپنے پیارے بندوں کی مثالیں قائم کرنی تھی ۔ خودی لا الٰہ الاللہ کے سوا کچھ نہیں

 

[سید عاطف علی]

ڈاکٹر صاحب نے خود ہی ایک ہی شعر میں اس کا فرق بیان کردیا ہے۔
خودی کی تندی و تیزی میں۔ کبر و ناز نہیں
جو ناز ہو بھی ۔۔تو ۔۔بے لذت ِ نیاز نہیں

 

[عبدالحسیب]

خودی اور "میں" کا فرق​

کچھ عرصہ پہلے کسی صاحب سے "میں" کو ختم کرنے کے متعلق بات ہو رہی تھی کہ سارے جھگڑے اسی "میں" کے پیدا کئے ہوئے ہیں کہ

ہم کو بھی میں نے مارا​

تم کو بھی میں نے مارا​

ہم سب کو میں نے مارا​

اس "میں" کو مار ڈالو۔​

لیکن اسی دوران ڈاکٹر محمد اقبال رحمۃ اللہ علیہ کے اس مصرعے نے توجہ اپنی طرف کھینچ لی کہ​

​

​

​

​

"خودی" کو کر بلند اتنا کہ ہر تقدیر سے پہلے۔۔۔ ​

نکتہ واقعی بڑا دلچسپ تھا کہ جب "میں" کو مار دیں گے تو پھر "خودی" کا کیا ہو گا۔۔۔ ​

دراصل کنفیوزن یہ ہے کہ ہم خودی کو میں سے گڈ مڈ کر دیتے ہیں۔۔۔ اس لئے پہلے ہم میں کا مطلب سمجھنے کی کوشش کرتے ہیں کہ ،میں کیا ہے۔ اور چونکہ اشیاء اپنی ضد سے پہچانی جاتی ہیں تو اسی میں کی پہچان سے خودی کی پہچان بھی ہو جائے گی۔۔۔ ان شاءاللہ عزوجل۔۔۔ ​

وہ "میں" جس کو مارنے کا کہا جاتا ہے اس کا دوسرا نام انا ہے۔ جس کو انگریزی میں ایگو کہتے ہیں۔ اور عربی میں بھی جب اپنی ذات کی طرف اشارہ کرنا مقصود ہو تو انا کا لفظ ہی استعمال ہوتا ہے۔ یعنی میں۔۔۔ بذات خود۔۔۔ ​

قرآن مجید میں سے اس کی کچھ مثالیں لیتے ہیں۔۔۔ ۔​

اللہ سبحانہ وتعالٰی نے قرآن مجید میں اپنے لئے زیادہ تر ہم کا صیغہ استعمال فرمایا ہے۔ کہ شہنشاہوں کے یہی انداز ہوتے ہیں۔۔۔ اور وہ جو سب شہنشاہوں کا شہنشاہ ہے، اور سب بادشاہوں کا بادشاہ ہے۔ جو جل جلالہ ہے اور لا شریک لہ کی شان والا ہے اور جس کی نہ کوئی مثل ہے نہ مثال۔ اور جو سب سے بے نیاز ہے اور زمین و آسمانوں میں سب اس کے محتاج ہیں۔ وہی زیادہ حقدار ہے کہ اس لفظ کو اپنی شان ربوبیت اور شان بے نیازی کے اظہار کے لئے استعمال فرمائے۔۔۔ ارشاد ہوتا ہے۔۔۔ ​

​

وما ارسلناک الا رحمت اللعالمین۔۔۔ اور ہم نے آپ علیہ الصلاہ والسلام کو تمام جہانوں کے لئے رحمت بنا کر بھیجا۔۔۔ ​

اور سورہ الحجر آٰیت ٢٣ میں ارشاد ہوتا ہے۔۔۔ ​

وانا لنحن نحی ونمیت ، ونحن الوارثون۔۔۔ اور ہم ہی زندہ کرتے ہیں اور ہم ہی مارتے ہیں، اور ہم ہی سب کے وارث و مالک ہیں۔۔۔ سبحان اللہ۔۔۔ ​

لیکن جب اس وحدہ لا شریک لہ نے اپنی شان جلالت و وحدانیت اور شان کبریائی کا اظہار فرمانا چاہا تو یوں ارشاد ہوا۔۔۔ ​

لا الٰہ الّا انا ، فاعبُدنی۔۔۔ نہیں ہے کوئی معبود سوائے میرے، تو بس میری ہی عبادت کرو۔۔۔ ​

ذرا غور فرمائیں کہ اس جملے سے کیسی جلالت ٹپک رہی ہے۔۔۔ لا الٰہ الّا انا ، فاعبُدنی۔۔۔ اللہ اکبر۔۔۔ ​

​

(سبحانک یا ربنا۔۔۔ لا الٰہ الا انت۔۔۔ نعبدک ونستغفرک۔۔۔ اے ہمارے رب! تو پاک ہے۔۔۔ تیرے سوا کوئی عبادت کے لائق نہیں۔۔۔ ہم تیری ہی عبادت کرتے ہیں اور تجھ سے اپنی کوتاہیوں کی معافی چاہتے ہیں۔۔۔ )۔​

اور جب فرعون نے اپنی باطل ربوبیت کا دعوٰی کیا تھا تو اس نے بھی یہی لفظ "میں" استعمال کیا۔ اور قرآن مجید نے اس کو یوں بیان کیا۔۔۔ ​

فقال انا ربکم الاعلٰی۔۔۔ اس فرعون نے کہا کہ میں ہی تمہارا بلند و بالا رب ہوں۔۔۔ ​

اور جب اللہ سبحانہ وتعالٰی نے ابلیس کو حکم دیا کہ حضرت آدم علیہ السلام کو سجدہ کرو تو اس نے انکار کرتے ہوئے یہی لفظ میں استعمال کیا اور جواب دیا۔۔۔ کہ​

انا خیر منہ۔۔۔ میں اس (آدم علیہ السلام ) سے بہتر ہوں۔۔۔ ​

اب ان جملوں میں جو "میں" ہے بس اسی کو مارنا مقصود ہے کہ جس کے اندر یہ میں ہوتی ہے وہ کہیں کا نہیں رہتا۔۔۔ لیکن اس کا یہ مطلب ہر گز نہیں کہ یہ لفظ استعمال کرنا ناجائز ہے۔۔۔ کہ الفاظ بذات خود اچھے یا برے نہیں ہوتے بلکہ ان کا استعمال انہیں اچھا یا برا بناتا ہے۔۔۔ ​

ہمارے خیال میں اوپر والے ریفرنسز سے یہ بات تو واضح ہو جاتی ہے کہ خودی، یہ اوپر والی میں نہیں ہو سکتی۔ بلکہ یہ دو الگ الگ چیزیں ہیں۔ ​

اب خودی کیا ہے۔۔۔ تو اس کے بارے میں مختصراً اتنا کہہ سکتے ہیں کہ خودی نام ہے خود شناسی کا۔ اپنے آپ کو پہچان لینے کا۔ کہ میں کیا ہوں۔۔۔ جی ہاں۔۔۔ یہاں بھی ایک "میں" ہے۔ لیکن یہ میں خود پرستی والی میں نہیں، بلکہ خود شناسی والی میں ہے۔ کہ جب بندہ جان لیتا ہے کہ میں تو کچھ بھی نہیں ہوں۔ تو یہی میں ، خودی بن جاتی ہے۔۔۔ بس یہی باریک سی لائن ہے ان دونوں کے درمیان۔۔۔ کہ جب ابلیس و فرعون کہتے ہیں کہ میں یہ ہوں اور میں وہ ہوں۔ تو یہ میں ہوتی ہے۔۔۔ اور جب بلھا کہتا ہے کہ ، بلھا کی جاناں میں کون۔۔۔ تو یہی میں خودی بن جاتی ہے۔۔۔ اور پھر یہ اتنی بلند ہو جاتی ہے کہ اپنے رب سے جا ملتی ہے۔۔۔ اسی لئے تو آقا علیہ الصلاۃ والسلام نے فرمایا کہ​

من عرف نفسہ ، فقد عرف ربہ۔۔۔ جس نے خود کو پہچان لیا، اس نے اپنے رب کو پہچان لیا۔۔۔ ​

کہ جب کوئی بندہ جان لیتا ہے کہ میں تو کچھ بھی نہیں ہوں۔ بس وہ ہی وہ ہے۔ تو پھر اس بندے کی میں ختم ہو جاتی ہے۔ اس کی اپنی کوئی خواہش باقی نہیں رہ جاتی۔ اور رب کی رضا ہی اس کی رضا بن جاتی ہے۔ اور اس کی ساری چاہتیں رب کی چاہت میں فنا ہو جاتی ہیں۔ اور جب رب اور بندے، دونوں کی چاہتیں ایک ہی چاہت بن جاتی ہے۔ تو پھر بندہ اس مقام پر پہنچ جاتا ہے کہ جہاں۔۔۔ ​

خدا بندے سے خود پوچھے بتا تیری رضا کیا ہے۔۔۔ ​

عشق و ادب میں ڈوب کر میں کو ختم کر دینے کی ایک خوبصورت مثال حضرت ابو بکر صدیق رضی اللہ عنہ کی مبارک زندگی سے لے لیتے ہیں کہ جو صحیح بخاری و مسلم میں مروی ہے۔ کہ​

جب ایک مرتبہ آقا علیہ الصلاۃ والسلام کسی معاملے کو نمٹانے کے لئے کہیں تشریف لے گئے اور نماز کا وقت آن پہنچا تو صحابہ کرام نے حضرت ابو بکر صدیق رضی اللہ عنہ کو امامت کے مصلّے پر کھڑا کر دیا اور آپ رضی اللہ عنہ امامت فرمانے لگے۔۔۔ اسی دوران ہمارے من ٹھار آقا علیہ الصلاۃ والسلام تشریف لے آئے اور پہلی صف میں کھڑے ہو گئے۔ صحابہ کرام نے نماز میں ہاتھ پر ہاتھ مار کر حضرت صدیق رضی اللہ عنہ کو توجہ دلائی کہ آقا علیہ الصلاۃ والسلام تشریف لے آئے ہیں۔۔۔ آپ رضی اللہ عنہ پیچھے ہٹنے لگے تو آقا علیہ الصلاۃ والسلام نے اشارہ کیا کہ نماز پڑھاتے رہیں۔۔۔ حضرت ابو بکر صدیق رضی اللہ عنہ نے اس بات پر اللہ عزوجل کی حمد کی اور شکر ادا کیا کہ حضور نے انہیں نماز پڑھاتے رہنے کا حکم فرمایا۔۔۔ لیکن اس کے بعد پیچھے ہٹ کر صف میں مل گئے اور پھر آقا علیہ الصلاۃ والسلام نے آگے بڑھ کر نماز مکمل فرمائی۔۔۔ نماز سے فارغ ہونے کے بعد حضور علیہ الصلاۃ والسلام نے حضرت ابو بکر صدیق رضی اللہ عنہ سے ارشاد فرمایا کہ’’اے ابو بکر! جب میں نے تمہیں نماز پڑھانے کا حکم دیا تھا تو کس چیز نے تمہیں اپنی جگہ پر قائم نہ رہنے دیا۔۔۔ تو ذرا عشق و محبت کے اس شہسوار کا جواب سنیئے کہ یہ نہیں فرمایا کہ میری کیا مجال۔۔۔ کہ "میں" تو کب کی فنا فی الرسول ہو چکی تھی۔ بلکہ عرض کی۔ ’’ابو قحافہ کے بیٹے کی کیا مجال کہ رسول اﷲ صلی اللہ علیہ وآلہ وسلم کے آگے کھڑا ہو کر نماز پڑھائے‘‘۔ سبحان اللہ۔۔۔ سبحان اللہ۔۔۔ ​

کاش اس ادب اور عشق صدیق کا ایک ذرہ اللہ اپنے کرم سے ہمیں بھی نصیب فرمادے۔۔۔ کہ جن کے بارے میں امیرالمؤمنین حضرت عمر رضی اللہ عنہ فرمایا کرتے تھے کہ کاش میرے سارے اعمال ابو بکر کے ایک دن کے عمل کے برابر ہو جائیں۔۔۔ ​

.....​

بہت عمدہ تحریر ہے بھائی جان۔ اللہ کرے زورِ قلم اور زیادہ۔

علامہ کے شاعری میں خودی بہت اہم مقام رکھتی ہے۔ علامہ نے تمام عمر مسلمانوں میں اسے خودی کو بیدار کرنے میں لگا دی۔
خاکسار نے آیتِ قرانی اور علامہ کا ایک شعر جو میری نظر میں اسی آیت کی تعبیر ہے۔ اپنی دستخط میں لگا رکھا ہے۔

وَلَا تَکُونُوا کَالَّذِینَ نَسُوا اللہَ فَاَنسٰھُم اَنفُسَھُم۔(الحشر-19)​

ڈھونڈ کے اپنی خاک میں جس نے پایا اپنا آپ​

اس بندہ کی دہقانی پر سلطانی قربان ​

-علامہ اقبال​

 

[الشفاء]

بہت عمدہ تحریر ہے بھائی جان۔ اللہ کرے زورِ قلم اور زیادہ۔

علامہ کے شاعری میں خودی بہت اہم مقام رکھتی ہے۔ علامہ نے تمام عمر مسلمانوں میں اسے خودی کو بیدار کرنے میں لگا دی۔
خاکسار نے آیتِ قرانی اور علامہ کا ایک شعر جو میری نظر میں اسی آیت کی تعبیر ہے۔ اپنی دستخط میں لگا رکھا ہے۔

بڑی نوازش عبدالحسیب بھائی۔۔۔
اللہ عزوجل آپ کو خیر کثیر عطا فرمائے۔۔۔

 

[الشفاء]

عزیزم نوشاب ! آپ کی بات اپنی جگہ بہت اہم ہے لیکن خودی کی ارفع ترین مثال حضرت ابراہیم علیہ السلام کا نار نمرود میں کود جانا تھا ۔ جب فرشتے حاضر ہوئے کہ آپ کیا چاہتے ہیں ہمارے لیے حکم ۔ تو خلیل اللہ کا کتنا خوبصورت جواب تھا کہ جو اللہ کی رضا ۔ یہ فرشتے اللہ ہی کے حکم سے آپ کی رضا پوچھ رہے تھے ۔ اسی طرح رحمت اللعالمین صلی اللہ علیہ وسلم پر جب طا ئف میں پتھر برسائے گئے تو
فرشتے نے آکر اس بستی پر عذاب نازل کرنے کی اجازت طلب کی تو میرے آقا جو دنیا میں رحمت اللعالمین بنا کر بھیجے گئے تھے فرمایا کہ یہ لوگ نہیں جانتے ۔ نعوذ باللہ ، کیا اللہ کو نار نمرود کو ٹھنڈا کرنے اور طائف پر عذاب نازل کرنے کے لیے کسی اجازت کی ضرورت تھی ، قطعانہیں ۔۔ مگر اللہ نے اپنے پیارے بندوں کی مثالیں قائم کرنی تھی ۔ خودی لا الٰہ الاللہ کے سوا کچھ نہیں

سید صاحب نے کوزے میں دریا بند کر دیا یہ کہہ کر کہ خودی لا الٰہ الا اللہ کے سوا کچھ نہیں۔۔۔ سبحان اللہ۔۔۔

اللہ تعالیٰ کی ذات تو بہت اعلیٰ مرتبت ہے اور اللہ تعالیٰ کی ذات کسی انسان کے فیصلوں کی محتاج نہیں ہے اس لیے یہ میرے خیال میں اس مصرعے
خدا بندے سے خود پوچھے بتا تیری رضا کیا ہے
کو نہیں کہنا چاہیے کیونکہ اللہ تعالیٰ کے فیصلے مکمل اور انسان کی سمجھ سے بالاتر ہوتے ہیں کیونکہ ہم تو اللہ تعالیٰ کی نہایت ناسمجھ مخلوق ہیں ہم چاہے کچھ بھی کر لیں اللہ تعالیٰ اپنے فیصلوں میں کسی کی شراکت کی صفت نہیں رکھتا کیونکہ وہ وحدہ لاشریک ہے ۔
اس لیے میرے ذاتی خیال میں اس شعر اور اس مصرعے پر بھرپور نظر ثانی ہونی چاہیے ۔اور اسے کہنا پڑھنا نہیں چاہیے ۔

محترم نوشاب بھائی۔۔۔خودی بندے میں آتی ہی تب ہے جب اس کی اپنی ساری چاہتیں اللہ عزوجل کی چاہت میں ختم ہو جاتی ہیں۔ اور رب کی رضا ہی بندے کی رضا بن جاتی ہے۔ یعنی وہ اللہ عزوجل کے فیصلوں پر راضی ہو جاتا ہے تو پھر اللہ عزوجل اس بندے کے فیصلوں کا محتاج کیسے ہو جائے گا۔۔۔
جب بیت المقدس مسلمانوں کا قبلہ تھا تو میرے آقا علیہ الصلاۃ والسلام کا قلب مبارک کعبۃ اللہ شریف کے قبلہ ہو جانے کی طرف مائل تھا لیکن آپ نے زبان اقدس سے دعا نہیں فرمائی۔ بس امید کی نظر آسمان کی طرف اٹھائی تو مالک ارض وسماوات نے حکم بھیج دیا کہ

فلنولینک قبلۃً ترضاھا۔ یعنی آپ اسی قبلے کی طرف اپنا منہ پھیر لیں جس میں آپ راضی ہے۔اور پھر بیت اللہ شریف کو ہمارا قبلہ مقرر کر دیا گیا۔۔ سبحان اللہ۔۔۔

اور عزرائیل علیہ السلام تو اللہ عزوجل کے حکم کے مطابق حضرت موسیٰ علیہ السلام کی روح مبارک قبض کرنے آئے تھے لیکن آپ علیہ السلام نے جلال میں آ کر طمانچہ دے دیا۔ تو اللہ عزوجل نے موسیٰ علیہ السلام کو مزید زندہ رہنے کا اختیار عطا فرمایا لیکن پھر آپ نے وصال کو پسند فرمایا۔۔۔

ان فی ذالک لآیات القوم یتفکرون۔۔۔ ان میں سوچنے والوں کے لئے بہت سی نشانیاں ہیں۔۔۔ اور سمجھنے کی توفیق اللہ عزوجل ہی کی طرف سے ہے۔۔۔

 

[سید زبیر]

جب بیت المقدس مسلمانوں کا قبلہ تھا تو میرے آقا علیہ الصلاۃ والسلام کا قلب مبارک کعبۃ اللہ شریف کے قبلہ ہو جانے کی طرف مائل تھا لیکن آپ نے زبان اقدس سے دعا نہیں فرمائی۔ بس امید کی نظر آسمان کی طرف اٹھائی تو مالک ارض وسماوات نے حکم بھیج دیا کہ
فلنولینک قبلۃً ترضاھا۔ یعنی آپ اسی قبلے کی طرف اپنا منہ پھیر لیں جس میں آپ راضی ہے۔اور پھر بیت اللہ شریف کو ہمارا قبلہ مقرر کر دیا گیا۔۔ سبحان اللہ۔۔۔

اللھم صل علی محمد وعلی آل محمد کما صلیت علی ابراہیم وعلی آل ابراہیم انک حمید مجید۔
اللھم بارک علی محمد وعلی آل محمد کما بارکت علی ابراہیم وعلی آل ابراہیم انک حمید مجید۔

 

[محمد یعقوب آسی]

عمدہ تحریر ہے محترمی الشفاء صاحب۔
بہتر ہوتا اگر آپ اس کو پھیلاتے اور ہمارے آج کے معاشرتی رویوں میں اس کا اطلاقی پہلو نمایاں کرتے۔
انتظار رہے گا۔

 

[الشفاء]

عمدہ تحریر ہے محترمی الشفاء صاحب۔
بہتر ہوتا اگر آپ اس کو پھیلاتے اور ہمارے آج کے معاشرتی رویوں میں اس کا اطلاقی پہلو نمایاں کرتے۔
انتظار رہے گا۔

آداب عرض ہے محترم آسی صاحب۔۔۔
آپ سے دعا کی گزارش ہے کہ اللہ عزوجل کسی قابل کر دے۔۔۔

 

[محمد یعقوب آسی]

اللہ کریم توفیقِ مزید سے نوازے ۔