درخت،پیڑ،پودے،شجر

[جاسمن]

نہ جانے کتنے پرندوں نے اس میں شرکت کی
کل ایک پیڑ کی تقریب رو نمائی تھی

تہذیب حافی

 

[جاسمن]

مدت سے میری آنکھ میں اک خواب ہے مقیم
پانی میں پیڑ پیڑ کی چھاؤں میں ریت ہے

تہذیب حافی

 

[جاسمن]

راہگیروں نے رہ بدلنی ہے
پیڑ اپنی جگہ کھڑے رہے ہیں

تہذیب حافی

 

[جاسمن]

دل بھی کیسا درخت ہے حافیؔ
جو تری یاد سے ہرا ہو جائے

تہذیب حافی

 

[جاسمن]

منت ماننے والوں کو معلوم نہیں
کس نے آ کر پیڑ سے دھاگے کھولے ہیں

تہذیب حافی

 

[جاسمن]

خدا کرے وہ پیڑ خیریت سے ہو
کئی دنوں سے اس کا رابطہ نہیں

تہذیب حافی

 

[جاسمن]

خامشی سے لدا ہوا اک پیڑ
اس سے چل کر مکالمہ کیا جائے

تہذیب حافی

 

[گُلِ یاسمیں]

شاید کسی بلا کا تھا سایہ درخت پر
چڑیوں نے رات شور مچایا درخت پر

موسم تمہارے ساتھ کا جانے کدھر گیا
تم آئے اور بور نہ آیا درخت پر

 

[جاسمن]

جس کے سائے میں تجھے پہلے پہل دیکھا تھا
میں اسی پیڑ کے نیچے تری بیعت کروں گا

لیلۃ القدر گزاروں گا کسی جنگل میں
نور برسے گا درختوں کی امامت کروں گا

تہذیب حافی

 

[جاسمن]

ہم خوش ہیں ہمیں دھوپ وراثت میں ملی ہے
اجداد کہیں پیڑ بھی کچھ بو گئے ہوتے

شہریار

 

[جاسمن]

دیکھ معمار پرندے بھی رہیں گھر بھی بنے
نقشہ ایسا ہو کوئی پیڑ گرانا نہ پڑے

عمیر نجمی

 

[جاسمن]

کتنی جلدی دیا گھر والوں کو پھل اور سایہ
مجھ سے تو پیڑ کی رفتار زیادہ نکلی

عمیر نجمی

 

[جاسمن]

تم جو مجھ سے محبت کا مول پوچھتے ہو
تمہیں یہ کس نے کہا پیڑ چھاوُں بیچتے ہیں
عباس تابش

 

[سیما علی]

کم اپنے مقدر کا اندھیرا نہیں ہوتا
سورج تو نکلتا ہے سویرا نہیں ہوتا
اُس پیڑ کے سائے میں سکوں کس کو ملے گا
جس پیڑ پہ چڑیوں کا بسیرا نہیں ہوتا
ساقی امروہوی

 

[سیما علی]

سوکھے پیڑ سے ٹیک لگائے پہروں بیٹھا رہتا ہوں
بانہوں میں چہرے کو چھپائے پہروں بیٹھا رہتا ہوں
عتیق الرحمنٰ صفی

 

[سیما علی]

شاعر کا نام یاد نہیں ہوسکتا شعر میں رد و بدل ہو شاید ۔۔

تمام پیڑ جلا کے خود اپنے ہاتھوں سے
عجیب شخص ہے سایہ تلاش کرتا ہے

 

[محمداحمد]

نہ جانے کتنے پرندوں نے اس میں شرکت کی
کل ایک پیڑ کی تقریب رو نمائی تھی

تہذیب حافی

منت ماننے والوں کو معلوم نہیں
کس نے آ کر پیڑ سے دھاگے کھولے ہیں

تہذیب حافی

کیسے کیسے مضمون باندھے جا رہے ہیں آج کل شاعری میں؟

 

[سیما علی]

کیسے کیسے مضمون باندھے جا رہے ہیں آج کل شاعری میں؟

آخر تہذیب حافی ہیں 🤓
مجھ ایسے پیڑوں کے سوکھنے اور سبز ہونے سے کیا کسی کو
یہ بیل شاید کسی مصیبت میں ہے جو مجھ سے لپٹ رہی ہے

 

[محمداحمد]

آخر تہذیب حافی ہیں 🤓
مجھ ایسے پیڑوں کے سوکھنے اور سبز ہونے سے کیا کسی کو
یہ بیل شاید کسی مصیبت میں ہے جو مجھ سے لپٹ رہی ہے

یہاں تو پھر بھی تشبیہات سمجھ آ رہی ہیں۔

مذکورہ اشعار تو بالکل ہی بے سروپا ہیں۔

 

[جاسمن]

تو یہ نہ دیکھ کہ سب ٹہنیاں سلامت ہیں
کہ یہ درخت تھا اور پتیاں بھی رکھتا تھا
عرفان صدیقی