درخت،پیڑ،پودے،شجر

[ام اویس]

درختوں کے لیے

اے درختو! تمہیں جب کاٹ دیا جائے گا
اور تم سوکھ کے لکڑی میں بدل جاؤ گے

ایسے عالم میں بہت پیش کشیں ہوں گی تمہیں
تم مگر اپنی روایت سے نہ پھرنا ہرگز

شاہ کی کرسی میں ڈھلنے سے کہیں بہتر ہے
کسی فٹ پاتھ کے ہوٹل کا وہ ٹوٹا ہوا تختہ بننا

میلے کپڑوں میں سہی لوگ محبت سے جہاں بیٹھتے ہیں
کسی بندوق کا دستہ بھی نہیں ہونا تمہیں

چاقو چھریوں کو بھی خدمات نہ اپنی دینا
ایسے دروازے کی چوکھٹ بھی نہ بننا ہرگز

جو محبت بھری دستک پہ کبھی کھل نہ سکے
اے درختو! تمہیں جب کاٹ دیا جائے گا

اور تم سوکھ کے لکڑی میں بدل جاؤ گے
کوئی بیساکھی بنائے تو سہارا دینا

اور کشتی کے لیے اتنی محبت سے تم آگے بڑھنا
کہ سمندر کی فراخی بھی بہت کم پڑ جائے

اپنے پتوار مرے بازوؤں جیسے رکھنا
جو کسی اور کی طاقت کے سوا زندہ ہیں

میری دنیا کہ ابھی واقف الفت ہی نہیں
میرے بازو بھی محبت کے سوا زندہ ہیں

فاضل جمیلی

 

[زیرک]

ہم ایسے پیڑ ہیں جو چھاؤں بانٹ کر اپنی
شدید دھوپ میں خود سائے کو ترستے ہیں

 

[زیرک]

میں نے اک پیڑ سے ملبوس کے پتے مانگے
سارا جنگل ہی برہنہ تو نہیں چاہیے تھا
فیصل عجمی

 

[زیرک]

پتا چلا ہے یہ اب دھوپ کس کو کہتے ہیں
جو گھر میں پیڑ تھا اک سایہ دار، ختم ہوا​

 

[زیرک]

چھاؤں تو اس کو مظؔفر نہیں اچھی لگتی
کہتا مجھ سے ہے کہ یہ پیڑ گھنا میں کاٹوں
مظفر وارثی​

 

[زیرک]

گل سے لپٹی ہوئی تتلی کو گرا کر دیکھو
آندھیو! تم نے درختوں کو گرایا ہو گا
کیف بھوپالی​

 

[عبدالرحمن آزاد]

آ کے پتھر تو مرے صحن میں دو چار گرے
جتنے اس پیڑ کے پھل تھے پس دیوار گرے
شکیب جلالی

 

[زیرک]

کسی کے قرب میں رہ کر ہری بھری ہوئی ہے
سہارے پیڑ کے یہ بیل جو کھڑی ہوئی ہے​

 

[زیرک]

ہجر کے پیڑ سے جب یاد کا پھل گِرتا ہے
دل میں پھر درد کے انبار سے لگ جاتے ہیں​

 

[زیرک]

اِسی سے جان گیا میں، کہ بخت ڈھلنے لگے
میں تھک کے چھاؤں میں بیٹھا تو پیڑ چلنے لگے
فرحت عباس شاہ​

 

[زیرک]

درخت کٹ گیا لیکن وہ رابطے ناصرؔ
تمام رات پرندے زمیں پہ بیٹھے رہے
حسن ناصر

اگر آپ درخت، پیڑ، پودے کے ساتھ شجر کا اضافہ کر دیں تو زیادہ مناسب رہے گا کیونکہ شاعری میں شجر کا لفظ زیادہ مستعمل ہے۔ شکریہ۔

کچھ ایسے بدحواس ہوئے آندھیوں میں لوگ
جو پیڑ کھوکھلے تھے، انہیں سے لپٹ گئے​

 

[جاسمن]

اگر آپ درخت، پیڑ، پودے کے ساتھ شجر کا اضافہ کر دیں تو زیادہ مناسب رہے گا کیونکہ شاعری میں شجر کا لفظ زیادہ مستعمل ہے۔ شکریہ۔

کچھ ایسے بدحواس ہوئے آندھیوں میں لوگ
جو پیڑ کھوکھلے تھے، انہیں سے لپٹ گئے​

ٹیگ میں شجر لفظ بھی ہے۔ عنوان کے نیچے دیکھیں۔

 

[زیرک]

ٹیگ میں شجر لفظ بھی ہے۔ عنوان کے نیچے دیکھیں۔

آپ میری بات نہیں سمجھ پائیں، ممبرز صرف عنوان کو دیکھا کرتے ہیں، اس لیے عنوان میں شجر لفظ شامل ہونا چاہیے، ٹیگ تو سرچ آپشن کے لیے ہوتا ہے۔

پرندے شام کو یہ سوچ کہ پلٹ آئے
اداس پیڑ ہمیں یاد کر رہا ہوگا​

 

[جاسمن]

آپ میری بات نہیں سمجھ پائیں، ممبرز صرف عنوان کو دیکھا کرتے ہیں، اس لیے عنوان میں شجر لفظ شامل ہونا چاہیے، ٹیگ تو سرچ آپشن کے لیے ہوتا ہے۔

پرندے شام کو یہ سوچ کہ پلٹ آئے
اداس پیڑ ہمیں یاد کر رہا ہوگا​

آپ نے بھی اوپر نہیں دیکھا۔

 

[زیرک]

آپ نے بھی اوپر نہیں دیکھا۔

اب دیکھ لیا، ملٹی سکرین ڈسپلے میں کبھی کبھار ٹائٹل پورا نہیں دکھتا، معذرت قبول کیجئے۔

ممکن ہے نکل آئے یہاں کوئی مسافر
صحرا میں لگاتے چلو دو چار شجر اور​

 

[زیرک]

یہ پیڑ ہرا پیڑ کسی کا بھی نہیں ہے
ہم وقت کی ٹہنی سے بہت جلد جھڑیں گے
راکب مختار​

 

[زیرک]

یار! پیڑوں کی اداسی نہیں دیکھی جاتی
مجھ سے مت ملنا، مگر گاؤں تو آنا جانا
راکب مختار​

 

[زیرک]

تُو سوچ بھی نہیں سکتا جس اہتمام کے ساتھ
کٹے شجر پہ پرندوں نے آہ و زاری کی
راکب‌ مختار​

 

[زیرک]

بے ستوں مکانوں سے پیڑ راؔم اچھے ہیں
گود بھی کشادہ ہے، چھاؤں بھی زیادہ ہے
رام ریاض​

 

[فلسفی]

چلتا ہوں احتیاط سے پیڑوں کی درمیاں
پتے ہیں خشک راہ میں موسم خزاں کا ہے