دریا کے اُس پار کیا ہے؟؟.....فلک شیر

[فلک شیر]

مقدس آپا نے وصی شاہ کی ایک نثری نظم ، محبت کی حقیقت اور ماہیت بارے post کی ،تو سوچا اپنی ایک پرانی نثری نظم ، جو اسی سوال کے گرد گھومتی ہے......شائع کر دی جائے.....کیونکہ یہ سوال بہتوں کے ہاں رہا ہے اور جواب بھی بہت سوں نے اپنے اپنے رنگ ، علم اور تجربے کی روشنی میں دیا ہے......

دریا کے اُس پار کیا ہے​

​

آج دوست مجھ سے کہنے لگے​

تم جو بہت چرب زباں ہو​

اور روز تمہارے بستر پہ ​

نئی کتاب کی زلفیں پریشاں ہوتی ہیں​

تم بولو، تو لگتا ہے​

ادب،نقد،شعر،تصویر​

سُر،رقص،خواب اور تعبیر​

سب تمہارے لہجے میں ڈھلنے کو بے تاب ہوں​

حرف اور عرفان گلے ملنے کو بے تاب ہوں​

​

ہماری بھی ایک مشکل حل کرو​

یہ تو بتاؤ​

آخر اِس محبت کا اسرار کیا ہے؟​

اِس دریا کے اُس پار کیا ہے؟​

معمہ یا بجھارت؟​

کرشمہ یا نعمت؟​

خطا یا عبادت؟​

اِس کی نمود کن زمینوں سے ہوتی ہے؟​

اور اِس کی وحی کن سینوں پہ اترتی ہے؟​

​

میں جو مشہور ہوں اتنا​

سات زبانیں بولنے میں​

دلائل کے انبار لگانے میں​

اورلوگوں کو نیچا دکھانے میں​

ایک لمحے کو تو مجھے چپ سی لگی​

مگر.......پھر میں​

اپنی ناک بچانے اور​

جولانی طبع دکھانے​

کے لیے گویا ہوا​

اور خوش بیان واعظ کی طرح لفظوں کے محل اُسارنے لگا​

​

میں نے کہا، دیکھو!​

محبت ایک پرندہ ہے​

ہزار رنگ، ہفت خواں​

جس شاخ پہ بھی اترتا ہے​

اُس سے کونپل نہیں، نغمہ پھوٹتا ہے​

اور پھول نہیں، دھنک کھلتی ہے​

​

میں نے اُنہیں بتایا، سنو!​

محبت ایک کہانی ہے​

جس کے کردار​

تتلی، پھول اور ستارہ​

دریا، کشتی اور کنارہ​

جنگل، بیلے اور بنجارہ​

​

کہا، یارو!​

محبت ایسا طلسم ہے​

جس کا توڑ خلق ہی نہیں کیا گیا​

یہ تو ہر ذی روح کا حسنِ ازل کو سلام ہے​

یہ تو ہر گونج کی​

ندائے اول سے سعی کلام ہے​

​

مجھ سے پوچھتے ہو، محبت کا اسرار کیا ہے​

تو سنو!​

اِس کے روپ کئی صد ہزار ہیں​

فراق، وصل، نالہ، شہنائی؛​

یہ تو صرف دو چار ہیں​

ہر جہاں کی ہر کروٹ اِسی کے حضور سے​

سب چہروں پہ سب شفق، اِسی کے طُور سے​

نادِ اوّل سے اذانِ آخر تلک​

محبّت ہی سب زمانوں کی فاتح​

اور یہی سب قرنوں کی نقیب​

آنے والے سب زمانوں میں بھی​

روزوشب اسی سے تجلّی پائیں گے​

اِسی کے دامن سے روشنی کا رزق جُڑا رہے گا​

اور​

اِسی کے بطن سے نئے سُر تخلیق ہوں گے​

​

میرے دوست یہ سب سُن کر​

میرے علم و فضل کا لوہا مانتے ہوئے​

سر ہلاتے، دور اندھیرے میں جا گُم ہوئے​

مگر..........​

اِس کے بعدمجھے ​

مریم ایسے پاک اس جذبہ کی ​

اپنے ہاتھوں بے توقیری کا بے طرح قلق ہوا​

​

پھر یوں ہوا کہ​

مجھ سنگ دِل کی آنکھ نے چہرے کو وضو کرایا​

توبہ کی نیت سے ڈرتے ڈرتے​

میں نے آنکھ بند کی​

اور چشم تخیل وا کی​

اور عرض کیا...​

اے ڈیلفی کے معبد کی معبود!​

آخر تیرا اسرار کیا ہے؟​

تیرے دریا کے اُس پار کیا ہے؟​

(فلک شیر)​

 

[زبیر مرزا]

واہ جناب بہت خوب - آپ نے بڑی عمدگی سے تشبہات اوراستعاروں سے نظم کو سجایا اور
بڑی خوبی سے ان کہی رہ جانے والی باتیں کہہ دیں

 

[فلک شیر]

واہ جناب بہت خوب - آپ نے بڑی عمدگی سے تشبہات اوراستعاروں سے نظم کو سجایا اور
بڑی خوبی سے ان کہی رہ جانے والی باتیں کہہ دیں

آپ کی محبت سرمایہ ہے..... زبیر مرزا صاحب

 

[فلک شیر]

ٹیگ نامہ:
زبیر مرزا الف نظامی الف عین محب علوی حسیب نذیر گِل نیرنگ خیال فاتح حسان خان مقدس ناعمہ عزیز قیصرانی شمشاد قرۃالعین اعوان انیس الرحمن سویدا عاطف بٹ........ طارق شاہ محمداحمد مدیحہ گیلانی عائشہ عزیز ساجد تلمیذ باباجی

 

[نایاب]

کلاسیک ۔۔۔۔۔۔۔۔۔
بلاشبہ بہت خوب کہی گئی نظم
سچ بلاشبہ سچ

محبت ایک پرندہ ہے​

ہزار رنگ، ہفت خواں​

جس شاخ پہ بھی اترتا ہے​

اُس سے کونپل نہیں، نغمہ پھوٹتا ہے​

اور پھول نہیں، دھنک کھلتی ہے​

 

[فلک شیر]

کلاسیک ۔۔۔ ۔۔۔ ۔۔۔
بلاشبہ بہت خوب کہی گئی نظم
سچ بلاشبہ سچ

محبت ایک پرندہ ہے​

ہزار رنگ، ہفت خواں​

جس شاخ پہ بھی اترتا ہے​

اُس سے کونپل نہیں، نغمہ پھوٹتا ہے​

اور پھول نہیں، دھنک کھلتی ہے​

نایاب بھائی .....بے حد شکرگزار ہوں.

 

[مدیحہ گیلانی]

خیالات کا اچھا اظہار ہے۔ شریک کرنے کا شکریہ۔ جیتے رہیئے۔

 

[تلمیذ]

بہت اچھی نظم ہے۔
آپ کی صلاحیتوں کے اس رُخ کے بارے میں جان کر اچھا لگا۔براہ کرم ہمیں اپنےکلام میں شریک کرنا جاری رکھیں۔

 

[فلک شیر]

خیالات کا اچھا اظہار ہے۔ شریک کرنے کا شکریہ۔ جیتے رہیئے۔

بہت شکریہ...........دعاؤں کا طالب ہوں.......اور شفقت کا بھی.....

 

[فلک شیر]

بہت اچھی نظم ہے۔
آپ کی صلاحیتوں کے اس رُخ کے بارے میں جان کر اچھا لگا۔براہ کرم ہمیں اپنےکلام میں شریک کرنا جاری رکھیں۔

تلمیذ بھائی.....بہت محبت.....ان شاء اللہ.....

 

[الف عین]

بس اس میں ایک یہی خامی نظرآئی کہ نثری نظم ہے!! کاش وزن میں ہوتی۔

 

[ماظق]

بہت عمدہ،اچھی اور کامیاب کوشش ہے۔​

 

[محمداحمد]

بہت خوب! بہت ہی عمدہ۔۔! لاجواب۔۔۔۔۔۔۔۔۔۔۔۔۔۔!

خوش رہیے۔

 

[فلک شیر]

بس اس میں ایک یہی خامی نظرآئی کہ نثری نظم ہے!! کاش وزن میں ہوتی۔

دعاؤں کا طالب ہوں............اور شفقت کا....تحسین کے لیے تشکر

 

[فلک شیر]

بہت عمدہ،اچھی اور کامیاب کوشش ہے۔​

حامدًا و مصلیا.........بہت شکر گزار ہوں

 

[عسکری]

ہمیں تو ٹیگ ہی نہیں کیا ہمارا کیا

 

[فلک شیر]

ہمیں تو ٹیگ ہی نہیں کیا ہمارا کیا

آپ سے ڈر لگتا تھا.........کہیں کلاکوف نہ نکال لیں......معذرت بھیا.........

 

[عسکری]

آپ سے ڈر لگتا تھا.........کہیں کلاکوف نہ نکال لیں......معذرت بھیا.........

میں کیا اتنا برا ہو فراز
کہ جسے ٹیگ کرنے سے ہوں شعرا فرار

 

[فلک شیر]

میں کیا اتنا برا ہو فراز
کہ جسے ٹیگ کرنے سے ہوں شعرا فرار

دوسروں سے ڈر لگتا ہے، کہ فنی غلطی نکالیں گے.........آپ سے اس لیے کہ، کہیں ویسے ہی زباں بندی نہ فرما دیں.............

 

[فلک شیر]

بہت خوب! بہت ہی عمدہ۔۔! لاجواب۔۔۔ ۔۔۔ ۔۔۔ ۔۔۔ ۔۔!

خوش رہیے۔

محمداحمد ....تحسین کے لیے تشکّر..... بہت ممنون ہوں.....