دریا

[شمشاد]

سامنے چشم گہر بار کے کہہ دو دریا
چڑھ کے گر آئے تو نظروں سے اتر جائیں گے
(ابراہیم ذوق)

 

[راجہ صاحب]

جب کشتی ڈالی تھی کس نے سوچا تھا
دریا میں طُغیانی بھی ہوسکتی ہے


نوشی گیلانی

 

[شمشاد]

سامنے چشم گہر بار کے کہہ دو دریا
چڑھ کے گر آئے تو نظروں سے اتر جائیں گے
(ابراہیم ذوق)

 

[تانیہ]

دیکھا اسے تو آنکھ سے آنسو چھلک پڑے
دریا اگرچہ خشک تھا، پانی تہوں میں تھا

 

[شمشاد]

دو اشک جانے کِس لیے، پلکوں پہ آ کر ٹِک گئے
الطاف کی بارش تیری اکرام کا دریا تیرا
(ابن انشاء)

 

[راجہ صاحب]

یہ کیا طِلسم ہے، دریا میں بن کے عکسِ قمر
رُکے ہوئے بھی تمھی ہو، رواں دواں بھی تمھی

 

[شمشاد]

سچ ہے تم آفتاب ہو، جس کے فروغ سے
دریائے نور ہے فلکِ آبگینہ فام
(غالب)

 

[راجہ صاحب]

یہ محبت بھی ایک نیکی ہے
اسکو دریا میں ڈال آتے ہیں

جون ایلییا

 

[شمشاد]

دو اشک جانے کِس لیے، پلکوں پہ آ کر ٹِک گئے
الطاف کی بارش تیری اکرام کا دریا تیرا
(ابن انشاء)

 

[راجہ صاحب]

محبت کے دریا میں تنکے وفا کے
نہ جانے یہ کس موڑ پر ڈوب جائیں

سدرشن فاخر

 

[شمشاد]

تم سے ملے بھی ہم تو جدائی کے موڑ پر
کشتی ہوئی نصیب تو دریا نہیں رہا
(امجد اسلام امجد)

 

[راجہ صاحب]

دل کی خلش تو ساتھ رہے گی تمام عمر
دریائے غم کے پار اُتر جائیں ہم تو کیا

 

[شمشاد]

ایک دریائے فنا ہے اس کی ہستی اے منیر
خاک اڑتی ہے وہاں پر جس جگہ بہتا ہے وہ
(منیر نیازی)

 

[راجہ صاحب]

بہتے دریا کو اماں بھی چاہیے
اِک سمندر ہی فقط پیاسانہیں

نامعلوم

 

[شمشاد]

میری کشتی کو بھلا موج ڈبو سکتی تھی
میں اگر خود نہ شریک کف دریا ہوتا
(ن م راشد)

 

[راجہ صاحب]

اسی تپتے ہوئے صحرا میں دریا کھینچ لانا ہے
مجھے اپنے بقا کے واسطے دریا بنانا ہے

 

[شمشاد]

دریا کی طرح موج میں آئی ہُوئی برکھا
زردائی ہُوئی رُت کو ہرا رنگ پلائے
(پروین شاکر)

 

[راجہ صاحب]

محبت ایسا دریا ہے
کہ بارش روٹھ بھی جائے
تو پانی کم نہیں ہوتا

امجد اسلام امجد

 

[شمشاد]

میں حیرت و حسرت کا مارا خاموش کھڑا ہوں ساحل پر
دریائے محبت کہتا ہے آ کچھ بھی نہیں پایاب ہیں ہم
(شاد عظیم آبادی)

 

[راجہ صاحب]

کوئی بہشتِ دید ہوا اور دفعتاً
افسوس اپنے شوق کا دریا اتر گیا

منصور آفاق