دعا

[زیرک]

اب بُوئے گل نہ باد صبا مانگتے ہیں لوگ
وہ حبس ہے کہ لُو کی دُعا مانگتے ہیں لوگ

 

[محمد عدنان اکبری نقیبی]

دعائیں مانگی ہیں ساقی نے کھول کر زلفیں
بسان دست کرم ابر دجلہ بار برس

عزیز لکھنوی

 

[محمد تابش صدیقی]

تیرے لبوں پہ ہو دعا، سبّ و شتم جو تجھ پہ ہو
حسنِ کلام کے امیں، سوءِ کلام سے گزر
نظرؔ لکھنوی

 

[محمد تابش صدیقی]

یہ سکوں کی جنسِ گراں بہا میں بتا نہ دوں تجھے ہے کہاں
ہے ثنائے ربِ جلیل میں، ہے دعائے قلبِ گداز میں
نظرؔ لکھنوی

 

[محمد تابش صدیقی]

بس نفس سے رشتہ باقی ہے، اب روح سے رشتہ ٹوٹ چکا
جینے کی دعا کیوں دیتے ہو، زندوں میں نظرؔ کا نام نہیں
نظرؔ لکھنوی

 

[محمد تابش صدیقی]

اے غرقِ ستم! اے مستِ جفا! تو نے بھی سنا ہے یہ کہ نہیں
نکلی جو شکستہ دل سے دعا، پابندِ اثر ہو جاتی ہے
نظرؔ لکھنوی

 

[زیرک]

دینے آئے تھے جو دِلاسہ مجھے
مانگ کر لے گئے دُعا مجھ سے

 

[زیرک]

اب کہاں ایسی طبیعت والے
چوٹ کھا کر جو دُعا کرتے تھے

 

[محمد عدنان اکبری نقیبی]

مانگا کریں گے اب سے دعا ہجر یار کی
آخر تو دشمنی ہے اثر کو دعا کے ساتھ

مومن خان مومن

 

[زیرک]

شدتِ درد میں ہونٹوں پہ دُعا کا ہونا
ثابت اس سے بھی تو ہوتا ہے خدا کا ہونا

 

[زیرک]

مدعا جو بھی ہے، بتا دیجے
پھر مرے حق میں بھی دعا کیجے

 

[محمد عدنان اکبری نقیبی]

مرض عشق جسے ہو اسے کیا یاد رہے
نہ دوا یاد رہے اور نہ دعا یاد رہے

ذوق

 

[زیرک]

عجب مسیحا میرے نصیب میں ہیں
پہلے جینے کی دعا پھر دغا دیتے ہیں

 

[زیرک]

ہم جو کرتے ہیں مے کدے میں دعا
واعظا تیرے وہم و گماں سے باہر ہے

 

[زیرک]

بوتل کھلی ہے رقص میں جامِ شراب ہے
اے مے کشو! تمہاری دعا کامیاب ہے

 

[زیرک]

تیرے شباب پر صدا کرم رہے بہار کا
تجھے لگے میری دعا، شراب لا شراب لا

 

[عباد اللہ]

بلند ہاتھوں میں زنجیر ڈال دیتے ہیں
عجب رسم چلی ہے دعا نہ مانگے کوئی
افتخار عارف

 

[عباد اللہ]

خدا سے آخری رشتہ نہ ٹوٹ جائے کہیں
کہ اب کے ہے مرا دستِ دعا نشانے پر
عرفان صدیقی

 

[عباد اللہ]

بترس از آہِ مظلومان کہ ہنگامِ دعا کردن
اجابت از درِ حق بہر استقبال می آید
بیدل

 

[زیرک]

تُو ہی پہلی دعا عطش کی ہے
تُو ہی خواہش ہے آخری مجھ میں
عطش نقوی