دل کی بات شعر کے ساتھ

[کاشفی]

آمادگی مجھے تو رہی ہر گناہ پر
فضلِ خدا سے بُت ہی نہیں آئے راہ پر
(اکبر الہ آبادی)

 

[امیداورمحبت]

اک بار وہ ملا تھا مجھے بے رخی کے ساتھ
اس دن سے دل کا شہر برابر اداس ہے۔۔۔۔۔۔۔۔۔۔۔۔۔۔۔۔

 

[کاشف اکرم وارثی]

یہ روز روز کا پینا مجھے پسند نہیں
کبھی نہ ہوش میں آؤں وہ جام دے ساقی​

 

[زبیر مرزا]

دل جیتنے کے فن پر اگر دسترس نہ ہو​

دُکھتی رگوں کو چھیڑنا دانشوری نہیں​

 

[مہ جبین]

ہم نہ کہتے تھے سرابوں میں بھٹکنے والو
جس کو تم بحر سمجھتے تھے وہ قطرہ بھی نہیں
حزیں صدیقی

 

[مہ جبین]

پتھر کو کیا خبر کہ سحر کیا ہے شام کیا
احساس ہو تو وقت گزرتا دکھائی دے
حزیں صدیقی

 

[زبیر مرزا]

دھول اُڑتی ہے جو اس آنگن میں​

اس کو بھیجو ، صبا صبا بھیجو​

​

جون ایلیا​

​

 

[ذوالقرنین]

بھیگتے رہے بارشوں میں اکثر
کبھی مانگی کسی سے پناہ نہیں
حسرتیں پوری نہ ہو تو نہ سہی
خواب دیکھنا تو کوئی گناہ نہیں

 

[کاشف اکرم وارثی]

پہلے بھی لوگ آئے کتنے ہی زندگی میں​

وہ ہر طرح سے لیکن اوروں سے تھا جدا سا​

 

[زبیر مرزا]

عَلی الصباح چُو مردم بہ کاروبار رَوند
بلا کشانِ محبّت بہ کوئے یار روند
(حافظ شیرازی)
صبح صبح جیسے لوگ اپنے اپنے کاروبار کی طرف جاتے ہیں، محبت کا دکھ اٹھانے والے دوست کے کوچے کی طرف جاتے ہیں

 

[کاشف اکرم وارثی]

جنہوں پڑھ کے میرا دل ٹھردا اے​

او حرف کتاب وچ توں ایں​

​

 

[محمداحمد]

وہ بھی تو سنیں میرے یہ اشعار کسی روز
جو لوگ نئی نسل کو اچھا نہیں کہتے

مصطفیٰ زیدی

 

[امیداورمحبت]

کھی بھلا کے ،کبھی اُسے یاد کر کے مجھے
جمال قرض چکانے ہیں عمر بھر کے مجھے
جمال احسانی

 

[محمداحمد]

رنگ برسات نے بھرے کچھ تو
زخم دل کے ہوئے ہرے کچھ تو

کتنے شوریدہ سر ہیں پروانے
شام ہوتے ہی جل مرے کچھ تو

 

[امیداورمحبت]

کوئی تعویز ہو رد بلا کا ​

محبت میرے پیچھے پڑگئی ہے۔۔۔۔۔​

 

[محمداحمد]

مری مشکل کا حل کوئی نہیں ہے
ترا نعم البدل کوئی نہیں ہے

سلطان سکون

 

[مغزل]

برائے تجربہ ہم آج مر کر دیکھ لیتے ہیں
سنا کرتے ہیں ناز انسان مر کر یاد آتا ہے

ناز خیالی مرحوم( فیم آف : تم اک گورکھ دھندا ہو)
(زندگی کا آخری شعر انتقال سے 25-30 منٹ قبل ۔۔ فون پر سنا تھا)

 

[امیداورمحبت]

میں تیرے ساتھ ستاروں سے گزر سکتا ہوں
کتنا آسان محبت کا سفر لگتا ہے
بشیر بدر

 

[زبیر مرزا]

لمحاتِ مسرت ہیں تصوّر سے گریزاں ​

یاد آئے ہیں جب بھی غم و آلام ہی آئے ​

تھک ہار کے بیٹھے ہیں سرِ کُوئے تمنا ​

کام آئے تو پھر جذبۂ ناکام ہی آئے ​

اداجعفری​