دل

[راجہ صاحب]

اتنی سی بات پر دل کی دھڑکنیں رکنے لگیں فراز
ایک پل جو تصور کیا اسکے بغیر جینے کا

فراز

 

[شمشاد]

جنوں پسند ہے دل اور تجھ تک آنے میں
بدن کو ناؤ، لُہو کو چناب کر دے گا
(پروین شاکر)

 

[راجہ صاحب]

اُلجھن تمام عمر یہ تار ِنفس میں تھی
دِل کی مُراد عاشقی میں یا ہوس میں تھی

نامعلوم

 

[شمشاد]

دل افسردہ میں پھر دھڑکنوں کا شور اٹھا
یہ بیٹھے بیٹھے مجھے کن دنوں کی یاد آئی
(ناصر کاظمی)

 

[راجہ صاحب]

نہ سوالِ وصل، نہ غرضِ غم، نہ حکایتیں نہ شکایتیں
ترے عہد میں دلِ زار کے سبھی اختیار چلے گئے

فیض احمد فیض

 

[شمشاد]

کوہ و صحرا میں بہت خوار لئے پھرتی ہے
کامیابی کی تمنا دلِ ناکام کے ساتھ
(احسان دانش)

 

[راجہ صاحب]

دل بھی پاگل ہے کہ اس شخص سے وابستہ ہے
جو کسی اور کا ہونے دے نہ اپنا رکھے

فراز

 

[شمشاد]

دل کو لہو کروں تو کوئی نقش بن سکے
تو مجھ کو کربِ ذات کی سچی کمائی دے
(پروین شاکر)

 

[راجہ صاحب]

آؤ اس دل سے دوستی کرلو
تم کو جینے کے گُر سکھا دے گا

احمد فواد

 

[شمشاد]

ذرا کر زور سینے پر کہ تیر پر ستم نکلے
جو وہ نکلے تو دل نکلے جو دل نکلے تو دم نکلے
(غالب)

 

[راجہ صاحب]

میری قسمت میں غم گر اتنا تھا
دل بھی یا رب کئی دئیے ہوتے

نامعلوم

 

[حماد]

لگتا ہے ابھی دل نے تعلق نہیں توڑا
یہ آنکھ تیرے نام پہ بھر آتی ہے جیسے

 

[حماد]

جلتا ہے کوئی شہر کبھی دامن دل میں
سانسوں میں کبھی راکھ اتر آتی ہے جیسے

 

[شمشاد]

دل نشیں لہجہ تھا اسکا منفرد انداز تھا
کہتے کہتے کچھ کسی کا سوچنا اچھا لگا
(شبنم رحمٰن)

 

[راجہ صاحب]

تو بہاروں کی طرح مجھ سے گریزاں ہی سہی
میں نے چاہا ہے تجھے اپنے دل و جاں کی طرح

 

[شمشاد]

اس دل کے دريدہ دامن میں، ديکھو تو سہی سوچو تو سہی
جس جھولی ميں سو چھيد ہوئے، اس جھولی کا پھيلانا کيا
(ابن انشاء)

 

[راجہ صاحب]

حال دل ہم بھی سناتے لیکن
جب وہ رخصت ہو ا تب یاد آیا

ناصر کاظمی

 

[شمشاد]

کب تک تو امتحاں میں مجھ سے جدا رہے گا
جیتا ہوں تو تجھی میں یہ دل لگا رہے گا
(میر تقی میر)

 

[راجہ صاحب]

یہ کچھ دن ہیں کہ اس کو یاد ہر اک شام کرنا ہے
پھر اپنے دل کی بستی میں اسے گمنام کرنا ہے

 

[شمشاد]

وہ دل ہی کیا جو ترے ملنے کی دعا نہ کرے
میں تجھ کو بھول کے زندہ رہوں خدا نہ کرے
(قتیل شفائی)