دو دن میں ایل پی جی کی قیمتوں میں 15 روپے فی کلو گرام اضافہ

[سید ابو بکر عمار]

دو دن میں ایل پی جی کی قیمتوں میں 15 روپے فی کلو گرام اضافہ

ایل پی جی کی قیمتوں میں 2 دن میں دوسری مرتبہ اضافہ، ایل پی جی 5 روپے فی کلو مہنگی ہو گئی۔
اسلام آباد : (دنیا نیوز) ڈسٹری بیوٹرز کے مطابق ایل پی جی کی مارکیٹنگ کمپنیوں نے گھریلو سلنڈر میں 50 روپے، کمرشل 200روپے بڑھ گیا۔ قیمتوں میں اضافہ اوگرا نوٹی فیکیشن کے بغیر کیا گیا۔ 5 روپے فی کلو اضافے کے بعد راولپنڈی اسلام آباد میں ایل پی جی کی قیمت 135 روپے فی کلو ہو گئی۔ سیالکوٹ، حیدر آباد اور سکھر میں بھی ایل پی جی 115 روپے فی کلو، لاہور، گوجرانوالہ، گجرات، فیصل آباد میں ایل پی جی 115 روپے فی کلو ہو گئی ہے۔ کراچی میں ایل پی جی 105 روپے فی کلو، مری، نتھیاگلی، مظفرآباد، باغ آزاد کشمیر، فاٹا میں ایل پی جی 145 روپے فی کلو ہو گئی ہے۔ آل پاکستان ایل پی جی ڈسٹری بیوٹرز ایسویسی ایشن نے 9 جولائی کو ہنگامی اجلاس طلب کر لیا ہے۔

 

[الف عین]

خوش آمدید ابو بکر، یہ تو ایک خبر ہو گئی، تعارف کہاں ہے؟؟؟؟؟

 

[سید ابو بکر عمار]

خوش آمدید ابو بکر، یہ تو ایک خبر ہو گئی، تعارف کہاں ہے؟؟؟؟؟

شکریہ جناب! یہ لی جئے تعارف
http://www.urduweb.org/mehfil/threads/دل-مضطرب.75873/#post-1576470

 

[سید ابو بکر عمار]

مہنگائی کا جن بے قابو؛ ایل پی جی کی قیمتوں میں مسلسل تیسرے روز بھی اضافہ

ایکسپریس نیوز کے مطابق مارکیٹنگ کمپنیوں نے آج پھر اپنی من مانی کرتے ہوئے ایل پی جی کی قیمت میں 5 روپے فی کلو اضافہ کر دیا ہے جس سے گھریلو سلنڈر کی قیمت میں 50 روپے جب کہ کمرشل سلنڈر کی قیمت میں 200 روپے اضافہ ہو گیا ہے۔ مارکیٹنگ کمپنیوں کی جانب سے قیمت میں اضافے سے لاہور، گجرانوالہ اور سیالکوٹ میں ایل پی جی 120 روپے فی کلو جب کہ ملتان، بہاولپور، ڈی جی خان، کوہاٹ اور پشاور میں 125 روپے فی کلو کے حساب سے فروخت کی جا رہی ہے۔ کراچی میں ایل پی جی 110 روپے فی کلو جب کہ مری، ہزارہ اور شمالی علاقاجات میں ایل پی جی 150 روپے فی کلو کے حساب سے فروخت کی جا رہی ہے۔

دوسری جانب ایل پی جی ڈسٹری بیوشن کے سربراہ عرفان کھوکھر نے مارکیٹنگ کمپنیوں کی جانب سے ایل پی جی کی قیمتوں میں اضافے کو غیر قانونی قرار دیتے ہوئے کل ایل پی جی ڈسٹری بیوشن کمپنیوں کا ہنگامی اجلاس طلب کر لیا ہے جس میں آئندہ کا لائحہ عمل طے کیا جائے گا۔

 

[شمشاد]

یہ تعارف کے زمرے میں آج کی خبریں کیوں دے رہے ہیں؟
کوئی ناظم ان مراسلوں کو منتقل کر دے۔

 

[سید ابو بکر عمار]

یہ تعارف کے زمرے میں آج کی خبریں کیوں دے رہے ہیں؟
کوئی ناظم ان مراسلوں کو منتقل کر دے۔

شمشاد بھائی سیکھنے میں تھورا وقت لگے گا پہلی بار کسی بھی فورم پہ آن لائن آیا ہوں۔

 

[شمشاد]

کوئی مسئلہ ہی نہیں جناب۔
آہستہ آہستہ بہت کچھ سیکھ جائیں گے۔