کافی گھمبیر سوال ہے۔
ہائے نہیں۔ محاذ کوئی نہیں کھڑا کر رہا خدانخواسطہ۔ بس اپنی رائے اور ایک دوسرے سے بات چیت چل رہی ہے ۔ ہر شخص ابھی اِبہام کا شکار ہے اور اِسی کشمکش میں اک دوجے سے پوچھ گچھ کر رہے ہیں کہ شاید دوجے کو زیادہ پتہ ہے۔تمام دوستوں سے عرض کرنا چاہتا ہوں کہ ہم کوئی یکطرفہ فیصلہ نہیں کرنا چاہتے ہیں۔ اور آپ سے بھی گزارش ہے کہ رائے قائم کرنے میں جلدی نہ کریں۔ ہمارے مستقبل کے منصوبوں کے بارے میں جن دوستوں کو تحفظات ہیں، میں انہیں سمجھ سکتا ہوں۔ جب ہم نے پی ایچ پی بی بی سے وی بلیٹن پر شفٹ کیا تھا، وہ تبدیلی بھی کئی لوگوں کو پسند نہیں آئی تھی۔ یہی معاملہ تقریبا ہر تبدیلی کے موقعے پر رہا ہے۔ اس مرتبہ ہمارا پلان قدرے ریڈیکل نوعیت کا ہے اور یقینا اس سے کچھ کنفیوژن بھی پھیلی ہوئی ہے۔ ابھی ہمیں وقت نہیں ملا ہے کہ ہم نئی سائٹ کے بارے میں تفصیل سے بات کر سکیں۔ ہو سکتا ہے کہ ایک مرتبہ مزید تفصیلات جاننے کے بعد آپ کے تحفظات دور ہو جائیں۔ اس کے بعد بھی اگر ہمیں لگا کہ اکثریت کی رائے موجودہ سیٹ اپ کو برقرار رکھنے کی ہے تو ہم اس کی مخالفت نہیں کریں گے۔ لیکن پلیز ابھی سے نئے منصوبوں کے خلاف محاذ کھڑا نہیں کریں۔
ہماری تو یہی دعا ہے کہ تبدیلی ہمیں موجودہ محفل سے زیادہ اچھی لگے۔
نبیل بھائی!! محاذ تو کوئی بھی کھڑا نہیں کر رہا۔
آپ کو کم از کم اتنا یقین تو ہونا چاہیے کہ جو لوگ رائے دے یا لے رہے ہیں وہ محاذ آرائی کی طرف نہ جائیں گے۔ یہ موضوع کچھ تشویش یا اردو محفل سے انسیت کے باعث ڈسکس ہو رہا ہے نہ کہ ہنگامہ آرائیوں کے لیے۔لاریب بہن، آراء شوق سے دیں۔ محاذ کھڑے ہونے میں دیر کہاں لگتی ہے، اسی لیے درخواست کی تھی۔
اس کا خطرہ اس لیے بھی ہے کہ ہماری طرف سے اپڈیٹ ملنے میں تاخیر ہو سکتی ہے اور اسی لیے قیاس آرائیاں بھی زیادہ ہوں گی۔
یا تو یہ آپ اعلان کر دیجیے کہ اس لڑی میں ہمارے فیصلے کی خلاف رائے ہر گز ہر گز نہ دی جائے چاہے وہ تشویش بھری ہی ہو۔
ہماری نیک خواہشات آپ کے ساتھ ہیں۔جی بالکل اعلان کیا جاتا ہے کہ تشویش کا اظہار بالکل نا کیا جائے۔
ہماری نیک خواہشات آپ کے ساتھ ہیں۔
اگرچہ میں سمجھ سکتا ہوں کہ ڈسکورس کے ڈیویلپرز نے یہ فیصلہ کیوں کیا لیکن انٹرنیشنلائزیشن اور لوکلائزیشن کے اعتبار سے یہ ان کی ایک بھیانک غلطی ہے۔ یونیکوڈ یوزرنیم پر کافی قدغن لگانے کی ضرورت ہے کہ یونیکوڈ حروف میں بہت کچھ شامل ہے لیکن اسے آسکی تک محدود کرنا دنیا کی کافی زبانوں کو مکمل طور پر سپورٹ نہ کرنے کے برابر ہے اور آج سے دس پندرہ سال پہلے کی سافٹویر اور انٹرنیٹ کی یاد دلاتا ہے۔
اسی وجہ سے یہ موازنہ کیا تھا۔ اکثر اوقات جب پروگرامر یہ سمجھتے ہیں کہ کوئی فیلڈ محض آسکی میں ہو گا تو وہ جا بجا کوڈ اسی طرح لکھتے ہیں اور اس کے اثرات ہر طرف ہوتے ہیں۔ یہ بات موویبل ٹائپ اور پی ایچ پی بی بی کو یونیکوڈ اردو کے لئے استعمال کرنے میں بھی سامنے آئی تھی کہ پیچ صرف ایک جگہ نہیں لگانا پڑتا تھا
جی ہاں، لیکن کچھ وقفے کے بعد، کیونکہ ترجمہ اور اردو ایڈیٹر کا اچھا خاصہ کام رہے گا۔
