ہمارا واسطہ مختلف قسم کے لوگوں سے پڑتا ہے۔ ایک طرح کے لوگوں سے پڑنے لگے تو یکسانیت ہی مار ڈالے۔ ہمیں وہ لوگ دھوکا دیتے ہیں۔ جنہیں ہم دھوکا نہیں دیتے۔ دھوکے سے بچنے کے لیئے دھوکہ دینے کے تمام اصول پتہ ہونے چاہیئے۔ اگر آپ دھوکا دینا نہیں جانتے تو دھوکا کھانا آپکا فرض عین ہے۔
ہمیں وہ لوگ پیار کرتے ہیں جنکا فرض ہے کہ وہ ہمیں پیار کریں۔ بعض دفعہ وہ انسان جسکو ہم نظر انداز کرتے ہیں ہمیں اس وقت نظر انداز کر کے اپنے گھٹیا پن کا ثبوت دیتا ہے جب ہم اسے نظر انداز نہیں کر رہے ہوتے۔ اور ہمیں رونے پر مجبور کر دیتا ہے۔ لہذا حساب برابر ہو جاتا ہے۔ کچھ لوگ اس وقت چھوڑ دیتے ہیں جب ہماری توقعات ان سے ضرورت سے زیادہ ہو جاتیں ہیں۔ لہذا بندے کو چاہیئے کہ پہلے ہی اپنی توقعات کم رکھے تا کہ بعد میں سر پر راکھ مل کر نہ بھاگا پھرے۔ اور کچھ لوگ اتنے چپکو ہوتے ہیں کہ آپ کے بارہا منع کرنے کے باوجود آپکے سر پر سوار رہتے ہیں۔ یہی زندگی کا فلسفہ ہے۔ اور یہی جاری رہے گا۔
"زیادہ سر کھپانے کے نقصانات" از نیرنگ خیال سے اقتباس
