دھُن کا پکا مکوڑا

[محمد خلیل الرحمٰن]

دھُن کا پکا مکوڑا

از محمد خلیل الرحمٰن

چھوٹا سا یہ ایک مکوڑا
دوڑا دوڑا دوڑا دوڑا

اپنی دھن کا پکا ہے یہ
اپنے رستے چلتا ہے یہ

دانا رستے میں اِک پایا
اُس کو اپنے سر پہ اُٹھایا

جونہی میرے سامنے آیا
میں نے پھونک سے دور ہٹایا

گِر کر اُٹھا، اُٹھ کر سنبھلا
اپنے رستے چلنا چاہا

میں نے ہاتھ سے اس کو روکا
اُس نے میرے ہاتھ پہ کاٹا

درد سے چیخا، میں گھبرایا
میں نے اُس کا رستہ چھوڑا

اُس نےجونہی موقع پایا
اپنے رستے وہ لوٹ آیا​

 

[محمد خلیل الرحمٰن]

یہ تو بہت بہترین نظم ہوگئی سر جی۔۔۔
اب آپ سے ایک ’’مکوڑے‘‘ پر بھی نظم لکھنے کی فرمائش ہے۔۔۔
اگر مکوڑا برا نہ مانے تو!!!

سرگوشی

اگر مان جائے تو عنوان رکھیے گا۔۔۔
سرکش مکوڑا!!

لیجیے آپ کی فرمائش پر نظم پیشِ خدمت ہے!

 

[یاسر شاہ]

ماشاء اللہ خلیل بھائی بہت خوب ۔

دوڑا دوڑا دوڑا دوڑا

اس مصرع میں کچھ کسر ابھی باقی ہے۔چار بار" دوڑا" کچھ جچ نہیں رہا۔

 

[محمد خلیل الرحمٰن]

ماشاء اللہ خلیل بھائی بہت خوب ۔

اس مصرع میں کچھ کسر ابھی باقی ہے۔چار بار" دوڑا" کچھ جچ نہیں رہا۔

پسندیدگی پر شکریہ قبول کیجیے۔

اس مصرع کو یوں کردیں تو؟

میرے سامنے آیا دوڑا/ میرے سامنے چلتا آیا

نیز یہ مشورہ بھی دیجیے کہ کیا یہ مندرجہ ذیل شعر کا اضافہ کیا جائے؟

میں اک دن دالان میں بیٹھا
جانے کیا کچھ سوچ رہا تھا

 

[یاسر شاہ]

ہ مشورہ بھی دیجیے کہ کیا یہ مندرجہ ذیل شعر کا اضافہ کیا جائے؟

میں اک دن دالان میں بیٹھا
جانے کیا کچھ سوچ رہا تھا

خوب رہے گا اضافہ بلکہ ایک اور شعر اضافہ کر دیں جس میں یہ نظم ایک سبق آموز واقعہ ہو جائے:
میں اک دن دالان میں بیٹھا
جانے کیا کچھ سوچ رہا تھا

دل تھا میرا یاس میں ڈوبا
سوچتے سوچتے میں نے دیکھا

ننھا منا ایک مکوڑا
جاتا تھا کہیں دوڑا دوڑا

اپنی دھن کا پکا تھا وہ
اپنے رستے چلتا تھا وہ

باقی سب یوں ہی رکھیں۔

 

[سید عمران]

دھُن کا پکا مکوڑا

از محمد خلیل الرحمٰن

چھوٹا سا یہ ایک مکوڑا
دوڑا دوڑا دوڑا دوڑا

اپنی دھن کا پکا ہے یہ
اپنے رستے چلتا ہے یہ

دانا رستے میں اِک پایا
اُس کو اپنے سر پہ اُٹھایا

جونہی میرے سامنے آیا
میں نے پھونک سے دور ہٹایا

گِر کر اُٹھا، اُٹھ کر سنبھلا
اپنے رستے چلنا چاہا

میں نے ہاتھ سے اس کو روکا
اُس نے میرے ہاتھ پہ کاٹا

درد سے چیخا، میں گھبرایا
میں نے اُس کا رستہ چھوڑا

اُس نےجونہی موقع پایا
اپنے رستے وہ لوٹ آیا​

بہت بہت بہت اچھی نظم ہے سر جی۔۔۔
البتہ ایک کمی شدت سے محسوس ہوئی۔۔۔
مکوڑے کے گٹکے کا ذکر تو کیاہی نہیں!!!

 

[محمد خلیل الرحمٰن]

مکوڑے کے گٹکے کا ذکر تو کیاہی نہیں!!!

گٹکا؟

 

[محمد خلیل الرحمٰن]

گویا اب اس نظم کی کچھ یہ صورت بنی!

دھن کا پکا مکوڑا

از محمد خلیل الرحمٰن


میں اک دن دالان میں بیٹھا
جانے کیا کچھ سوچ رہا تھا

دل تھا میرا یاس میں ڈوبا
سوچتے سوچتے میں نے دیکھا

ننھا منا ایک مکوڑا
جاتا تھا کہیں دوڑا دوڑا

اپنی دھن کا پکا تھا وہ
اپنے رستے چلتا تھا وہ

جونہی میرے سامنے آیا
میں نے پھونک سے دور ہٹایا

گِر کر اُٹھا، اُٹھ کر سنبھلا
اپنے رستے چلنا چاہا

میں نے ہاتھ سے اس کو روکا
اُس نے میرے ہاتھ پہ کاٹا

درد سے چیخا، میں گھبرایا
میں نے اُس کا رستہ چھوڑا

اُس نےجونہی موقع پایا
اپنے رستے وہ لوٹ آیا​

 

[سید عمران]

گٹکا؟

گٹکا۔۔۔
کھانے والا۔۔۔
جو ننھا سا مکوڑا بڑے شوق سے کھاتا ہے!!!

سرگوشی

آپ کو سمجھانے کے لیے ہمیں کتنی محنت کرنی پڑی!!!

 

[گُلِ یاسمیں]

میں نے ہاتھ سے اس کو روکا
اُس نے میرے ہاتھ پہ کاٹا

بہت اچھی نظم ہے۔
یہ دو مصرعے ہمارے درد کی عکاسی کر رہے ہیں۔ بس انھیں لے کر دوسری لڑی میں جا رہے ہیں ۔

 

[یاسر شاہ]

گویا اب اس نظم کی کچھ یہ صورت بنی!

دھن کا پکا مکوڑا

از محمد خلیل الرحمٰن


میں اک دن دالان میں بیٹھا
جانے کیا کچھ سوچ رہا تھا

دل تھا میرا یاس میں ڈوبا
سوچتے سوچتے میں نے دیکھا

ننھا منا ایک مکوڑا
جاتا تھا کہیں دوڑا دوڑا

اپنی دھن کا پکا تھا وہ
اپنے رستے چلتا تھا وہ

جونہی میرے سامنے آیا
میں نے پھونک سے دور ہٹایا

گِر کر اُٹھا، اُٹھ کر سنبھلا
اپنے رستے چلنا چاہا

میں نے ہاتھ سے اس کو روکا
اُس نے میرے ہاتھ پہ کاٹا

درد سے چیخا، میں گھبرایا
میں نے اُس کا رستہ چھوڑا

اُس نےجونہی موقع پایا
اپنے رستے وہ لوٹ آیا​

خلیل بھائی کہاں گم ہوگئے بھیڑ میں ۔تشریف لائیے تازہ کلام کے ساتھ ،آپ کی یاد آتی ہے۔