دہر میں اسمِ محمد ﷺ سے اجالا کردے

[ام اویس]

جزاک اللہ ۔۔۔عمدہ۔۔۔
یہ نعت آپ نے لکھی ہے ؟

جی
ناچیز کا نام نزہت ہے

 

[فرقان احمد]

منیر نیازی مرحوم کی دو مختلف غزلوں سے یہ دو اشعار وجد کی کیفیت طاری کر دیتے ہیں۔ سوچا کہ اس لڑی میں ان اشعار کی شراکت کر لی جائے۔۔۔!

بیٹھ جائیں سایۂ دامان احمدؐ میں منیرؔ
اور، پھر سوچیں وہ باتیں، جن کو ہونا ہے ابھی!

-

فروغِ اسمِ محمدؐ ہو بستیوں میں منیرؔ
قدیم یاد، نئے مسکنوں سے پیدا ہو۔۔۔!

 

[یاسر شاہ]

ایک شعر ادنیٰ سی کوشش ،
گلہائے عقیدت رسول اللہ ﷺکی بارگار عالی
میں پیش کرنے کی جسارت کر رہا ہوں ،
اللہ کریم کمی بیشی کو معاف فرمائیں ۔آمین

جو عشق مرسلیںﷺ میں زندگی گزارا کرتے ہیں
وہی تو اصل قرض زندگی کا اتارا کرتے ہیں

واہ صاحب !بہت خوب خیال ہے -ذرا سا الفاظ کے ہیر پھیر سے وزن بھی ٹھیک ہو جائے گا :

جو عمر عشقِ نبیﷺ میں گزارا کرتے ہیں
وہی تو زندگی کا قرض اتارا کرتے ہیں


مزید اشعار اس زمین میں کہیں تو پوری نعت ہو جائے گی -

 

[جاسمن]

انتہائی شکرگزار ہوں کہ مجھے یہاں دعوت دی گئی ۔۔۔میری ایک جسارت پیش خدمت ہے۔۔

نذرانۂِ عقیدت
بحضور سرورِ کائنات ﷺ

روز گلہائے عقیدت بھیجتا ہوں اس طرف
"گر قبول افتد زہے عزّ و شرف"


مرے لب پہ صلِّ علی ٰ رہے مرے دل میں عشقِ رسولﷺ ہو
یہی ہو وظیفۂِ روز و شب یہی زندگی کا اصول ہو

میں پڑھوں درود و سلام اور پھر اٹھاؤں ہاتھ دعا کو جب
ملے نام انﷺ کا دعا ؤں میں تو مری دعا بھی قبول ہو

کبھی حاضری کا جو اذن ہو مجھے ان ﷺکے روضۂِ پاک پر
جو وہاں ہو پیشِ نظر مرے وہ بس اک نظر کا حصول ہو

میں گدائے رحمتِ دو جہاں ﷺمیں غبارِ راہِ حضور ﷺہوں
وہ ﷺجو ملتفت ہوں مری طرف مرا دل کبھی نہ ملول ہو

مرے رب مری ہے یہ التجا درِمصطفیٰ ﷺسے جڑا رہوں
مری ذات میرے عیال پر تری رحمتوں کا نزول ہو

سعید سعدی (نومبر 2018 )

سبحان اللہ۔

 

[جاسمن]

منیر نیازی مرحوم کی دو مختلف غزلوں سے یہ دو اشعار وجد کی کیفیت طاری کر دیتے ہیں۔ سوچا کہ اس لڑی میں ان اشعار کی شراکت کر لی جائے۔۔۔!

بیٹھ جائیں سایۂ دامان احمدؐ میں منیرؔ
اور، پھر سوچیں وہ باتیں، جن کو ہونا ہے ابھی!

-

فروغِ اسمِ محمدؐ ہو بستیوں میں منیرؔ
قدیم یاد، نئے مسکنوں سے پیدا ہو۔۔۔!

سبحان اللہ!
واقعی ایسا ہی ہے۔

 

[جاسمن]

آپ نے اچھا یاد دلایا ۔ متذکرہ لڑی میں اس حقیر نے بھی حاضری کی سعادت پائی تھی اور بے ساختہ پنجابی میں کچھ الفاظ ادا ہو گئے تھے۔ پیش خدمت ہیں۔۔۔

میں نوکر سوہنے یار دی، میرے چار چُفیرے رنگ
ما زاغ البصر دی اکّھ نے، مینوں کیتا مست ملنگ

جدوں ویکھاں اپنے آپ نوں میرا رووے اک اک انگ
نہ ناں لین دا چج اے نہ شعر لکھن دا ڈھنگ

سبحان اللہ۔
بہت خوبصورت۔

 

[جاسمن]

نعتِ رسولِ مقبول صلی اللہ علیہ و سلم


اطیب و احسن ، اجود و احکم ، صلی اللہ علیہ و سلم
اعلیٰ و اولیٰ ، انسب و احلَم ، صلی اللہ علیہ و سلم

اجمل و اطہر ، اشرف و اسلم ، صلی اللہ علیہ و سلم
انور و ارفع ، احمد و اکرم ،صلی اللہ علیہ و سلم

وجہِ وجودِ غائب و حاضر ، دنیا و عُقبیٰ جن کی خاطر
باعثِ تکوینِ دو عالَم ، صلی اللہ علیہ و سلم

خلق نبی کا سارا ہی قرآں ، رشکِ قمر ہے چہرہِ تاباں
ماہِ منوّر ، نورِ مجسّم ، صلی اللہ علیہ و سلم

حرفِ کُن کا نتیجہِ اوّل ، سب نبیوں سے بالا و افضل
راحتِ عالَم ، عالِم و اعلَم ، صلی اللہ علیہ و سلم

صاحبِ لطف و عطائے بے حد ، باعثِ نور و ضیائے بے حد
صدق و صفا کا پیکرِ اعظم ، صلی اللہ علیہ و سلم

ہادیِ مرسل ، مہرِ درخشاں ، شاہدِ حق وہ مہرِ فروزاں
جُود و سخا کا بحرِ مجسّم ، صلی اللہ علیہ و سلم

سِدرہ جن کی گردِ سفر میں ، لوح و قلم بھی جن کی نظر میں
ساقیِ کوثر ، مالکِ زمزم ، صلی اللہ علیہ و سلم

چارہِ دردِ جگر بھی وہ ہیں ، قاطعِ شرک و کُفر بھی وہ ہیں
سب کے منعِم ، رب کے منعَم ، صلی اللہ علیہ و سلم

واقفِ سرِّ خدائے تعالیٰ ، عالَمِ کُل میں یکتا و بالا
مرکزِ مژدۂ دائمِ بے دَم ، صلی اللہ علیہ و سلم

غلام مصطفیٰ دائم اعوان

سبحان اللہ۔
خوبصورت۔

 

[جاسمن]

ایک شعر ادنیٰ سی کوشش ،
گلہائے عقیدت رسول اللہ ﷺکی بارگار عالی
میں پیش کرنے کی جسارت کر رہا ہوں ،
اللہ کریم کمی بیشی کو معاف فرمائیں ۔آمین

جو عشق مرسلیںﷺ میں زندگی گزارا کرتے ہیں
وہی تو اصل قرض زندگی کا اتارا کرتے ہیں

سبحان اللہ۔
حقیقت ہے حقیقت!

 

[جاسمن]

افتخاررحمانی فاخر گنہ گار و عاصی اس لائق بھی نہیں کہ شہنشاہ کونین صلی اللہ علیہ وسلم کی بارگاہ میں نذرانہ عقیدت پیش کرسکے۔لیکن جب اس کے ثواب حاصل کرنے اور سعادت پانے کی دعوت دی گئی ہے تو اس سے بھلا کیسے پیچھے رہا جاسکتا ہے ؟ لیجئے ! معروف شاعر اور شہنشاہ تغزل حضرت جگر مرادآبادی کی مشہور اور تاریخ ساز نعت پیش ہے ۔ یہ وہی نعت پاک ہے جسے جگر ؔ مرادآبادی نے اجمیرکے نعتیہ مشاعرہ میں پڑھی تھی ۔
اک رند ہے اور مدحتِ سلطان مدینہ
ہاں کوئی نظر رحمتِ سلطان مدینہ

دامان نظر تنگ و فراوانیِ جلوہ
اے طلعتِ حق طلعتِ سلطانِ مدینہ

اے خاکِ مدینہ تری گلیوں کے تصدق
تو خلد ہے تو جنت ِسلطان مدینہ

اس طرح کہ ہر سانس ہو مصروفِ عبادت
دیکھوں میں درِ دولتِ سلطانِ مدینہ

اک ننگِ غمِ عشق بھی ہے منتظرِ دید
صدقے ترے اے صورتِ سلطان مدینہ

کونین کا غم یادِ خدا ور شفاعت
دولت ہے یہی دولتِ سلطان مدینہ

ظاہر میں غریب الغربا پھر بھی یہ عالم
شاہوں سے سوا سطوتِ سلطان مدینہ

اس امت عاصی سے نہ منھ پھیر خدایا
نازک ہے بہت غیرتِ سلطان مدینہ

کچھ ہم کو نہیں کام جگر اور کسی سے
کافی ہے بس اک نسبت ِسلطان مدینہ

(جگر مراد آبادی)

سبحان اللہ!

 

[جاسمن]

ابھی چند روز پہلے یہ نعت اصلاح سے گزری ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نبی ﷺ ہمارے اگر نہ ہوتے بنا یہ سارا جہاں نہ ہوتا
کبھی یہ دنیا بنی نہ ہوتی کبھی یہ سارا سماں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خدا نے ہم سے یہی کہا ہے نبی کی خاطر جہاں بنایا
اگر ہمارے نبیﷺ نہ ہوتےتو پھر یہ کون و مکاں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہمیں ملی ہے یہ زندگی ہم خدا کی اپنے کریں عبادت
ہمیں بنایا اسی لئے ہے جہاں کا ورنہ گماں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ علم و حکمت کی روشنی تو ملی ہے ہم کو نبی سے اپنے
یہاں جہالت کا راج ہوتا یہ علم سارا یہاں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نبی ﷺ ہمارے خدا کی رحمت عطا کئے ہیں خدا نے ہم کو
نبی کے دم سے جہاں میں رونق، ورنہ ایسا سماں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اُنیں کا صدقہ ملی ہے دنیا انہیں کا صدقہ ملے گی جنّت
انہیں کےصدقے میں جی رہا ہوں،یہاں تو میرا نشاں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ چاند تارے یہ کہکشاں بھی زمیں پہ ساری یہ کھیتیاں بھی
جہاں ہے انہیں کے دم سے کبھی بنا آسماں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفا کا ارشد یہی تقاضا رہے محبّت نبی کی دل میں
اُنہیں کی خاطر بنا ہے سب کچھ نبی ﷺ نہ ہوتے جہاں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سبحان اللہ۔
نبی نہ ہوتے جہاں نہ ہوتا۔۔۔
بہت خوبصورت۔

 

[ارشد چوہدری]

بہت شکریہ

 

[محمد عدنان اکبری نقیبی]

واہ صاحب !بہت خوب خیال ہے -ذرا سا الفاظ کے ہیر پھیر سے وزن بھی ٹھیک ہو جائے گا :

جو عمر عشقِ نبیﷺ میں گزارا کرتے ہیں
وہی تو زندگی کا قرض اتارا کرتے ہیں


مزید اشعار اس زمین میں کہیں تو پوری نعت ہو جائے گی -

ان شاءاللہ ،
یاسر بھائی میں ضرور کوشش کروں گا ۔

 

[محمد عدنان اکبری نقیبی]

سبحان اللہ۔
حقیقت ہے حقیقت!

شکریہ آپی ،

 

[محمد خلیل الرحمٰن]

ھد یہ نعت بحضورِ سرورِ کائینات ( صلی اللہ علیہ و سلم
از محمد خلیل الر حمٰن

زمیں پہ نازشِ انساں محمد عربی
فلک پہ نور کا ساماں محمدِ عربی

دکھی دلوں کے لیے چارہ ساز ذکرِ نبی
ہر ایک درد کا درماں محمدِ عربی

تمہارے دم سے ہے ’’ تصویرِ کائینات میں رنگ‘‘
تمہی حیات کا عنواں محمدِ عربی

مٹے ہیں فاصلے کون و مکاں کے آج کی شب
ہیں آج عرش پہ مہماں محمدِ عربی

ہر امّتی کی شفاعت خدا کی مرضی سے
تمہاری شان کے شایاں محمدِ عربی

شفیعِ امّتِ مرحوم، ھادیئ برحق
گواہ آپ کا قرآں محمدِ عربی

تمہارے بعد نہ ہوگا کوئی خدا کا نبی
ہیں آپ ختمِ رسولاں محمدِ عربی

خلیل کو بھی دکھا دیجیے رخِ انور
اسے ہے بس یہی ارماں محمدِ عربی

( کالج کے زمانے کی لکھی ہوئی ایک نعت

ھد یہ نعت بحضورِ سرورِ کائینات ( صلی اللہ علیہ و سلم
از محمد خلیل الر حمٰن

زمیں پہ نازشِ انساں محمد عربی
فلک پہ نور کا ساماں محمدِ عربی
دکھی دلوں کے لیے چارہ ساز ذکرِ نبی
ہر ایک درد کا درماں محمدِ عربی
تمہارے دم سے ہے ’’ تصویرِ کائینات میں رنگ‘‘
تمہی حیات کا عنواں محمدِ عربی
مٹے ہیں فاصلے کون و مکاں کے آج کی شب
ہیں آج عرش پہ مہماں محمدِ عربی
ہر امّتی کی شفاعت خدا کی مرضی سے
تمہاری شان کے شایاں محمدِ عربی
شفیعِ امّتِ مرحوم، ھادیئ برحق
گواہ آپ کا قرآں محمدِ عربی
تمہارے بعد نہ ہوگا کوئی خدا کا نبی
ہیں آپ ختمِ رسولاں محمدِ عربی
خلیل کو بھی دکھا دیجیے رخِ انور
اسے ہے بس یہی ارماں محمدِ عربی
( کالج کے زمانے کی لکھی ہوئی ایک نعت

 

[اکمل زیدی]

تمہارے دم سے ہے ’’ تصویرِ کائینات میں رنگ‘‘

بہت عمدہ۔۔خلیل بھائی ۔۔۔ماشاءاللہ ۔۔۔جزاک اللہ۔۔۔

 

[اکمل زیدی]

جی
ناچیز کا نام نزہت ہے

کیا بات ہے ۔۔۔آپا۔۔نزہت ۔ ۔ ۔ ۔۔جزاک اللہ۔۔۔

 

[سید عمران]

کاش کہ اس قابل ہوتا کہ اپنے شکستہ قلم سے آقا دو جہاںﷺ کی بارگاہ میں نذرانہ عقیدت پیش کر سکتا!

آپ قلم اٹھائیں۔۔۔
شکستگی اس دربار میں سرفرازی کا نام ہے!!!

 

[سیما علی]

اک ادنیٰ سی کوشش ابھی کہ ابھی ۔ ۔ ۔ آپ کے حسن نظر کی نذر

کوئی اعلیٰ کوئی عمدہ سی بات کہوں
دل نے باندھا ارادہ کے نعت کہوں

جب دیکھو فرشتے چلے آتے ہیں در پر
روز مرہ میں کیوں نہ اسے عادات کہوں

ہر وصف انسانی کو جہاں معراج ملی
کیا لب کشائی ہو کیا انکے کمالات کہوں

وہ رب عالمیں کا تو عالمیں کی رحمت
اور جانشین کو مولائے کائنات کہوں

جو شہ لولاک کے میلاد کا دن ہے
اس دن کو نہ کیوں اِبلیس کی مات کہوں

لفظوں کا اس طرح سے جوڑنا اکمل
حضور ﷺکی تم پراسکو التفات کہوں

سبحان اللّہ سبحان اللّہ

 

[محمد خلیل الرحمٰن]

بہت عمدہ۔۔خلیل بھائی ۔۔۔ماشاءاللہ ۔۔۔جزاک اللہ۔۔۔

آداب عرض ہے اکمل بھائی

 

[ارشد چوہدری]

خلیل بھائی ماشاءاللہ بہت خوبصورت نعت لکھی ہے آپ نے۔بہت کچھ سیکھنے کو ملا