دیئے گئے لفظ پر شاعری - دوسرا دور

[صاد الف]

آنکھ میں بوند بھر جو پانی ہے
پیار کی ۔،اِک یہی نشانی ہے

دن بدلے مہینوں میں ،مہینے بن گئے آخرسال
نہ آیا اُس کو میرا خیال ، نہ آیا اُس کو میرا خیال

آیا

دیکھا ہلالِ عید تو آیا تیرا خیال ۔۔ ۔۔
وہ آسماں کا چاند ہے تو میرا چاند ہے

ہلال

 

[شکیل احمد خان23]

کچھ اور دے نہ پائے زمانہ۔۔کو ہم ہلالؔ پیغام امن دیں گے اسی شاعری سے ہم

ہلؔال بدایونی کے چند دیگر خوبصورت اشعار

موجود میرے دل میں تمہاری جو یاد ہے یہ میری ملکیت ہے مری جائیداد ہے​

جب چھوا ہوگا اس نے پھولوں کو ہوش خوشبو کے اڑ گئے ہوں گے​

شاعری

 

[فوزیہ افضل]

محبت اب نہیں ہوگی یہ کچھ دن بعد میں ہوگی
گزر جائیں گے جب یہ دن یہ ان کی یاد میں ہوگی
منیر نیازی

دن

جس دن کی راہ دیکھی انشا اتنے برسوں آج اور کل
وہ دن آیا اور بیت گیا من پھر بھی رہا بوجھل بوجھل
ابن انشا

آج

 

[فوزیہ افضل]

دیکھا ہلالِ عید تو آیا تیرا خیال ۔۔ ۔۔
وہ آسماں کا چاند ہے تو میرا چاند ہے

ہلال

لوگ ہلال شام سے بڑھ کر پل میں ماہ تمام ہوےّ
ہم ہر برج میں گھٹتے گھٹتے صبح تک گمنام ہوےّ


صبح

 

[شکیل احمد خان23]

صبح

خوشی جس نے کھوجی وہ دھن لے کے لوٹا
ہنسی جس نے کھوجی ۔۔،چمن لے کے لوٹا
مگر پیارکو کھوجنے جو چلا وہ۔۔۔۔۔۔۔۔۔۔۔۔۔۔۔۔
نہ من لے کے لوٹا۔۔۔ نہ تن لے کے لوٹا
صبح نہ آئی ۔۔۔۔۔۔۔۔۔۔۔شام نہ آئی
جس دن تیری یاد نہ آئی،۔۔،۔۔یاد نہ آئی

آئی

 

[صاد الف]

آئی

کس نے بھیگے ہوئے بالوں سے یہ جھٹکا پانی
جھوم کے آئی گھٹا ٹوٹ کے برسا پانی
آرزو لکھنوی

جھوم

 

[فوزیہ افضل]

ساز ہ

کس نے بھیگے ہوئے بالوں سے یہ جھٹکا پانی
جھوم کے آئی گھٹا ٹوٹ کے برسا پانی
آرزو لکھنوی

جھوم

ساز ہستی پہ ابھی جھوم کے گا لے مجھ کو
زندگی سے یہ کہو اور نہ ٹالے مجھ کو
میں نے تو صبح درخشاں کی دعا مانگی تھی
کیوں ملے زرد چراغوں کے اجالے مجھ کو

زندگی

 

[شکیل احمد خان23]

غم نہیں کر مسکرا جینے کا لے لے مزا
نادان ۔یہ زندگی ہے۔ خوبصورت بلا

یہ

 

[سیما علی]

غم نہیں کر مسکرا جینے کا لے لے مزا
نادان ۔یہ زندگی ہے۔ خوبصورت بلا

یہ

یہ شہرِ دل ہے شوق سے رہیے یہاں مگر
اُمیدِ انتظام نہیں آپ سے مجھے

فرصت ہے اور شام بھی گہری ہے کس قدر
اِس وقت کچھ کلام نہیں آپ سے مجھے

ناصر کاظمی

کلام

 

[صاد الف]

کلام

بہت دنوں میں مرے گھر کی خاموشی ٹوٹی
خود اپنے آپ سے اک دن کلام میں نے کیا
سعود عثمانی

خاموشی

 

[فوزیہ افضل]

یہ شہرِ دل ہے شوق سے رہیے یہاں مگر
اُمیدِ انتظام نہیں آپ سے مجھے

فرصت ہے اور شام بھی گہری ہے کس قدر
اِس وقت کچھ کلام نہیں آپ سے مجھے

ناصر کاظمی

کلام

ہمیں سے اپنی نوا ہم کلام ہوتی رہی
یہ تیغ اپنے لہو نیام ہوتی رہی
مقابل صف اعدا جسے کیا آغاز
وہ جنگ اپنے ہی دل میں تمام ہوتی رہی
فیض احمد فیض

لہو

 

[صاد الف]

لہو

ہوتی نہیں ہے یوں ہی ادا یہ نماز عشق
یاں شرط ہے کہ اپنے لہو سے وضو کرو
خلیل الرحمٰن اعظمی

وضو

 

[سیما علی]

ہوتی نہیں ہے یوں ہی ادا یہ نماز عشق
یاں شرط ہے کہ اپنے لہو سے وضو کرو
خلیل الرحمٰن اعظمی

وضو

یہ بات بات پہ زاہد جو ٹوٹ جاتا ہے
دل حزیں بھی ہمارا ترا وضو کیا ہے
دل حزیں

 

[سیما علی]

دل حزیں کو تمنا ہے مسکرانے کی
یہ رت خوشی کی ہے یا ریت ہے زمانے کی

بنا گئیں اسے پیچیدہ نت نئی شرحیں
کھلی ہوئی تھی حقیقت مرے فسانے کی

حقیقت

 

[شکیل احمد خان23]

وضو

تردامنی پہ شیخ ۔۔۔ہماری نہ جائیو
دامن نچوڑ دیں تو فرشتے وضو کریں

حقیقت

کبھی ۔اے۔ حقیقتِ ۔مُنتَظَر۔ نظر ۔آ۔لباسِ مجاز میں
کہ ہزاروں سجدے تڑپ رہے ہیں مری جبینِ نیاز میں

ہر انسانی آنکھ اپنے رب کو دیکھنے کی مشتاق ہے مگر یہی اِنسان کا امتحان ہے کہ وہ اپنے خالق کو بغیر دیکھے ہی مانے۔۔۔​

ہزاروں

 

[شمشاد]

ہزاروں خواہشیں ایسی کہ ہر خواہش پہ دم نکلے
بہت نکلے مرے ارمان لیکن پھر بھی کم نکلے
مرزا غالب

ارمان

 

[شکیل احمد خان23]

یہی ارمان لے کر آج اپنے گھر سے ہم نکلے
جہاں ہے زندگی اپنی اُسی کوچے میں دم نکلے

اُسی

 

[صاد الف]

اُسی

سنتے ہیں عشق نام کے گزرے ہیں اک بزرگ
ہم لوگ بھی فقیر اُسی سلسلے کے ہیں
فراق گورکھپوری

بزرگ

 

[شکیل احمد خان23]

بزرگ

اپنی جیبوں سے رہیں سارے نمازی ،ہشیار
اک بزرگ آتے ہیں مسجد میں خضر کی صورت

اپنی

 

[فوزیہ افضل]

اپنی جیبوں سے رہیں سارے نمازی ،ہشیار
اک بزرگ آتے ہیں مسجد میں خضر کی صورت

اپنی

اپنی افسردہ مزاجی کا برا ہو کہ فراز
واقعہ کوئی بھی ہو آنکھ کو بھر جانا ہے
احمد فراز

آنکھ