دیوان (ناصر کاظمی)

[وہاب اعجاز خان]

۔۔۔۔۔۔۔۔۔۔۔۔۔۔۔۔۔۔


متفرق اشعار

۔۔۔۔۔۔۔۔۔۔۔۔۔۔۔۔

 

[وہاب اعجاز خان]

۔۔۔۔۔۔۔۔۔۔۔۔۔۔

ہر ایک شکل کو دل سے نکال کر رکھا
یہ آئنہ تری خاطر سنبھال کر رکھا

جو دل دکھا بھی تو ہونٹوں نے پھول برسائے
خوشی کو ہم نے شریکِ ملال کر رکھا

۔۔۔۔۔۔۔۔۔۔۔۔۔۔۔۔۔

ہم سبو گھر سے نکلتے ہی نہیں اب ناصر
میکدہ رات گئے اب بھی کھلا ہوتا ہے

۔۔۔۔۔۔۔۔۔۔۔۔۔۔۔۔۔۔​

 

[وہاب اعجاز خان]

۔۔۔۔۔۔۔۔۔۔۔۔

اہل خرد کے ماضی و حال
چند کتابیں چند خیال

دکھ کی دھوپ میں یاد آئے
تیرے ٹھنڈے ٹھنڈے بال

۔۔۔۔۔۔۔۔۔۔۔۔

تیرے بغیر بھی خالی نہیں مری راتیں
ہے ایک سایہ مرے ساتھ ہمنشیں کی طرح

۔۔۔۔۔۔۔۔۔۔۔۔۔۔۔۔۔۔۔​

 

[وہاب اعجاز خان]

۔۔۔۔۔۔۔۔۔۔

قصے تیری نظر نے سنائے نہ پھر کبھی
ہم نے بھی دل کے داغ دکھائے نہ پھر کبھی

اے یادِ دوست آج تو جی بھر کے دل دکھا
شاید یہ رات ہجر کی آئے نہ پھر کبھی

۔۔۔۔۔۔۔۔۔۔۔۔۔۔۔۔

چاند نکلا تھا مگر رات نہ تھی پہلی سی
یہ ملاقات، ملاقات نہ تھی پہلی سی

رنج کچھ کم تو ہوا آج تیرے ملنے سے
یہ الگ بات کہ وہ بات نہ تھی پہلی سی

۔۔۔۔۔۔۔۔۔۔۔۔۔۔۔۔۔۔۔۔۔​

 

[وہاب اعجاز خان]

۔۔۔۔۔۔۔۔۔۔۔۔۔

آپ کیوں رک گئے چلتے چلتے
آپ کو میں نے بلایا تو نہ تھا

۔۔۔۔۔۔۔۔۔۔۔۔۔۔۔۔۔۔

میں تو بیتے دنوں کی کھوج میں ہوں
تو کہاں تک چلے گا میرے ساتھ

۔۔۔۔۔۔۔۔۔۔۔۔۔۔۔۔

چین سے بیٹھنے نہیں دیتی
موسمِ یاد کی اداس ہوا

۔۔۔۔۔۔۔۔۔۔​

 

[وہاب اعجاز خان]

۔۔۔۔۔۔۔۔۔۔۔۔

پھیلتی جاتی ہے ناصر رنجِ ہستی کی رِدا
اور سمٹتے جارہے ہیں پاوں پھیلانے کو ہم

۔۔۔۔۔۔۔۔۔۔۔۔۔۔۔۔۔۔

تمام عمر یونہی ہم نے دکھ اٹھایا ہے
زیادہ خرچ کیا اور کم کمایا ہے

۔۔۔۔۔۔۔۔۔۔۔۔۔۔۔۔​

 

[وہاب اعجاز خان]

۔۔۔۔۔۔۔۔۔۔۔۔۔۔

چار گھڑی یاروں کا میلہ، پھر خاموشی
پہروں تنہا بیٹھ کے رونا پھر خاموشی

اس سے تو ہم سوئے ہی رہتے صبح نہ ہوتی
نیند اڑا کر اڑ گئی چڑیا، پھر خاموشی

۔۔۔۔۔۔۔۔۔

ہوا بھی چل رہی ہے اور جاگتی ہے رات بھی
کوئی اگر کہے تو ہم سنائیں دل کی بات بھی

۔۔۔۔۔۔۔۔۔۔۔۔۔۔۔۔۔۔​

 

[وہاب اعجاز خان]

۔۔۔۔۔۔۔۔۔۔۔۔

میں دیکھتا ہوں تو بس دیکھتا ہی رہتا ہوں
وہ آئنے میں بھی اپنے ہی رنگ چھوڑ گیا

۔۔۔۔۔۔۔۔۔۔۔۔۔۔۔۔۔

یوں تو اے ہم سخنو بات نہیں کہنے کی
بات رہ جائے گی یہ رات نہیں کہنے کی

۔۔۔۔۔۔۔۔۔۔۔۔۔۔۔۔۔۔​

 

[وہاب اعجاز خان]

۔۔۔۔۔۔۔۔۔۔۔۔

نالہء آخرِ شب کس کو سناوں ناصر
نیند پیاری ہے مرے دور کے فنکاروں کو

۔۔۔۔۔۔۔۔۔۔۔۔۔۔۔

کہیں کہیں کوئی روشنی ہے
جو آتے جاتے سے پوچھتی ہے

کہاں ہے وہ اجنبی مسافر
کہاں گیا وہ اداس شاعر

۔۔۔۔۔۔۔۔۔۔​

 

[وہاب اعجاز خان]

۔۔۔۔۔۔۔۔۔۔۔۔۔۔۔

اختتام

۔۔۔۔۔۔۔۔۔۔۔۔۔۔۔۔۔۔۔