رات رو رو کے سو گئیں آنکھیں - مقسط ندیم

[فرخ منظور]

رات رو رو کے سو گئیں آنکھیں
چہرہء غم کو دھو گئیں آنکھیں

نیند کے نیم سبز کھیتوں میں
فصل خوابوں کی بو گئیں آنکھیں

دیکھ کر سنگدل زمانے کو
خود بھی پتھر کی ہو گئیں آنکھیں

رنج و غم کے سفید دھاگے میں
سرخ موتی پرو گئیں آنکھیں

دل کی بینائی سے جلا کے چراغ
سفرِ دید کو گئیں آنکھیں

پھر کسی نے تمہارا نام لیا
پھر کہیں دور کھو گئیں آنکھیں

اُس کی آنکھوں کی جھیل میں مقسط
دل کی ناؤ ڈبو گئیں آنکھیں

 

[محمد وارث]

شکریہ جناب شیئر کرنے کیلیئے

 

[فرخ منظور]

شکریہ وارث صاحب!

 

[فرحت کیانی]

دیکھ کر سنگدل زمانے کو
خود بھی پتھر کی ہو گئیں آنکھیں

واہ۔۔۔ بہت شکریہ سخنور

 

[ابوشامل]

دیکھ کر سنگدل زمانے کو
خود بھی پتھر کی ہو گئیں آنکھیں

مجھے بھی یہی شعر سب سے زیادہ پسند آیا ہے۔ پیش کرنے کا بہت شکریہ سخنور صاحب

 

[محمداحمد]

سخنور صاحب

بہت عمدہ انتخاب ہے، پڑھ کر بہت لطف آیا۔

شکریہ اس کرم فرمائی کے لیے

 

[ابوشامل]

ویسے اگر "غور" سے پڑھا جائے تو تمام اشعار "لوڈشیڈنگ" پر صادق نہيں آتے؟

 

[محمداحمد]

اس نئی روشنی میں پڑھیں تو غزل واقعی کچھ ایسی ہی معلوم ہوتی ہے۔۔

اس میں قصور غزل کا نہیں بلکہ ہمارا ہے کہ کیوں کہ ہم لوڈ شیڈنگ کے مارے ہیں اور جناب ساون کے اندھے کو ہرا ہرا ہی دکھائی دیتا ہے۔

 

[ابوشامل]

اس میں ہم نے ہر گز غزل کو قصور وار نہیں ٹھیرایا۔ اچھے کلام کی نشانی ہی یہی ہوتی ہے کہ اسے کئی مواقع پر "استعمال" کیا جا سکے یعنی وہ "کثیر الاستعمال" ہو

 

[فرخ منظور]

بہت شکریہ فرحت کیانی، ابو شامل اور محمد احمد صاحبان!