رنگ کہتے ہیں کہانی میری :: غزل از خالد احمد

[فرقان احمد]

رنگ کہتے ہیں کہانی میری
کس کی خوشبو تھی جوانی میری

کوئی پائے تو مجھے کیا پائے
کھوئے رہنا ہے نشانی میری

کوہ سے دشت میں لے آئی ہے
دشمنِ جاں ہے روانی میری

کِھل رہی ہے پسِ دیوارِ زماں
خواہشِ نقل مکانی میری

سرِ مرقد ہیں سبھی سایہ کشا
کوئی حسرت نہیں فانی میری

کیا سخن فہم نظر تھی جس نے
بات کوئی بھی نہ مانی میری

ناقدوں نے مجھے پرکھا خالد
خاک صحراؤں نے چھانی میری

خالد احمد

 

[محمداحمد]

واہ!

کیا خوبصورت انتخاب ہے۔

نیرنگ خیال بھائی
فلک شیر بھائی

 

[نیرنگ خیال]

کیا سخن فہم نظر تھی جس نے
بات کوئی بھی نہ مانی میری

ہائے۔۔۔۔ اعلیٰ

 

[ہادیہ]

کیا سخن فہم نظر تھی جس نے
بات کوئی بھی نہ مانی میری

ہائے۔۔۔۔ اعلیٰ

ہائے تو صحیح نکل رہی ہے آپ کی شدہ شدہ حضرات۔۔

 

[ہادیہ]

بہت عمدہ ۔۔فرقان بھائی۔۔

 

[فہد اشرف]

لاجواب غزل! کیا سخن فہم نظر پائی ہے آپ نے، اس انتخاب پہ ڈھیروں داد۔

 

[محمداحمد]

ہائے تو صحیح نکل رہی ہے آپ کی شدہ شدہ حضرات۔۔

شکر ہے میری ہائے نہیں نکلی!

 

[محمداحمد]

عبدالقیوم چوہدری بھائی صاحب!

 

[عبدالقیوم چوہدری]

شکر ہے میری ہائے نہیں نکلی!

ہاہاہاہاہا۔۔۔۔
وہ شبینہ بی بی کہا کرتی تھیں۔۔۔ کہ 'ابھی تکلف ہے گفتگو میں، ابھی محبت نئی نئی ہے' ۔۔۔۔ تو ہائے کے نکلنے اور اس کے حجم کا دارومدار طوالت ہائےعرصہ شد شد شدگان پر بھی منحصر ہوتا ہے۔

 

[عبدالقیوم چوہدری]

عبدالقیوم چوہدری بھائی صاحب!

اس ٹیگ کے سب سے زیادہ مستحق جناب اے خان ہیں جنھیں لاکھ سمجھائیں، پر کچھ سمجھ نہیں آتا۔

 

[ہادیہ]

اس ٹیگ کے سب سے زیادہ مستحق جناب اے خان ہیں جنھیں لاکھ سمجھائیں، پر کچھ سمجھ نہیں آتا۔

آپ کو تو پہلی کے بعد بھی سمجھ نہیں آئی تھی۔ دوسری شادی کے بعد ہی سمجھ آئی تھی۔ پھر آپ عبداللہ بھائی سے بھی یہ امید مت رکھیں کہ انہیں بیچلر سٹیج پہ ہی سمجھ آجائے گی۔۔

 

[ہادیہ]

شکر ہے میری ہائے نہیں نکلی!

ہاہاہا
جواب تو چوہدری بھیا نے بڑے مزے کا دیا ہے۔۔

 

[محمداحمد]

ہاہاہاہاہا۔۔۔۔
وہ شبینہ بی بی کہا کرتی تھیں۔۔۔ کہ 'ابھی تکلف ہے گفتگو میں، ابھی محبت نئی نئی ہے' ۔۔۔۔ تو ہائے کے نکلنے اور اس کے حجم کا دارومدار طوالت ہائےعرصہ شد شد شدگان پر بھی منحصر ہوتا ہے۔

آہ کو چاہیے اِک عمر "ہائے" بننے میں۔

 

[محمداحمد]

ہاہاہا
جواب تو چوہدری بھیا نے بڑے مزے کا دیا ہے۔۔

جس پر گزرتی ہے، وہی جانتا ہے۔

 

[عبدالقیوم چوہدری]

آپ کو تو پہلی کے بعد بھی سمجھ نہیں آئی تھی۔ دوسری شادی کے بعد ہی سمجھ آئی تھی۔

توبہ توبہ۔۔۔۔۔ اللہ جی نا کریں جو مجھے دو کے بعد بھی سمجھ آجائے۔
میرا تو بار بار بار بار بار بار بار بار بار بار ہائے کرنے کو دل کرتا رہتا ہے۔

 

[محمداحمد]

اس ٹیگ کے سب سے زیادہ مستحق جناب اے خان ہیں جنھیں لاکھ سمجھائیں، پر کچھ سمجھ نہیں آتا۔

سرگوشی

ایسی باتیں اُن کی آتشِ شوق کو اور ہوا دیتی ہیں۔

 

[عبدالقیوم چوہدری]

آہ کو چاہیے اِک عمر "ہائے" بننے میں۔

بس جی ہر شے کا وقت معین ہے۔ گو فیض صاحب کسی اور طرز میں فرما گئے ہیں لیکن ۔۔۔اک ذرا صبر، کہ فریاد کے دن تھوڑے ہیں

 

[عبدالقیوم چوہدری]

ایسی باتیں اُن کی آتشِ شوق کو اور ہوا دیتی ہیں۔

بلاشبہ، ایسا ہی ہے اور ہمارا انھیں یاد کرنا بھی اسی 'تناظر'میں تھا۔

 

[محمداحمد]

بس جی ہر شے کا وقت معین ہے۔ گو فیض صاحب کسی اور طرز میں فرما گئے ہیں لیکن ۔۔۔اک ذرا صبر، کہ فریاد کے دن تھوڑے ہیں

یعنی کچھ عرصے بعد انسان فریاد کرنے جوگا (فریاد کرنے کے قابل) بھی نہیں رہتا۔

 

[ہادیہ]

توبہ توبہ۔۔۔۔۔ اللہ جی نا کریں جو مجھے دو کے بعد بھی سمجھ آجائے۔
میرا تو بار بار بار بار بار بار بار بار بار بار ہائے کرنے کو دل کرتا رہتا ہے۔

اللہ اللہ۔۔۔ ارادے تو دیکھیں ذرا چوہدری صاحب کے۔۔
جتنی بار آپ نے " بار" لکھا ہے۔ اتنی بار تو اسلام بھی اجازت نہیں دیتا۔۔ ایس لئی "ٹِک" کے بیٹھے رہو۔۔ ہلا۔۔