روزمرہ کی باتیں اور کیفیات
- صاحب لڑی جاسمن
- تاریخ ابتداء
علی وقار
محفلین
ہمارے عہد کا یہ المیہ ہے
اجالے تیرگی سے ڈر گئے ہیں
شکیل احمد خان23
محفلین
وہ ہم ہوں ، آپ ہوں یا اور کوئی
اب اِس منزل کو بھی سر کرگئے ہیں
۔۔۔۔۔۔۔۔۔۔۔۔۔۔۔(شکیل احمد خان)
اجیت سنگھ حؔسرت کی غزل کا محض یہی ایک شعر بحرکی پیچیدگیوں سے بھی دوچار ہے۔۔۔۔۔۔۔۔
آخری تدوین:
علی وقار
محفلین
سر، کچھ وضاحت ہو جائے، ہمیں تو بحر کی پیچیدگیوں کا کچھ زیادہ علم نہیں۔
شکیل احمد خان23
محفلین
علی بھائی ریختہ پر اجیت سنگھ حؔسرت کی یہ خوبصورت غزل موجود ہے۔واقعات ِ کربلا کی تلمیحات سے سجے اِس غزل کے بعض شعراپنے اندر جہانِ معانی لیے ہوئے ہیں ۔پہلے شعر میں حق پر چلنے اور اسی پر جان دیدینے والوں کو شاہراہِ عشق کی رونق اور روشنی بتایا ہے تو دوسرے میں سانحہ ٔ کربلا کوایسا عظیم سانحہ کہا جس کےغم سے آ ج بھی ہر آنکھ اشک بار ہے اور تیسرے شعر میں آدمی کے ہاتھوں آدمی کی بے توقیری کی طرف اشارہ ہے ، چوتھے شعر میں ایسے عظیم لوگوں کو یاد کیاجواپنے منزہ کردارکے سبب اب مثالوں کی صورت ہماری گفتگو، علمی اورادبی کلام ، ہمارے قصص اور واقعات کاجزوِ لاینفک ہیں۔پانچویں شعر میں لغویات ، مناہیات، فضول باتوں اور لہوو لعب کے رسیالوگوں کی طرف توجہ دلائی کہ اب اُن کا نام لیوا اور پانی دیوا بھی کوئی نہیں ۔ چھٹا شعر وہ ہے جو آپ نے ایک واقعے کی منظر کشی میں استعمال کیا : ہمارے عہد کا یہ المیہ ہے،اُجالے تیرگی سے ڈر گئے ہیں۔۔۔۔۔مجھے تو یوں لگتا ہے کہ اب ہم من حیث ال گروہِ انسانی اِس منزل سے بھی آگے نکل آئے ہیں ۔اب اُجالوں کو تیرگی سے نہیں تیرگی کو نام نہاد اُجالوں سے خوف درپیش ہے۔یہ نام نہاد اُجالے انٹر نیٹ کے توسط سے رفتہ رفتہ دنیا میں پھیل رہے ہیں۔۔۔۔۔۔۔۔۔۔
غزل کے آخری شعر مقطع میں حؔسر ت نے اُن لائق فائق،ذہین و فطین، عالم فاضل اور نابغہ ٔ روزگار ہستیوں کی طرف اشارہ کیا ہے جو اِس آرٹیفیشل نورِ خورشید سے سہم کر اکتاکے ، بیزارہوکر کہیں گوشہ گزیں ہوگئے ہیں ۔۔۔
غزل کے آخری شعر مقطع میں حؔسر ت نے اُن لائق فائق،ذہین و فطین، عالم فاضل اور نابغہ ٔ روزگار ہستیوں کی طرف اشارہ کیا ہے جو اِس آرٹیفیشل نورِ خورشید سے سہم کر اکتاکے ، بیزارہوکر کہیں گوشہ گزیں ہوگئے ہیں ۔۔۔
آخری تدوین:
جاسمن
لائبریرین
اپنے بچوں کی آنکھوں میں آنسو دیکھنا بہت مشکل ہے۔ ہمیں حوصلہ دینے والا اپنی کتابوں کے لیے کس قدر دکھی ہوا۔ لیکن الحمد اللہ اب ٹھیک ہے۔ خوش ہے الحمد اللہ۔
یہ حادثات بھی ہمیں بہت کچھ سکھاتے ہیں۔ لیکن افسوس کا مقام ہے کہ فائر بریگیڈ کے جانے کے بعد طلبہ کے ساتھ ساتھ کے کچے علاقے کے لوگ بھی لوٹنے آ گئے۔ جسے جہاں سے اندر داخل ہونے کی جگہ ملی، وہ ہاسٹل میں گھس گیا اور جو جو ہاتھ لگا، وہ لے گیا۔
کسی نے نہیں سوچا کہ چوری جرم ہے، گناہ ہے، شریعت کی رو سے سزا بھی ہاتھ سے محرومی ہے۔ یہ نہیں سوچا کہ یہ سب جو لُوٹ رہے ہیں، کسی نے سالوں میں جمع کیا ہو گا۔ کتنی ضروریات کو پسِ پشت ڈال کے یہ سب لیا ہو گا۔
یہ ہم لوگ کس طرف چل رہے ہیں!!!
الشفاء
لائبریرین
کیونکہ ہم نے اپنی اسلامی اقدار کو پس پشت ڈال دیا ہے خاص طور پر معاملات میں ۔ اور جن قوموں نے ان اقدار کو اپنا لیا وہ آج عروج پر ہیں۔۔۔
شکیل احمد خان23
محفلین
علی بھائی !
جاسمن بہن کی باتوں پر اپنا خیال ،اپنے تاثرات یا یوں کہیں حالات وواقعات کو دیکھ کر پیدا ہونیوالااپنا ذہنی خلفشار اپنے الفاظ میں آپ بھی بیان کریں اور اپنی تحریر کی فارمیٹنگ کے لیے اوپر جسٹی فیکشن کا اختیار بھی بالضرور استعمال کریں تاکہ آپ کا لکھا کم ازکم کتاب کے لکھے کی طرح تو نظر آئے ،کتاب جس سے ۔۔۔۔۔۔۔۔۔ہماری تحریریں یہ گواہی دے رہی ہیں کہ ہمارارشتہ اور تعلق دن بدن کمزورتر ہوتا جارہا ہے۔۔۔۔۔۔دن بدن۔۔۔کمزور تر۔۔۔
آخری تدوین:
شکیل احمد خان23
محفلین
بجافرمایا آپ نے ، الشفا بھیا،سلامت رہیں۔۔۔۔۔۔۔۔۔
قرآن ِ پاک پڑھتے ہیں اوربعض لوگ یہ بھول جاتے ہیں کہ قرآنِ پاک فلاح و بہبودِ انسانی کےلیےسرچشمہ ٔ رُشد وہدایت کے ساتھ ساتھ تمام علومِ حسنہ کا منبع و مخزن ومعدن ِ حقیقی بھی ہے۔۔۔۔۔۔۔۔
قرآن ِ پاک پڑھتے ہیں اوربعض لوگ یہ بھول جاتے ہیں کہ قرآنِ پاک فلاح و بہبودِ انسانی کےلیےسرچشمہ ٔ رُشد وہدایت کے ساتھ ساتھ تمام علومِ حسنہ کا منبع و مخزن ومعدن ِ حقیقی بھی ہے۔۔۔۔۔۔۔۔
آخری تدوین:
علی وقار
محفلین
شکیل بھائی!
آپ کا حکم سر آنکھوں پر۔ ایسے واقعات پڑھ کر ذہن و دل ماؤف ہو جاتے ہیں۔ والدین اپنے جگر گوشوں کو تعلیمی اداروں میں اس لیے کب بھجواتے ہیں کہ وہ ایسے حالات کا سامنا کریں! میں تو جاسمن صاحبہ کی ہمت کی داد دیتا ہوں کہ اس افسوس ناک صورت حال کے باوصف ہمت و حوصلہ مجتمع کر کے اپنے صاحب زادے کے لیے نئے سرے سے کتب جمع کر رہی ہیں۔ کاش ہمیں یہ منظر دوبارہ نہ دیکھنا پڑے۔
جاسمن
لائبریرین
آگ لگانا اور چوری کرنا۔۔۔
لیکن جو زبان کی بنیاد پہ کونسلز بنی ہوئی ہیں اور اسی بنا پہ آپس میں تفرقے ہوتے ہیں، یہ چیز بہت ہی زیادہ تکلیف دہ ہے۔
پہلے پشتونوں نے پنجابیوں کو مارا۔ محمد تو امن کا داعی ہے لیکن مار اسے بھی پڑی۔( کئی پختون اس کے بہت اچھے دوست ہیں لیکن وہ کہتا ہے کہ لڑائی ہوتی ہے تو پھر دوست مارتا تو نہیں ہے لیکن بچاتا بھی نہیں ہے۔ ) پھر پنجابیوں نے پختونوں کو مارا۔ پھر پختونوں نے آگ لگائی۔ آگ محمد کے کمرے کے دروازے تک آئی تھی۔
ہم ایک بار محمد سے ملنے گئے تو اس کے ہم جماعت اور دوستوں سے ملاقات ہوئی۔ روم میٹ سے ملاقات ہوئی۔ میں نے دونوں کو ایک دوسرے کا خیال رکھنے اور نمازوں کی حفاظت کا کہا۔ وہ کہنے لگا کہ آنٹی یہ بھی پنجابی ہے اور میرے علاقے کا ہے تو میں اس کا خیال ضرور رکھوں گا۔ کچھ ایسے ہی الفاظ تھے۔ بڑا افسوس لگا۔ اسے ٹوکا کہ بیٹا! آپ دونوں مسلمان ہو الحمد اللہ اور ایک جسم کی مانند ہو۔ بس اسی بنا پہ ایک دوسرے کا خیال رکھو۔
لیکن جو زبان کی بنیاد پہ کونسلز بنی ہوئی ہیں اور اسی بنا پہ آپس میں تفرقے ہوتے ہیں، یہ چیز بہت ہی زیادہ تکلیف دہ ہے۔
پہلے پشتونوں نے پنجابیوں کو مارا۔ محمد تو امن کا داعی ہے لیکن مار اسے بھی پڑی۔( کئی پختون اس کے بہت اچھے دوست ہیں لیکن وہ کہتا ہے کہ لڑائی ہوتی ہے تو پھر دوست مارتا تو نہیں ہے لیکن بچاتا بھی نہیں ہے۔ ) پھر پنجابیوں نے پختونوں کو مارا۔ پھر پختونوں نے آگ لگائی۔ آگ محمد کے کمرے کے دروازے تک آئی تھی۔
ہم ایک بار محمد سے ملنے گئے تو اس کے ہم جماعت اور دوستوں سے ملاقات ہوئی۔ روم میٹ سے ملاقات ہوئی۔ میں نے دونوں کو ایک دوسرے کا خیال رکھنے اور نمازوں کی حفاظت کا کہا۔ وہ کہنے لگا کہ آنٹی یہ بھی پنجابی ہے اور میرے علاقے کا ہے تو میں اس کا خیال ضرور رکھوں گا۔ کچھ ایسے ہی الفاظ تھے۔ بڑا افسوس لگا۔ اسے ٹوکا کہ بیٹا! آپ دونوں مسلمان ہو الحمد اللہ اور ایک جسم کی مانند ہو۔ بس اسی بنا پہ ایک دوسرے کا خیال رکھو۔