روزمرہ کی باتیں اور کیفیات

[زیک]

آپ کا بس چلے تو من آنم کہ من دانم کی مثل پہ ایک کاری ضرب لگادیں ۔

Je pense, donc je suis

 

[جاسمن]

آج کل سینا، پرونا، کڑھائی، ستارے موتی ٹانکنا، گوٹے کناریاں لگانے کا کام ہو رہا ہے۔ میرے دل پسند کام۔

 

[جاسمن]

شادی ہال میں خواتین کے لیے علیحدہ انتظام ہوتا ہے لیکن چند مردوں کی دیرینہ عادت ہوتی ہے کہ وہ بچے پکڑنے، بیوی سے بات کرنے، بچے واپس دینے وغیرہ وغیرہ کے بہانے گاہے بگاہے چکر لگاتے رہتے ہیں۔ بعض تو جم کے کھڑے/بیٹھ جاتے ہیں۔ چاہے گھر میں بچوں کو کبھی نہ اٹھایا ہو۔ یہاں بیوی سے کھانے پینے کا پوچھنے آنے والوں نے گھر میں چاہے بیوی کا جینا دوبھر کیا ہو۔
ہر بار کی کوفت اس بار بھی رہی۔ اللہ ہدایت دے۔ آمین !

 

[جاسمن]

شادی کے گھر میں جہاں خواتین کی محفل جمی ہے، وہیں حضرتِ داغ جم کے بیٹھ جائیں گے۔ لاکھ کہتے رہیں کہ مرد حضرات اپنی الگ محفل جمائیں۔ یہاں سے چلے جائیں۔ نہ بھئی۔
پھر پڑھے لکھے لوگ بھی موبائل پکڑ کے جِس تِس کی فوٹوز/ویڈیوز بناتے رہتے ہیں۔ نہ اجازت نہ تمیز شعور۔ پھر موبائل پہ دیکھ دیکھ کے تبصرے کریں گے۔
پبلک مقامات پہ اپنی ذاتی تصاویر/ویڈیوز بناتے ہوئے چاہے دوسرے لوگ بھی پیچھے آ رہے ہوں، لوگ پرواہ نہیں کرتے۔ کوئی اجازت نہیں۔ کچھ کہہ دو تو الٹا ناراض ہونے لگتے ہیں۔
ہمیں اخلاقیات کے کورسز کرنے کی سخت ضرورت ہے۔

 

[علی وقار]

پبلک مقامات پہ اپنی ذاتی تصاویر/ویڈیوز بناتے ہوئے چاہے دوسرے لوگ بھی پیچھے آ رہے ہوں، لوگ پرواہ نہیں کرتے۔ کوئی اجازت نہیں۔ کچھ کہہ دو تو الٹا ناراض ہونے لگتے ہیں۔

شعور کی کمی۔

 

[جاسمن]

السلام علیکم ورحمتہ اللہ وبرکاتہ
کیا حال ہے محفلین!

 

[جاسمن]

گُلِ یاسمیں !
لڑکی! تمہیں بہت یاد کرتی ہوں۔ تمہارے لیے ایک حیران کُن بات کبھی تمہیں پتہ چلے گی تو بہت خوشی ہو گی۔

 

[گُلِ یاسمیں]

گُلِ یاسمیں !
لڑکی! تمہیں بہت یاد کرتی ہوں۔ تمہارے لیے ایک حیران کُن بات کبھی تمہیں پتہ چلے گی تو بہت خوشی ہو گی۔

لو بھلا میکوں کس لئے یاد کرتی ہیں۔۔۔ کہیں 13 کا پہاڑا تو نہیں سمجھ لیا نا

 

[جاسمن]

لو بھلا میکوں کس لئے یاد کرتی ہیں۔۔۔ کہیں 13 کا پہاڑا تو نہیں سمجھ لیا نا

مجھے نہیں پتہ کہ کیوں یاد کرتی ہوں یا یاد رہتی ہو۔ ایک ساتھی نے کبھی اپنے مرحوم والدین کے لیے دعا کے لیے ایک بار کہا۔۔۔ مجھے نہیں معلوم لیکن وہ مجھے اکثر ہی دعا کرتے ہوئے یاد رہتے ہیں۔ اور مجھے ہنسی بھی آتی ہے کہ صحیح ڈیوٹی تفویض کی ہے۔ حالانکہ وہ ایک کام میں عام سے ساتھی ہیں اور ہماری بالمشافہ ملاقات شاید زیادہ سے زیادہ دو بار ہوئی ہو گی۔
بس یہ بھی اللہ کی طرف سے ہوتا ہے۔ ہم وجہ نہیں سمجھ پاتے۔

 

[سیما علی]

السلام علیکم ورحمتہ اللہ وبرکاتہ
کیا حال ہے محفلین!

وعلیکم السلام
شکر الحمد للہ

 

[الشفاء]

وہ مجھے اکثر ہی دعا کرتے ہوئے یاد رہتے ہیں۔

ہم بھی تو پڑے ہیں راہوں میں۔۔۔

 

[جاسمن]

ہم بھی تو پڑے ہیں راہوں میں۔۔۔

اللہ پاک آپ اور آپ سے متعلقہ سب لوگوں کو ڈھیروں خوشیاں اور آسانیاں دے۔ اپنے حفظ و امان میں رکھے۔ کامل صحت دے۔ ہر آزمائش اور بری تقدیر سے پناہ دے۔ آپ کے جانے والوں کو خاص کر والدہ مرحومہ کی مغفرت فرمائے۔ جنت الفردوس میں اعلیٰ مقام عطا کرے۔ ان کی قبروں کو ٹھنڈا، ہوادار، کشادہ اور روشن کرے اور ان میں جنت کی کھڑکیاں کھول دے۔ بغیر حساب کے جنت میں لے جائے اور پیارے نبی صلی اللہ علیہ وسلم کے قریب میں جگہ نصیب کرے۔
آپ کی نیکیوں کو قبول و منظور کرے۔ آمین !
ثم آمین !

 

[الشفاء]

اللہ پاک آپ اور آپ سے متعلقہ سب لوگوں کو ڈھیروں خوشیاں اور آسانیاں دے۔ اپنے حفظ و امان میں رکھے۔ کامل صحت دے۔ ہر آزمائش اور بری تقدیر سے پناہ دے۔ آپ کے جانے والوں کو خاص کر والدہ مرحومہ کی مغفرت فرمائے۔ جنت الفردوس میں اعلیٰ مقام عطا کرے۔ ان کی قبروں کو ٹھنڈا، ہوادار، کشادہ اور روشن کرے اور ان میں جنت کی کھڑکیاں کھول دے۔ بغیر حساب کے جنت میں لے جائے اور پیارے نبی صلی اللہ علیہ وسلم کے قریب میں جگہ نصیب کرے۔
آپ کی نیکیوں کو قبول و منظور کرے۔ آمین !
ثم آمین !

آمین ثم آمین۔
جزاک اللہ احسن الجزاء یا اختی۔۔۔

 

[جاسمن]

السلام علیکم ورحمتہ اللہ وبرکاتہ
امجد میانداد اور مریم افتخار کو خوش آمدید
عرصے بعد چکر لگا۔ خاص طور پہ مریم تو طویل عرصے بعد محفل میں آئی ہیں۔
کیسے ہیں آپ لوگ؟

 

[مریم افتخار]

السلام علیکم ورحمتہ اللہ وبرکاتہ
امجد میانداد اور مریم افتخار کو خوش آمدید
عرصے بعد چکر لگا۔ خاص طور پہ مریم تو طویل عرصے بعد محفل میں آئی ہیں۔
کیسے ہیں آپ لوگ؟

وعلیکم السلام جاسمن بجو! الحمدللہ میں بالکل ٹھیک ہوں۔ آپ کیسی ہیں اور آجکل کیا مصروفیات ہیں؟

 

[جاسمن]

وعلیکم السلام جاسمن بجو! الحمدللہ میں بالکل ٹھیک ہوں۔ آپ کیسی ہیں اور آجکل کیا مصروفیات ہیں؟

الحمد اللہ ۔ ملازمت، گھر داری، روزے داری۔ پھر تھک کے ایسے سوتے ہیں کہ لگتا ہے نیند کی کئی گولیاں پھانک لی ہوں۔ کل میں صبح اٹھی تو روشنی دیکھی کھڑکی سے چھن چھن کے آتی ہوئی۔ میں نے چیخ ماری۔ آج سحری میں آنکھ نہیں کھلی۔۔۔ صدمے سے میرا برا حال۔ میں اور ایمی تو سحری کے بغیر برداشت کر لیں گے لیکن صاحب کا روزہ ؟
مما! کیا ہے؟ ہم سحری کر کے سوئے تھے۔

 

[امجد میانداد]

الحمد اللہ ۔ ملازمت، گھر داری، روزے داری۔ پھر تھک کے ایسے سوتے ہیں کہ لگتا ہے نیند کی کئی گولیاں پھانک لی ہوں۔ کل میں صبح اٹھی تو روشنی دیکھی کھڑکی سے چھن چھن کے آتی ہوئی۔ میں نے چیخ ماری۔ آج سحری میں آنکھ نہیں کھلی۔۔۔ صدمے سے میرا برا حال۔ میں اور ایمی تو سحری کے بغیر برداشت کر لیں گے لیکن صاحب کا روزہ ؟
مما! کیا ہے؟ ہم سحری کر کے سوئے تھے۔

ہم سب کام کرنے والوں کا ایسا ہی حال ہے۔
لیکن ہماری بے غم تو آج کل ان سب اُلجھنوں سے بے نیاز ہو کر اعتکاف میں مشغول ہیں۔

 

[امجد میانداد]

السلام علیکم ورحمتہ اللہ وبرکاتہ
امجد میانداد اور مریم افتخار کو خوش آمدید
عرصے بعد چکر لگا۔ خاص طور پہ مریم تو طویل عرصے بعد محفل میں آئی ہیں۔
کیسے ہیں آپ لوگ؟

میں تو آتا جاتا رہتا ہوں، بس اکثر خاموشی سے کنی کترا کے کھسک لیتا ہوں۔
اور ویسے ایک مریم افتخار ہماری پڑوسن بھی ہیں یہاں اسلام آباد میں

 

[مریم افتخار]

میں تو آتا جاتا رہتا ہوں، بس اکثر خاموشی سے کنی کترا کے کھسک لیتا ہوں۔
اور ویسے ایک مریم افتخار ہماری پڑوسن بھی ہیں یہاں اسلام آباد میں

یہ محفلین کی خاموشی ہی ہے کہ دیر بعد آنے پہ محفل عجیب ویران سی لگ رہی ہے۔
پڑوسن کو ٹیگ کرنا بھول گئے آپ!

 

[جاسمن]

یہ محفلین کی خاموشی ہی ہے کہ دیر بعد آنے پہ محفل عجیب ویران سی لگ رہی ہے۔
پڑوسن کو ٹیگ کرنا بھول گئے آپ!

رمضان کی وجہ سے ایسا ہے۔