زیرک کی پسندیدہ اردو نظمیں
- صاحب لڑی زیرک
- تاریخ ابتداء
زیرک
محفلین
تجزیہ
میں تجھے چاہتا نہیں، لیکن
پھر بھی جب پاس تو نہیں ہوتی
خود کو کتنا اداس پاتا ہوں
گم سے اپنے حواس پاتا ہوں
جانے کیا دھن سمائی رہتی ہے
اک خموشی سی چھائی رہتی ہے
دل سے بھی گفتگو نہیں ہوتی
میں تجھے چاہتا نہیں، لیکن
پھر بھی رہ رہ کے میرے کانوں میں
گونجتی ہے تری حسیں آواز
جیسے نادیدہ کوئی بجتا ساز
ہر صدا ناگوار ہوتی ہے
ان سکوت آشنا ترانوں میں
میں تجھے چاہتا نہیں، لیکن
پھر بھی شب کی طویل خلوت میں
تیرے اوقات سوچتا ہوں میں
تیری ہر بات سوچتا ہوں میں
کون سے پھول تجھ کو بھاتے ہیں
رنگ کیا کیا پسند آتے ہیں
کھو سا جاتا ہوں تیری جنت میں
میں تجھے چاہتا نہیں، لیکن
پھر بھی احساس سے نجات نہیں
سوچتا ہوں تو رنج ہوتا ہے
دل کو جیسے کوئی ڈبوتا ہے
جس کو اتنا سراہتا ہوں میں
جس کو اس درجہ چاہتا ہوں میں
اس میں تیری سی کوئی بات نہیں
میں تجھے چاہتا نہیں، لیکن
جاں نثار اختر
میں تجھے چاہتا نہیں، لیکن
پھر بھی جب پاس تو نہیں ہوتی
خود کو کتنا اداس پاتا ہوں
گم سے اپنے حواس پاتا ہوں
جانے کیا دھن سمائی رہتی ہے
اک خموشی سی چھائی رہتی ہے
دل سے بھی گفتگو نہیں ہوتی
میں تجھے چاہتا نہیں، لیکن
پھر بھی رہ رہ کے میرے کانوں میں
گونجتی ہے تری حسیں آواز
جیسے نادیدہ کوئی بجتا ساز
ہر صدا ناگوار ہوتی ہے
ان سکوت آشنا ترانوں میں
میں تجھے چاہتا نہیں، لیکن
پھر بھی شب کی طویل خلوت میں
تیرے اوقات سوچتا ہوں میں
تیری ہر بات سوچتا ہوں میں
کون سے پھول تجھ کو بھاتے ہیں
رنگ کیا کیا پسند آتے ہیں
کھو سا جاتا ہوں تیری جنت میں
میں تجھے چاہتا نہیں، لیکن
پھر بھی احساس سے نجات نہیں
سوچتا ہوں تو رنج ہوتا ہے
دل کو جیسے کوئی ڈبوتا ہے
جس کو اتنا سراہتا ہوں میں
جس کو اس درجہ چاہتا ہوں میں
اس میں تیری سی کوئی بات نہیں
میں تجھے چاہتا نہیں، لیکن
جاں نثار اختر
زیرک
محفلین
فقط ہم تم ہی بدلے ہیں
چلو پھر لوٹ جائیں ہم جہاں پہ کچھ نہیں بدلا
نہ ماہ و سال ہیں بدلے نہ ماضی حال ہیں بدلے
وہاں پہ لوٹ جائیں ہم جہاں معلوم ہو کے بس
نہیں کچھ اور ہے بدلا فقط ہم تم ہی بدلے ہیں
وہی مٹی وہی خوشبو وہی سوندھی فضائیں ہیں
وہی گلزار منظر تو وہی من چاہی راہیں ہیں
وہی بچپن وہی بوڑھے وہی سب ہیں جواں قصّے
مگر اب تم نہیں ہو وہ مگر اب میں نہیں ہوں وہ
وہی بادل وہی بارش وہی کشتی ہے کاغذ کی
وہی دھوپیں وہی سائے وہی دن رات من بھائے
وہی رونق وہی خوشیاں وہی جینے کی چاہت ہے
مگر بے کار ہے سب کچھ اگر ہم، ہم نہیں ہیں وہ
سبھی کچھ پھر خیالوں میں یہاں کیوں جی رہا ہوں میں
جو گھاؤ بھر چکا کب کا یونہی پھر سی رہا ہوں میں
سبھی کچھ وہ پرانا ہے سبھی کچھ پھر سہانا ہے
اگر ہے کچھ نیا تو بس نہیں ہو تم , نہیں ہیں ہم
گیا وہ لوٹ آئے پھر یہاں ایسا نہیں ہوتا
ہے رستہ ایک طرفہ یہ کوئی واپس نہیں ہوتا
مگر کب کوئی ہے سمجھا مگر کب کوئی ہے مانا
سبھی مڑ مڑ کے ہیں تکتے سبھی یہ آس ہیں مرتے
چلو پھر لوٹ جائیں ہم جہاں پہ کچھ نہیں بدلا
اتباف ابرک
چلو پھر لوٹ جائیں ہم جہاں پہ کچھ نہیں بدلا
نہ ماہ و سال ہیں بدلے نہ ماضی حال ہیں بدلے
وہاں پہ لوٹ جائیں ہم جہاں معلوم ہو کے بس
نہیں کچھ اور ہے بدلا فقط ہم تم ہی بدلے ہیں
وہی مٹی وہی خوشبو وہی سوندھی فضائیں ہیں
وہی گلزار منظر تو وہی من چاہی راہیں ہیں
وہی بچپن وہی بوڑھے وہی سب ہیں جواں قصّے
مگر اب تم نہیں ہو وہ مگر اب میں نہیں ہوں وہ
وہی بادل وہی بارش وہی کشتی ہے کاغذ کی
وہی دھوپیں وہی سائے وہی دن رات من بھائے
وہی رونق وہی خوشیاں وہی جینے کی چاہت ہے
مگر بے کار ہے سب کچھ اگر ہم، ہم نہیں ہیں وہ
سبھی کچھ پھر خیالوں میں یہاں کیوں جی رہا ہوں میں
جو گھاؤ بھر چکا کب کا یونہی پھر سی رہا ہوں میں
سبھی کچھ وہ پرانا ہے سبھی کچھ پھر سہانا ہے
اگر ہے کچھ نیا تو بس نہیں ہو تم , نہیں ہیں ہم
گیا وہ لوٹ آئے پھر یہاں ایسا نہیں ہوتا
ہے رستہ ایک طرفہ یہ کوئی واپس نہیں ہوتا
مگر کب کوئی ہے سمجھا مگر کب کوئی ہے مانا
سبھی مڑ مڑ کے ہیں تکتے سبھی یہ آس ہیں مرتے
چلو پھر لوٹ جائیں ہم جہاں پہ کچھ نہیں بدلا
اتباف ابرک