زیرک کے پسندیدہ اشعار

[زیرک]

دل کے ہر جزو میں جدائی ہے
درد اٹھے، آبلہ اگر بیٹھے
غلام مولیٰ قلق میرٹھی​

 

[زیرک]

وہ دل پہ وار بھی کرتا ہے، یہ بھی کہتا ہے
کہ دل کے زخم عجب ہیں، بھرا نہیں کرتے
پیرزادہ قاسم​

 

[زیرک]

تا عمر وہی کارِ زیاں عشق رہا یاد
حالانکہ یہ معلوم تھا اجرت نہ ملے گی
پیرزادہ قاسم​

 

[زیرک]

پہلے اس نے مجھے چُنوا دیا دیوار کے ساتھ
پھر عمارت کو مِرے نام سے موسوم کیا
غلام مرتضیٰ راہی​

 

[زیرک]

جن کی درد بھری باتوں سے ایک زمانہ رام ہوا
قاصرؔ ایسے فن کاروں کی قسمت میں بن باس رہا
غلام محمد قاصر​

 

[زیرک]

ہر سال کی آخری شاموں میں دو چار ورق اڑ جاتے ہیں
اب اور نہ بکھرے رشتوں کی بوسیدہ کتاب تو اچھا ہو
غلام محمد قاصر​

 

[زیرک]

سب سے پہلے مرے بھائی نے ہی پھینکا مجھ پر
پہلا پتھر ہی مجھے ہو گیا کاری پتھر​

 

[زیرک]

وقت بے رحم سہی، شکوۂ حالات بجا
آپ تدبیر سے تقدیر بدل سکتے ہیں​

 

[زیرک]

قابلِ رحم ہیں وہ انساں، جو
خواہشِ تخت و تاج رکھتے ہیں​

 

[زیرک]

قاضئ شہر نے قبلہ بدلہ
لیکن خطبے میں روانی ہے وہی​

 

[زیرک]

خوشدلی سے گھڑی بھر گلے لگاؤ ہمیں
ہمارے سارے مسائل کا حل محبت ہے
عطا الحسن​

 

[زیرک]

سو مجھ پہ کوئی برا وقت آ نہیں سکتا
کہ مجھ کو ماں کی دعا نے لپیٹ رکھا ہے
عطا الحسن​

 

[زیرک]

وحشت کا وہ وفور تھا، جذبوں کے ساتھ ساتھ
کل شب تمہارے نام کی خواہش بھی مار دی
عطا الحسن​

 

[زیرک]

کم ظرف کوزہ گر نے نمائش کے شوق میں
ہستی کے چاک پر بڑی مٹی خراب کی
عطا تراب​

 

[زیرک]

جھیل سی آنکھ کے مالک! کوئی تعبیر بتا
آج کل خود کو تہہِ آب بہت دیکھتے ہیں
عطا تراب​

 

[زیرک]

میں گاؤں کا ہوں سو ڈر رہا ہوں جدائیوں سے
تُو شہر کی ہے، میں جانتا ہوں نہیں ڈرو گی
احمد عطا اللہ​

 

[زیرک]

یہ جو راتوں کو مجھے خواب نہیں آتے عطا
اس کا مطلب ہے میرا یار خفا ہے مجھ سے
احمد عطا اللہ​

 

[زیرک]

نارسائی نے عجب طور سکھائے ہیں عطاؔ
یعنی بھولے بھی نہیں تم کو پکارا بھی نہیں
احمد عطا اللہ​

 

[زیرک]

درد کا درد سے کرتا ہے بھلا کوئی علاج
ٹھیک بنتا ہے نا اس بات پہ ہرجانہ مجھے
فرحت عباس شاہ​

 

[زیرک]

یہ جو فون بجتا ہے آدھی رات اداس سا
یہ جو بولتا ہی نہیں کبھی کوئی کون ہے؟
فرحت عباس شاہ​